គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    ក្រសួងសុខាភិបាល​ រកឃើញករណីវិជ្ជមានវីរុសកូវីដ១៩ថ្មី ​០២នាក់​ ខណៈ​អ្នកជំងឺ ០៣នាក់បាន​ជាសះស្បើយ​

    ដោយ៖ យូ វីរៈ​​ | ថ្ងៃអង្គារ ទី២៦ ខែមករា ឆ្នាំ២០២១​ |
    ក្រសួងសុខាភិបាល​ រកឃើញករណីវិជ្ជមានវីរុសកូវីដ១៩ថ្មី ​០២នាក់​ ខណៈ​អ្នកជំងឺ ០៣នាក់បាន​ជាសះស្បើយ​ ក្រសួងសុខាភិបាល​ រកឃើញករណីវិជ្ជមានវីរុសកូវីដ១៩ថ្មី ​០២នាក់​ ខណៈ​អ្នកជំងឺ ០៣នាក់បាន​ជាសះស្បើយ​

    ភ្នំពេញ​៖ ក្រសួងសុខាភិបាល​ បានប្រកាស​ថា​ រកឃើញករណីវិជ្ជមានវីរុសកូវីដ១៩ថ្មីចំនួន ០២​នាក់​ ក្នុងនោះមានម្នាក់ជាពលករខ្មែរមក​ពីប្រទេសថៃ​ និង​មាន​អ្នកជាសះស្បើយចំនួន​ ០៣នាក់​ផងដែរ​។ នេះបើយោងតាមសេចក្ដីជូនព័ត៌មានរបស់ក្រសួងសុខាភិបាលចេញផ្សាយនៅថ្ងៃទី២៦​ ខែមករា​ ឆ្នាំ​២០២១​ នេះ។

    ករណីវិជ្ជមានវីរុសកូវីដ១៩ថ្មី ចំនួន​០២នាក់នោះរួមមាន​៖

    • ជាបុរសជនជាតិឥណ្ឌូនេស៊ី អាយុ ២៤ឆ្នាំ ស្នាក់នៅ​ខេត្តព្រះសីហនុ ជាអ្នកដំណើរ​មកពីឥណ្ឌូនេស៊ី បន្តជើងហោះហើយនៅប្រទេ​សសិង្ហបុរី មកដល់កម្ពុជា​នៅថ្ងៃទី១២ ខែមករា​ ឆ្នាំ​២០២១ បច្ចុប្បន្នអ្នកជំងឺត្រូវបាន​ដាក់ឲ្យសម្រាកព្យាបាលនៅមជ្ឈមណ្ឌល​ជាតិកំចាត់​រោគរបេង​ និង​ហង់សិន រាជធានីភ្នំពេញ។
    • ជាស្ត្រី​ជនជាតិខ្មែរ អាយុ ២៣ឆ្នាំ​ ស្នាក់នៅ​ភូមិសាមគ្គីមានជ័យ សង្កាត់​ប៉ោយប៉ែត ក្រុង​ប៉ោយប៉ែត​ ខេត្ត​បន្ទាយមានជ័យ​ បាន​ធ្វើ​ដំណើរ​មកពីប្រទេសថៃ​ មកដល់​កម្ពុជា​នៅថ្ងៃទី១២ ខែមករា​ ឆ្នាំ​២០២១​ បច្ចុប្បន្ន​អ្នកជំងឺ​ត្រូវ​បាន​ដាក់​ឲ្យសម្រាក​នៅមន្ទីរពេទ្យបង្អែកខេត្តបន្ទាយមានជ័យ។

    ករណីជាសះស្បើយចំនួន ០៣នាក់ ក្នុងនោះ ០២នាក់ជាអ្នកដំណើរចូលមកកម្ពុជា និង​០១នាក់​ទៀត​ជាពលករខ្មែរ​ដែលធ្វើដំណើរមកពីប្រទេស​ថៃ។ អ្នកទាំងបីរត្រូវ​បាន​អនុញ្ញាតឲ្យ​ចេញពីមន្ទីរពេទ្យហើយ​។

    គិតត្រឹមម៉ោង​ ០៧​ព្រឹកថ្ងៃទី​២៦​ ខែមករា​ ឆ្នាំ​២០២១​​ កម្ពុជាមានអ្នកមានវីរុសកូវីដ១៩សរុបចំនួន​ ៤៦០នាក់​ នៅក្នុងនោះអ្នកព្យាបាលជាសះស្បើយចំនួន​ ៤១២ នាក់​ អ្នក​កំពុងសម្រាកព្យាបាលចំនួន​ ៤៨នាក់​ និងមិនមាន​អ្នកស្លាប់​ទេ​៕

     

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង