គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    គិតត្រឹមពេលនេះ កម្ពុជាដណ្ដើមបានមេដាយសរុប ១៩គ្រឿង, មាស ៦គ្រឿង, ប្រាក់ ៧គ្រឿង, សំរឹទ្ធ ៦គ្រឿង

    ដោយ៖ យូ វីរៈ​​ | ថ្ងៃព្រហស្បតិ៍ ទី៤ ខែសីហា ឆ្នាំ២០២២​ |
    គិតត្រឹមពេលនេះ កម្ពុជាដណ្ដើមបានមេដាយសរុប ១៩គ្រឿង, មាស ៦គ្រឿង, ប្រាក់ ៧គ្រឿង, សំរឹទ្ធ ៦គ្រឿង គិតត្រឹមពេលនេះ កម្ពុជាដណ្ដើមបានមេដាយសរុប ១៩គ្រឿង, មាស ៦គ្រឿង, ប្រាក់ ៧គ្រឿង, សំរឹទ្ធ ៦គ្រឿង

    កម្ពុជា​បាន​បំបែក​កំណត់ត្រា​ក្នុង​ប្រវត្តិសាស្ដ្រ​របស់ខ្លួន នៅក្នុង​ព្រឹត្តិការណ៍​អាស៊ាន​ប៉ា​រ៉ា​ហ្គេម​បន្ទាប់​ពី​​ដណ្ដើមបាន​មេដាយ​ច្រើន​បំផុត សម្រាប់​ការចូល​ព្រឹត្តិការណ៍​កីឡា​ជនពិការ​ប្រចាំ​តំបន់​នេះ បើ​គិត​ចាប់ពី​ឆ្នាំ​២០០១ ដែលជា​ឆ្នាំ​ប​ង្កើ​ក​ដំបូងរហូតមកទល់​បច្ចុប្បន្ន។​

    ​គិត​ត្រឹមពេលនេះ កម្ពុជា​ដណ្ដើមបាន​មេដាយ​សរុប ១៩​គ្រឿងរួមមាន​មេដាយមាស៦, ប្រាក់៧ និង​សំរឹទ្ធ ៦​គ្រឿង។​ ​សមិទ្ធផល​នេះបានធ្វើ​ឲ្យ​កម្ពុជា​បំបែក​កំណត់ត្រា​ប្រវត្តិសាស្ដ្រ​លើកដំបូង ពោលគឺ​មិន​ធ្លាប់មាន​ឆ្នាំ​ណាដែល​ក្រុម​អត្ត​ព​លិ​ក​ជនពិការ​កម្ពុជា ដណ្ដើមបាន​មេដាយ​ច្រើន​បែបណានេះ​ឡើយ ពិសេស​មេដាយមាសដែល​កម្ពុជាធ្លាប់​ដណ្ដើមបាន​ច្រើន​បំផុត​ត្រឹម ៣​គ្រឿងកាលពី​អាស៊ាន​ប៉ា​រ៉ា​ហ្គេមឆ្នាំ​២០១៣ នៅ​មី​យ៉ាន់​ម៉ា។​ ​

    ខាងក្រោមនេះជា​ប្រវត្តិ​ចូលរួម​ប្រកួត និង​ដណ្ដើម​មេដាយ​របស់​អត្ត​ព​លិ​ក​ជនពិការ​កម្ពុជា ក្នុង​ព្រឹត្តិការណ៍​អាស៊ាន​ប៉ា​រ៉ា​ហ្គេម​៖

    • ​លើក​ទី​១ ឆ្នាំ​២០០១ នៅ​ម៉ាឡេស៊ី​៖ កម្ពុជាឈ្នះ​មេដាយមាស ១ ប្រាក់ ១ និង​សំរឹទ្ធ ១ សរុប ៣
    • ​លើក​ទី​២ ឆ្នាំ​២០០៣ នៅ​វៀតណាម​៖ កម្ពុជាឈ្នះ​មេដាយមាស ១ ប្រាក់ ៥ និង​សំរឹទ្ធ ៣ សរុប ៩
    • ​លើក​ទី​៣ ឆ្នាំ​២០០៥ នៅ​ហ្វីលីពីន​៖ កម្ពុជា​ឈ្នះ​មេដាយប្រាក់ ៣ និង​សំរឹទ្ធ ២ សរុប ៥
    • ​លើក​ទី​៤ ឆ្នាំ​២០០៧ នៅ​ថៃ​៖ កម្ពុជា​ឈ្នះ​មេដាយប្រាក់ ១ សរុប ១
    • ​លើក​ទី​៥ ឆ្នាំ​២០០៩ នៅ​ម៉ាឡេស៊ី​៖ កម្ពុជាឈ្នះ​មេដាយមាស ១ ប្រាក់ ២ និង​សំរឹទ្ធ ៤ សរុប ៧
    • ​លើក​ទី​៦ ឆ្នាំ​២០១១ នៅ​ឥណ្ឌូនេស៊ី​៖ កម្ពុជាឈ្នះ​មេដាយប្រាក់ ៥ និង​សំរឹទ្ធ ២ សរុប ៧
    • ​លើក​ទី​៧ ឆ្នាំ​២០១៣ នៅ​មី​យ៉ាន់​ម៉ា​៖ កម្ពុជាឈ្នះ​មេដាយមាស ៣ ប្រាក់ ៤ និង​សំរឹទ្ធ ២ សរុប ៩
    • ​លើក​ទី​៨ ឆ្នាំ​២០១៥ នៅ​សិង្ហ​បុរី​៖ កម្ពុជាឈ្នះ​មេដាយមាស ១ ប្រាក់ ២ និង​សំរឹទ្ធ ៦ សរុប ៩
    • ​លើក​ទី​៩ ឆ្នាំ​២០១៧ នៅ​ម៉ាឡេស៊ី​៖ កម្ពុជាឈ្នះ​មេដាយប្រាក់ ៥ និង​សំរឹទ្ធ ៥ សរុប ១០
    • ​​លើក​ទី​១០ ឆ្នាំ​២០១៩ នៅ​ហ្វីលីពីនត្រូវបាន​ម្ចាស់ផ្ទះ​សម្រេច​លុបចោល ព្រោះ​បញ្ហា​កូ​វីដ​-១៩។​

    ​ដោយឡែក​ការប្រកួត​អាស៊ាន​ប៉ា​រ៉ា​ហ្គេមលើក​ទី​១១ ដែល​កំពុង​ប្រព្រឹត្តទៅនៅ​ឥណ្ឌូនេស៊ី​ពេលនេះ​វិញ ទោះបី​កម្ពុជា បាន​បង្កើត​កំណត់ត្រា​ដណ្ដើមបាន​មេដាយ​ច្រើន​ពុំ​ធ្លាប់មាន​យ៉ាងណា តែ​កម្ពុជា​នៅមាន​លទ្ធភាព​ដណ្ដើម​មេដាយ​បន្ថែមទៀត ដ្បិត​នៅសល់​វិញ្ញាសា​ជាច្រើនត្រូវ​ប្រកួត៕

     

    អត្ថបទទាក់ទង