សម្តេចក្រឡាហោម ស ខេង អនុញ្ញាតឲ្យតំណាងក្រសួងនគរបាលវៀតណាមចូលលជួបសម្ដែងការគួរសម និងជម្រាបលា

សម្តេចក្រឡាហោម ស ខេង អនុញ្ញាតឲ្យតំណាងក្រសួងនគរបាលវៀតណាមចូលលជួបសម្ដែងការគួរសម និងជម្រាបលា

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នារសៀលទី២៣ ខែកញ្ញា ឆ្នាំ២០២១នេះ​ បានអនុញ្ញាតឲ្យ​ឧត្តមសេនីយ៍ត្រី ង្វៀន ហាយសឺន ប្រធានស្ថានតំណាងក្រសួងនគរបាលអមស្ថាន​ទូតវៀត​ណាម​ប្រចាំ​នៅ​កម្ពុជា ចូលជួបសម្ដែងការគួរសម និងជម្រាបលា នាឱកាសលោកត្រូវបញ្ចប់អាណត្តិការងារនៅកម្ពុជា។

នៅក្នុងកិច្ចជំនួបនោះសម្ដេចក្រឡាហោម ស ខេង បានសម្ដែងការស្វាគមន៍ និងវាយតម្លៃខ្ពស់ ព្រមទាំងកោត​សរសើរ​ចំពោះ​លោកឧត្តមសេនីយ៍ត្រី ង្វៀន ហាយសឺន ដែលបានខិតខំបំពេញតួនាទីយ៉ាងសកម្មក្នុងនាមជាប្រធាន​ស្ថាន​តំណាង​ក្រសួង​នគរបាលវៀតណាមប្រចាំនៅព្រះរាជាណាចក្រកម្ពុជា ដែលមាន​ទីតាំងនៅក្នុងស្ថានទូតវៀតណាម​ប្រចាំ​នៅ​កម្ពុជា។

សម្ដេចបន្តថាក្រសួងមហាផ្ទៃកម្ពុជា និងក្រសួងនគរបាលវៀតណាម តែងតែមានកិច្ចសហប្រតិបត្តិការជាមួយ​គ្នា​យ៉ាង​ល្អប្រសើរ និងបន្តនូវកិច្ចសហប្រតិបត្តិការនេះជាបន្តទៀតទៅអនាគត។ សម្ដេចក៏មានសេចក្ដីសង្ឃឹមយ៉ាងមុតមាំថា អ្នក​បន្តអាណត្តិការងារក្រោយពីលោកឧត្តមសេនីយ៍ត្រី នឹងបន្តនូវអ្វីដែលជាសមិទ្ធផលដែលក្រសួងទាំងពីរ​មាននាពេល​កន្លង​មក និងពង្រីកិច្ចសហប្រតិបត្តិការឱ្យកាន់តែមានវឌ្ឍនភាពល្អប្រសើរថែមទៀត។

ថ្លែងនៅក្នុងជំនួបនោះដែរលោកឧត្តមសេនីយ៍ត្រី ង្វៀន ហាយសឺន ក៏បាន ង្ហាញពីភាពរីករាក និងវាយតម្លៃខ្ពស់ ចំពោះ​កិច្ចសហប្រតិបត្តិការដ៏ល្អរវាងក្រសួងទាំងពីរនៅក្នុងអាណត្តិការងារ៣ឆ្នាំកន្លងមកនេះ។ លោកបានជម្រាប​សម្ដេច​ក្រឡា​ហោម​ដែរថាក្រោយពីបញ្ចប់អាណត្តិការងារនៅកម្ពុជា លោកនឹងបន្តខិតខំដើរតួនាទីក្នុងការផ្សាភ្ជាប់​ទំនាក់ទំនងរវាង​សាកល​វិទ្យាល័យជាតិបាត់ដំបង និងសាកលវិទ្យាល័យកាន់ធើវៀតណាម ដើម្បីលើកកម្ពស់វិស័យអប់រំប្រទេសទាំងពីរឲ្យ​កាន់​តែល្អប្រសើផងដែរ៕