គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    លោកជំទាវ ម៉ែន សំអន នាំ​យក​អំណោយ​​សម្តេច​កិត្តិ​ព្រឹទ្ធ​បណ្ឌិត​ ប៊ុន ​រ៉ានី​ហ៊ុន ​សែន​ ចែក​ជូន​ប្រជា​ពលរដ្ឋ ​១០៦​គ្រួសារ ​នៅ​ស្រុក​រំដួល ​ខេត្ត​ស្វាយរៀង​

    ដោយ៖ យូ វីរៈ​​ | ថ្ងៃអាទិត្យ ទី២២ ខែវិច្ឆិកា ឆ្នាំ២០២០​ |
    លោកជំទាវ ម៉ែន សំអន នាំ​យក​អំណោយ​​សម្តេច​កិត្តិ​ព្រឹទ្ធ​បណ្ឌិត​ ប៊ុន ​រ៉ានី​ហ៊ុន ​សែន​ ចែក​ជូន​ប្រជា​ពលរដ្ឋ ​១០៦​គ្រួសារ ​នៅ​ស្រុក​រំដួល ​ខេត្ត​ស្វាយរៀង​ លោកជំទាវ ម៉ែន សំអន នាំ​យក​អំណោយ​​សម្តេច​កិត្តិ​ព្រឹទ្ធ​បណ្ឌិត​ ប៊ុន ​រ៉ានី​ហ៊ុន ​សែន​ ចែក​ជូន​ប្រជា​ពលរដ្ឋ ​១០៦​គ្រួសារ ​នៅ​ស្រុក​រំដួល ​ខេត្ត​ស្វាយរៀង​

    ស្វាយរៀង​៖ លោក​ជំទាវ​កិត្តិ​សង្គ​ហ​បណ្ឌិត​ ម៉ែន​ សំអន គណៈ​កិត្តិយស​សាខា​កាក​បាទ​ក្រហម​កម្ពុជា​ ខេត្ត​ស្វាយរៀង ​រួម​ជា​មួយ​ប្រតិភូ​អម​ដំណើរ​បាន​ចុះ​សួរ​សុខ​ទុក្ខ​ និង​នាំ​យក​អំណោយ ​សម្តេច​កិត្តិ​ព្រឹទ្ធ​បណ្ឌិត​ ប៊ុន​ រ៉ានី​ហ៊ុនសែន ផ្តល់ជូន​ប្រជាពលរដ្ឋ​ងាយ​រ​ងគ្រោះបំ​ផុត​ នៅស្រុ​ក​រំដួល ​នៃ​ខេត្ត​ស្វាយរៀង ​សរុប​ចំនួន ​១០៦​គ្រួសារ ​ដែល​ជា​ចាស់​ជរា​គ្មាន​ទីពឹង ​ជន​ពិការ​ នាព្រឹក​ថ្ងៃ​អាទិត្យ ​ទី២​២ ​ខែ​វិច្ឆិកា​ ឆ្នាំ២០២០។

    ឆ្លៀតក្នុងឱកាសនោះ លោកជំទាវក៏បានមានប្រសាសន៍ថា ទោះបីជំងឺឆ្លងកូវីដ១៩ មានការ​រីក​រាល​ដាល ​នៅ​លើពិ​ភព​លោក យ៉ាងណាក៏ដោយ កាកបាទក្រហមកម្ពុជា ដែលមាន​សម្ដេចកិត្តិព្រឹទ្ធបណ្ឌិត​ជាប្រធាន​ តែងតែគិត​គូរ​ជានិ​ច្ច ​ពី​សុខទុក្ខ​សុខភាព​ និង​ជីវភាព​រស់​នៅ របស់​បង​ប្អូន​ប្រជា​ពលរដ្ឋ ដោយមិនប្រកាន់និន្នការនយោបាយ ជំនឿ សាសនា ពណ៌សម្បុរនោះឡើយ ។ ទីណាមានការលំបាក ទីនោះមានកាកបាទក្រហមកម្ពុជា ដោយមិន​គិតភាព​លំបាក ​ជិត​ឬ​ឆ្ងាយ ​ព្យុះភ្លៀង កាកបាទក្រហមកម្ពុជា ទៅដល់ទីនោះភ្លាមដោយ​មិន​រួញ​រា​ឡើយ​។

    លោកជំទាវក៏បានក្រើនរំលឹកដល់ប្រជាពលរដ្ឋកម្ពុជាគ្រប់រូបត្រូវគោរពនិងអនុវត្តឲ្យបានខ្ជាប់ខ្ជួននូវគោលការណ៍ រក្សាគម្លាតសង្គម និងវិធានការនានាតាមការកំណត់របស់ក្រសួងសុខាភិបាល និង ត្រូវបន្តរក្សាការប្រុងប្រយ័ត្នខ្ពស់ក្នុងការបង្ការ និងការពារនូវការឆ្លងរីករាលដាលនៃជំងឺកូវីដ១៩ នៃរលកទី២ ខណៈពេលដែលពិភពលោក​កំពុង​ប្រឈម​មុខ​នឹងការ​រាត​ត្បាតយ៉ាង​ខ្លាំង​ដោយ​សារ​ជំងឺ​មួយ​នេះ។​ លោកជំទាវបានផ្តាំផ្ញើរឲ្យប្រជាពលរដ្ឋទាំងអស់គ្នាត្រូវបង្កើនការផលិតផ្នែកកសិកម្ម តាមរយៈ ការដាំដុះ ការចិញ្ចឹមសត្វ ជាដើម ចំណែកឯអជ្ញាធរត្រូវតែពង្រឹងឲ្យមានប្រសិទ្ធិភាពនូវ ភូមិ-ឃុំមាន​សុវត្ថិភាព និងចូលរួមគោរពច្បាប់ចរាចរណ៍ទាំងអស់គ្នា ។

    អំណោយដែលត្រូវ​ផ្តល់ ជូនពលរដ្ឋទាំង ១០៦គ្រួសារ ក្នុងមួយគ្រួសារទទួលបាន អង្ករ៣០គីឡូក្រាម មី ១កេស ត្រីខ ១០កំប៉ុង ទឹកស៊ីអ៉ីវ ៦ដប កន្ទេលបត់ ១ ឃីត ១កញ្ចប់ និងថវិកាធ្វើដំណើរចំនួន៥ម៉ឺនរៀលផងដែរ ៕

     

    អត្ថបទទាក់ទង