បែកធ្លាយ!!! សារសំឡេងលោក ហូរ វ៉ាន់ បញ្ជាឲ្យសកម្មជនខ្លួនទៅធ្វើបាតុកម្មនៅមុខស្ថានទូតចិន អាមេរិក និងបារាំងថ្ងៃទី២៣តុលា

ដោយ៖ យូ វីរៈ | ថ្ងៃពុធ ទី២៨ ខែតុលា ឆ្នាំ២០២០ |

746

ភ្នំពេញ៖ ទីបំផុតសំឡេងលោក ហូរ វ៉ាន់ បញ្ជាឲ្យសកម្មជនខ្លួនទៅធ្វើបាតុកម្មនៅមុខស្ថានទូតចិន អាមេរិក និងបារាំង កាលពីថ្ងៃទី២៣តុលា ត្រូវបានម្ចាស់Facebook ឈ្មោះ «យុត្តិធម៌ សង្គម» ទម្លាយនៅព្រឹកថ្ងៃទី២៨ ខែតុលា ឆ្នាំ២០២០។

ក្រៅពីសារសំឡេងបញ្ជារបស់លោក ហូរ វ៉ាន់, ម្ចាស់ Facebook ខាងលើបានសរសេរយ៉ាងដូច្នេះថា៖ «លោក ហូរ វ៉ាន់ អឺយ ! សំឡេងដែលលោកដែល និយាយបញ្ជាឱ្យសកម្មជនខ្លួនទៅធ្វើបាតុកម្មនៅមុខស្ថានទូតចិន អាមេរីក បារាំងថ្ងៃ២៣តុលានោះ តាមការពិត សំឡេងនេះមនុស្សរបស់លោកក៏បានចែក share មកឱ្យពួកខ្ញុំដែរ! តែពួកខ្ញុំមិនបានទៅចូលរួមតាមការបំផុសរបស់គ្នាលោកនោះដើម្បីតែលុយកាក់ ប៉ុណ្ណឹងនោះទេ។

ហើយពួកសិទ្ធិមនុស្សខ្ញុំក៏មិនចង់ ឱ្យលោកប្រធាន កឹម សុខា ជាប់ជំពាក់វាក់វិននិងពាក់ព័ន្ធជាមួយនឹងក្រុមលោក សម រង្ស៊ី អីទៀតដែរ !

សូមនាំគ្នាស្តាប់សំឡេង ហូរ វ៉ាន់ ដែលគ្នាគាត់បានបញ្ជូនមកឱ្យពួកយើងតាម Messenger !

សូមបញ្ជាក់ថា ម្ចាស់ Facebook ឈ្មោះ «យុត្តិធម៌សង្គម» ត្រូវបានគេដឹងយ៉ាងច្បាស់ថា ជាក្រុម កឹម សុខា និយម, ដែលតែងតែនិយាយការពារផលប្រយោជន៍លោក កឹម សុខា និងបក្សពួករបស់ខ្លួន។»

សូមស្តាប់សំឡេងលោក ហូរ វ៉ាន់ ខាងក្រោម៖

អត្ថបទទាក់ទង