កងសង្រ្គោះបន្ទាន់ និងពន្លត់អគ្គិភ័យ៧១១ របស់កងពលតូចលេខ៧០ ចូលរួមធ្វើបាឋកថា ស្តីពី “សកម្មភាព របស់កងប្រតិបត្តិការរុករក និងសង្រ្គោះ៧១១នៃកងពលតូចលេខ៧០”
កងសង្រ្គោះបន្ទាន់ និងពន្លត់អគ្គិភ័យ៧១១ របស់កងពលតូចលេខ៧០ ចូលរួមធ្វើបាឋកថា ស្តីពី “សកម្មភាព របស់កងប្រតិបត្តិការរុករក និងសង្រ្គោះ៧១១នៃកងពលតូចលេខ៧០”
ភ្នំពេញ ៖ យោងតាមការស្នើសុំរបស់រដ្ឋមន្ត្រីទទួលបន្ទុក រដ្ឋលេខាធិការដ្ឋានអាកាសចរស៊ីវិល លោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការកងពលតូចលេខ៧០ នៅថ្ងៃទី០២ ខែកញ្ញា ឆ្នាំ២០២០នេះ បានចាត់អោយក្រុមសង្រ្គោះបន្ទាន់ និងពន្លត់អគ្គិភ័យ៧១១ របស់កងពល បានទៅបង្ហាត់បង្រៀននូវមេរៀនសង្គ្រោះដល់មន្រ្តីបម្រើការងារនៅមជ្ឈមណ្ឌល ហ្វឹកហ្វឺន អាកាសចរស៊ីវិលអំពីមេរៀនរបៀបជួយសង្រ្គោះជនរងគ្រោះពីការបាក់អគារ និងសង្រ្គោះក្នុងរូងភ្នំ។ ការបង្រៀននេះដែរ ដោយគ្រូជំនាញសង្រ្គោះបន្ទាន់៧១១។
បាឋកថានេះបានបង្ហាញ ពីសកម្មភាព របស់កងប្រតិបត្តិការរុករក និងសង្រ្គោះ៧១១នៃកងពលតូចលេខ៧០ ក្នុងព្រឹត្តិការណ៍បាក់រលំអគារ៧ជាន់នៅខេត្តកែប ថ្ងៃ ទី៣-៥ ខែមករា ២០២០ និងជួយសង្រ្គោះជនរងគ្រោះគៀបជាប់ក្នុងរូងភ្នំ នៅស្រុកភ្នំព្រឹក ខេត្តបាត់ដំបង ថ្ងៃទី៧ ខែសីហា ២០១៩ផងដែរ។
សូមជម្រាបថា ការធ្វើបាឋកថានេះ មិនត្រឹមតែរៀនផ្នែកសង្រ្គោះទេ គឺជាការចងសម្ព័ន្ធមេត្រីភាពរវាងកងពលតូចលេខ៧០ ជាមួយមជ្ឈមណ្ឌល ហ្វឹកហ្វឺន អាកាសចរស៊ីវិលផងដែរ ដើម្បីអោយមានការទំនាក់ទំនងកាន់តែល្អទៅមុខបន្ថែមទៀត៕
![សម្ដេចតេជោ ហ៊ុន សែន ត្រូវបានទទួលការស្វាគមន៍យ៉ាងកក់ក្តៅបំផុតពីថ្នាក់ដឹកនាំសហភាពអឺរ៉ុប [VIDEO IN SIDE]](https://vopcambodia.com/wp-content/uploads/2022/12/vop1-2.jpg)
