សមាជិកក្រុមបាតុករ ទំលាយសារសំឡេងរបស់លោក ហូរ វ៉ាន់ បញ្ជាឲ្យធ្វើបាតុកម្មនៅស្ថានទូតចិន អាមេរិក និងបារាំង

ដោយ៖ យូ វីរៈ | ថ្ងៃពុធ ទី២៨ ខែតុលា ឆ្នាំ២០២០ |

500

ភ្នំពេញ៖ សារសំឡេងថ្មីមួយទៀតរបស់លោក ហូរ វ៉ាន់ បញ្ជាឲ្យក្រុមបាតុករធ្វើបាតុកម្មនៅស្ថានទូតចិន អាមេរិក និងបារាំង កាលពីថ្ងៃទី២៣តុលាកន្លងមកនោះ ត្រូវបានទំលាយដោយគណនីហ្វេសប៊ុកឈ្មោះ ក្រុមស្ត្រីក្លាហានដោយស្ម័គ្រចិត្ត នៅថ្ងៃទី២៨ ខែតុលា ឆ្នាំ២០២០ ដែលក្រុមនេះត្រូវបានគេស្គាល់ថា ជាក្រុមទទួលបញ្ជាផ្ទាល់ពីលោក ហូរ វ៉ាន់ ដើម្បីធ្វើបាតុកម្មតែម្ដង។

ក្រៅពីសារសំឡេងបញ្ជារបស់លោក ហូរ វ៉ាន់, ម្ចាស់ Facebook ខាងលើបានសរសេរយ៉ាងដូច្នេះថា៖ «ជូនអុំ ហូរ វ៉ាន់ និងពូអ៊ុសម្ថកិច្ច! នាងខ្ញុំជាសមាជិកសកម្មក្នុងក្រុមស្រ្តីក្លាហាន «នាងញុំសុំលាក់ឈ្មោះ» ដែលបានចូលរួមតវ៉ាប្រឆាំងរឿងទាហានចិននៅស្រុកខ្មែរកាលថ្ងៃ២៣ តុលា ពិតជាសោកស្តាយកំហុសឆ្គងដែលបាន ចូលរួមស្រែកតវ៉ាតាមបញ្ជាផ្ទាល់ពីលោក អ៊ុ ហូរ វ៉ាន់ ដោយសារតែត្រូវការលុយកាក់មួយចំនួន។ នាងខ្ញុំសូមប្រកាសជាចំហថា នាងខ្ញុំមិនមានអ្វីពាក់ព័នជាមួយក្រុមស្រ្តីក្លាហាននេះចាប់ពីថ្ងៃ២៤តុលាតទៅទៀត។

ជាភស្តុតាងនៃការឈប់ទាក់ទងជាមួយក្រុមអ៊ុ ហូរ វ៉ាន់ នេះទៅទៀត នាងខ្ញុំសូមបង្ហោះស៊ែរនូវសំឡេងបញ្ជាតាមសារឆាត មេសសែនយឺររបស់លោកអ៊ុហូរ វ៉ាន់ដែលសារសំលេង រូបភាពនិងឆាតឆ្លើយឆ្លងជាច្រើនទៀត នាងខ្ញុំក៍បានផ្ញើអោយពូអ៊ុសម្ថកិច្ចភ្នំពេញរួចហើយតាំងពីល្ងាចថ្ងៃ២៣ តុលា មកម្ល៉េះ»។

សូមស្តាប់សំឡេងលោក ហូរ វ៉ាន់ ខាងក្រោម៖