ក្រសួងធនធានទឹក៖ អាកាសធាតុនឹងចុះត្រជាក់ក្រោម ២០អង្សា នៅបណ្ដាខេត្តមួយចំនួនក្នុងព្រះរាជាណាចក្រកម្ពុជា

ដោយ៖ យូ វីរៈ | ថ្ងៃអង្គារ ទី១ ខែធ្នូ ឆ្នាំ២០២០ |

453

ភ្នំពេញ៖ យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម បានឲ្យដឹងថា អាកាសធាតុនៅព្រះរាជាណាចក្រកម្ពុជា នឹងចាប់ផ្ដើមចុះត្រជាក់ខ្លាំងលើកទី១ (ក្រោម ២០ ^oC ក្នុងខេត្តមួយចំនួន) ចាប់ពីថ្ងៃទី៤ ដល់៧ខែធ្ន ឆ្នាំ២០២០។

ក្រសួងធនធានទឹក បានបញ្ជាក់ថា ជ្រលងសម្ពាធខ្ពស់ពីប្រទេសចិន នឹងរំកិលចុះមកក្រោមជាលំដាប់ ដោយនៅថ្ងៃទី៤ ខែធ្នូ នឹងរំកិលចុះមកលើភាគកណ្ដាលប្រទេសកម្ពុជា ជាមួយនិងខ្យល់មូសុងឦសាន្តបក់ខ្លាំង។

ក្រសួងធនធានទឹកបន្តថា ស្ថានភាពបែបនេះធ្វើឲ្យធាតុអាកាសនឹងចុះត្រជាក់លើកទី១ ចាប់ពីថ្ងៃទី៤ ដល់ទី៧ ខែធ្នូ ឆ្នាំ២០២០ និងបណ្ដាលឲ្យ៖

បណ្ដាខេត្តនៅតំបន់វាលទំនាបកណ្ដាល មានសីតុណ្ហភាពអប្បបរមាមានពី ១៩ ^oC -២១ ^oC និងអតិបរមាមានពី ២៦ ^oC -២៨ ^oC
បណ្ដាខេត្តជាប់ជួរភ្នំដងវែក និងខ្ពង់រាបឦសាន្ត មានសីតុណ្ហភាពអប្បបរមាមានពី ១៧ ^oC -១៩ ^oC និងអតិបរមាមានពី ២៥ ^oC -២៧ ^oC
តំបន់មាត់សមុត្រ មានសីតុណ្ហភាពអប្បបរមាមានពី ២១ ^oC -២៣ ^oC និងអតិបរមាមានពី ២៧ ^oC -២៩ ^oC

អាស្រ័យស្ថានភាពអាកាសធាតុបែបនេះ ក្រសួងធនធានទឹក និងឧតុនិយម សូមអំពាវនាវផ្យប្រជាពលរដ្ឋ និងជាពិសេសវរៈកងទ័ពរស់នៅ និងឈរជើងនៅតំបន់ជួរភ្នំដងរែក និងខ្ពង់រាបភាគឦសាន្ត យកចិត្តទុកដាក់ថែរក្សាសុខភាពចំពោះធាតុអាកាសត្រជាក់នេះ៕

អត្ថបទទាក់ទង