ក្រសួងសុខាភិបាលប្រកាសពីការរកឃើញវីរុសកូវីដ១៩បំប្លែងថ្មី Delta ចំនួន ៣៩ករណីបន្ថែមទៀត​ ​

ក្រសួងសុខាភិបាលប្រកាសពីការរកឃើញវីរុសកូវីដ១៩បំប្លែងថ្មី Delta ចំនួន ៣៩ករណីបន្ថែមទៀត​ ​

ភ្នំពេញ​៖ ក្រសួងសុខាភិបាលកម្ពុជា បាន​ប្រកាសពីការរកឃើញវីរុសកូវីដ-១៩ បំប្លែងថ្មី B.1.617.2 (Delta) ចំនួន៣៩ករណីបន្ថែមទៀត នៅថ្ងៃទី២២ និងនៅថ្ងៃទី២៥ ខែកក្កដា ឆ្នាំ២០២១។ នេះបើយោងតាមសេចក្ដីជូនដំណឹង​របស់ក្រសួងសុខាភិបាល​ចេញផ្សាយនៅថ្ងៃទី២៧ ខែកក្កដា ឆ្នាំ២០២១។

ក្រសួងបញ្ជាក់ថា​ ករណីរកឃើញវីរុសកូវីដ១៩បំប្លែងថ្មីទាំង ៣៩ករណីនោះ ក្នុងនោះរកឃើញលើអ្នកដំណើរវិលត្រឡប់មកពីប្រទេសថៃតាមច្រកព្រំដែនកម្ពុជា-ថៃ ចំនួន ២១នាក់ , បុគ្គលិកសុខាភិបាល ០៤នាក់ , ប្រជាពលរដ្ឋក្នុងសហគមន៍ប៉ះពាល់ផ្ទះចំនួន ០៦នាក់ និង ប្រជាពលរដ្ឋក្នុងសហគមន៍ដែលមិនប៉ះពាល់ផ្ទាល់ចំនួន ០៨នាក់។

សូមកត់សម្គាល់ថា​ គិតចាប់ពីថ្ងៃទី៣១ ខែមីនា​ ឆ្នាំ២០២១ ដល់ថ្ងៃទី​២៥ ខែកក្កដា ឆ្នាំ២០២១ កម្ពុជាបាន​រកឃើញអ្នក​មានវិជ្ជមាន​វីរុសកូវីដ១៩បំប្លែងថ្មី ប្រភេទ Delta សរុបចំនួន​ ១១៤នាក់ (ស្ត្រី ៥៩នាក់)៕