គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    អង្គភាពព័ត៌មាន និងប្រតិកម្មរហ័ស​បញ្ចេញផ្សាយវីដេអូជាថ្មីបង្ហាញ​ពីត្រកូល​អ្នក​នយោបាយ​ក្បត់ជាតិ សាសនា និងព្រះមហាក្សត្រ

    ដោយ៖ យូ វីរៈ​​ | ថ្ងៃព្រហស្បតិ៍ ទី១៥ ខែកញ្ញា ឆ្នាំ២០២២​ |
    អង្គភាពព័ត៌មាន និងប្រតិកម្មរហ័ស​បញ្ចេញផ្សាយវីដេអូជាថ្មីបង្ហាញ​ពីត្រកូល​អ្នក​នយោបាយ​ក្បត់ជាតិ សាសនា និងព្រះមហាក្សត្រ អង្គភាពព័ត៌មាន និងប្រតិកម្មរហ័ស​បញ្ចេញផ្សាយវីដេអូជាថ្មីបង្ហាញ​ពីត្រកូល​អ្នក​នយោបាយ​ក្បត់ជាតិ សាសនា និងព្រះមហាក្សត្រ

    ត្រកូលអ្នកនយោបាយក្បត់ជាតិ គឺសំដៅទៅលើទណ្ឌិត សម រង្ស៊ី ដែលកំពុងនីរទេស​ខ្លួន​នៅ​ក្រៅប្រទេស បន្ទាប់ពីជននេះ បានប្រព្រឹត្តនូវបទល្មើសជាច្រើន ហើយនៅយប់ថ្ងៃទី១៤ ខែកញ្ញា ឆ្នាំ២០២២ តាមរយៈបទសម្ភាសន៍ជាមួយវិទ្យុអាស៊ីសេរី ជនក្បត់ជាតិសម រង្ស៊ី បាននិយាយបំភ័ន្តប្រាស់ចាកខុសពីការពិត អំពីបញ្ហាថា តុលាការពន្យាពេលកាត់ក្តីសំណុំរឿងកាត់ទឹកដី៤ខេត្ត​នៅភាគឥសាន្តរបស់ប្រទេសកម្ពុជាឱ្យទៅវៀតណាម។

    អង្គភាពព័ត៌មាន និងប្រតិកម្មរហ័សបានគូសបញ្ជាក់ថា « ជាតិ សាសនា ព្រះមហាក្សត្រ» គឺជាបាវចនារបស់ព្រះរាជាណាចក្រកម្ពុជា និងត្រូវចាត់ទុកជាដួងព្រលឹងរបស់ខ្មែរទាំងមូល ដែលគ្មានអ្នកណាអាចបំពានបានឡើយ។ ខណៈដែលរាជរដ្ឋាភិបាល ខិតខំលើកស្ទួយកិត្យានុភាពជាតិ ជ្រោងទង់ព្រះរាជាណាចក្រកម្ពុជា និងការពារតម្លៃព្រះមហាក្សត្រ ដើម្បីឲ្យសាកសមជាបាវនារបស់ជាតិ ប៉ុន្តែ មានត្រកូលអ្នកនយោបាយមួយទៀតបែរជាធ្វើសកម្មភាពគ្រប់បែបយ៉ាង ដើម្បីជាន់ពន្លិចកិត្យានុភាពជាតិ ខ្លួនឯង បំផ្លាញព្រះពុទ្ធសាសនា ដែលជាសាសនារបស់រដ្ឋ និងបន្ទាបបន្ថោកតម្លៃព្រះមហាក្សត្រគ្រប់ពេលវេលា។ នោះគឺអ្នកនយោបាយឈ្មោះ សម រង្ស៊ី នេះឯង។

    វីដេអូលាតត្រដាងអំពី ត្រកូលអ្នកនយោបាយក្បត់ជាតិ សាសនា និងព្រះមហាក្សត្រ បានរៀបរាប់ថា បន្ទាប់ពីសំណុំរឿងក្បត់ជាតិជាច្រើនត្រូវបានលាតត្រដាងជាបន្តបន្ទាប់ ឥលូវនេះសំណុំរឿងក្បត់ជាតិថ្មី និងដ៍ គ្រោះថ្នាក់មួយទៀតត្រូវបានលាតត្រដាង។ សំណុំរឿងក្បត់ជាតិថ្មីនេះ ពាក់ព័ន្ធនឹងការលួចចុះហត្ថលេខា ដោយ ស្ងាត់ៗជាមួយតំណាងជនជាតិដើមភាគតិចវៀតណាម ដោយសន្យាប្រគល់ទឹកដីខេត្តចំនួន៤ នៅភូមិភាគឥសាន ទៅឲ្យជនជាតិវៀតណាមរស់នៅ។ ឯកសារសំងាត់នេះត្រូវបានចុះហត្ថលេខាតាំងពីឆ្នាំ២០១៣ នៅឯ សហរដ្ឋអាមេរិក និងត្រូវបានបែកធ្លាយតាមរយៈ facebook កាលពីថ្ងៃទី៦ ខែមីនា ឆ្នាំ២០១៨ ។

    យោងតាមឯកសារដែលបានបែកធ្លាយ ទណ្ឌិត សម រង្ស៊ី បានចុះហត្ថលេខាលើកិច្ចព្រមព្រៀងជាមួយមេដឹកនាំ ជនជាតិដើមភាគតិចវៀតណាម ឈ្មោះ កុក ស កាលពីឆ្នាំ២០១៣។ កិច្ចព្រមព្រៀងនោះបញ្ជាក់ច្បាស់ណាស់ថា ជនជាតិដើមភាគតិចដែលជាដេហ្កាវៀតណាមមានសិទ្ធិស្វ័យភាពរបស់ពួកគេ  ពោលគឺមានសិទ្ធិធ្វើ និងអនុវត្តន៍សេចក្តីសំរេចលើបញ្ហាពាក់ព័ន្ធនឹងកិច្ចការផ្ទៃក្នុង និងតំបន់របស់ពួកគេរស់នៅក្នុងប្រទេសកម្ពុជា។

    មាត្រា៥នៃកិច្ចព្រមព្រៀងនេះក៍បានបញ្ជាក់ផងដែរថា ជនជាតិវៀតណាមដែលជាជនជាតិដើមភាគតិចដេហ្កា នឹងមានសិទ្ធិពេញលេញ ប្រសិនបើពួកគេចូលរួមក្នុងជីវិតនយោបាយ គឺក្នុងន័យថាបើគាំទ្រគណបក្សសង្គ្រោះជាតិ។ ម្យ៉ាងវិញទៀតនៅក្នុងឃ្លីបវីដេអូដែលបែកធ្លាយទណ្ឌិត សម រង្ស៊ី ក៍បានបញ្ជាក់យ៉ាងច្បាស់ថា នៅពេលដែលបក្ស សង្គ្រោះជាតិដឹកនាំរាជរដ្ឋាភិបាលកម្ពុជា ខ្លួននឹងកាត់ខេត្តរតនគីរី មណ្ឌលគីរី ក្រចេះ ស្ទឹងត្រែង ឱ្យវៀតណាម ជាជនជាតិភាគតិចដេហ្កា ដើម្បីគ្រប់គ្រងខេត្តទាំងបួននោះដោយស្វ័យភាពតែម្តង។

    សូមគោរពអញ្ជើញទស្សនាវីដេអូ៖

    អត្ថបទទាក់ទង