គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ ថ្លែងអំណរគុណ​សប្បុរជន​​បរិច្ចាគថវិកា ចូលរួម​ជាមួយ​រដ្ឋាភិបាល​​​​ទិញវ៉ាក់សាំង​ប្រឆាំងកូវីដ១៩​

    ដោយ៖ យូ វីរៈ​​ | ថ្ងៃអង្គារ ទី៨ ខែធ្នូ ឆ្នាំ២០២០​ |
    សម្ដេចតេជោ​ ហ៊ុន​ សែន​ ថ្លែងអំណរគុណ​សប្បុរជន​​បរិច្ចាគថវិកា ចូលរួម​ជាមួយ​រដ្ឋាភិបាល​​​​ទិញវ៉ាក់សាំង​ប្រឆាំងកូវីដ១៩​ សម្ដេចតេជោ​ ហ៊ុន​ សែន​ ថ្លែងអំណរគុណ​សប្បុរជន​​បរិច្ចាគថវិកា ចូលរួម​ជាមួយ​រដ្ឋាភិបាល​​​​ទិញវ៉ាក់សាំង​ប្រឆាំងកូវីដ១៩​

    ភ្នំពេញ​៖ តាមរយៈ​ហ្វេសប៊ុក​​ផ្លូវការនៅព្រឹកថ្ងៃ​ទី​០៨​ ខែធ្នូ ឆ្នាំ​២០២០​ សម្ដេចអគ្គមហាសេនាបតីតេជោ ហ៊ុន​ សែន​ នាយករដ្ឋមន្ត្រី នៃព្រះរាជាណាចក្រកម្ពុជា​ បាន​ថ្លែងអំណរគុណ​ដល់សប្បុរសជន​​ជាច្រើ​ន​ដែលបាន​បរិច្ចាគ​ថវិកា ចូលរួម​ជាមួយ​រដ្ឋាភិបាល​ ដើម្បី​ទិញវ៉ាក់សាំង​ប្រឆាំង​នឹង​កូវីដ១៩​។

    សម្ដេចតេជោ​ ហ៊ុន​ សែន​ មានប្រសាសន៍ថា​ បន្ទាប់ពីសម្ដេច​បាន​ប្រកាស​ពីការ​ទិញ​វ៉ាក់សាំងប្រឆាំងកូវីដ១៩​ មាន​ចលនា​គាំទ្រ​យ៉ាងធំធេង​ទាំង​តាម​ផ្លូវ​ចិត្ត​ និង​ទាំងតាម​ការផ្ដល់​ថវិកា​ដែល​សម្ដេច​បានចាត់ទុក​ថា​នេះ​ ជាខឿន​ការពារ​សុខភាព​របស់​ប្រជាជន បន្ទាប់​ពីខឿន​ការពារជាតិ​របស់​ប្រជាជន​នាឆ្នាំ២០០៨ ដល់ ឆ្នាំ២០១១។ សម្ដេចតេជោ​បន្តថា​ រហូត​មក​ដល់ពេលនេះ​ ថវិកា​ដែលសប្បុរជន​ចូល​រួម​​មាន​​ជាង ១៨​លានដុល្លារ​អាមេរិក​ហើយ​​។

    សម្ដេចតេជោ​ ហ៊ុន​ សែន​ បានបន្តទៀត​ថា​ ដោយនៅមាន​ព្រះសង្ឃ និង​ប្រជាពលរដ្ឋ​ជាច្រើន​ទៀត​ចង់​ចូលរួម​សម្ដេចបាន​ចាត់ចែងឲ្យ​មាន​ការទទួល​តាម​២ជម្រើស និង​សូម​ដាក់ឈ្មោះ ទីកន្លែង​រស់នៅឲ្យបាន​ត្រឹម​ត្រូវ​ ដើម្បីសម្ដេច​បាន​ធ្វើលិខត​ថ្លែងអំណរគុណ​ចំឈ្មោះពិត​ប្រាកដ​។

    សម្ដេចតេជោ​ បាន​មានប្រសាសន៍យ៉ាងដូច្នេះថា «នៅ​មាន​ព្រះសង្ឃ​ និង​ប្រជាពលរដ្ឋ​ជា​ច្រើនទៀត​ដែលចង់​ចូល​រួម​ ប៉ុន្កែមិ​នដឹងថា​ចូល​នៅ​កន្លែង​ណា​ និង​តាម​របៀបណា​? ​ខ្ញុំ​ព្រះក​រុណាខ្ញុំបា​ន​ចាត់​ចែង​តាមច្រក​ពីរ​គឺ៖ ១.ចូល​តាម​រយៈលោក សេង ទៀង រដ្ឋលេខាធិការទីស្តីការគណរដ្ឋមន្ត្រីដែលមានលេខទូរស័ព្វ 012 961971 ប្រចាំការទទួលនៅទីស្តីការគណៈរដ្ឋមន្ត្រី។ ២.​តាម​រយៈ​ធានាគារ​ ABA លេខ​គណនេយ្យ (001249176) Tep Sothy ។ ខ្ញុំ​ព្រះ​ករុ​ណា​ខ្ញុំសូម​ទូល​ប្រគេន​ និង​ជំរាប​ជូន​ថា​ក្នុង​ករណី​មាន​ការ​ផ្ទេរតាម​ធនាគារនេះ សូមកុំភ្លេចដាក់ឈ្មោះ និង​ទី​កន្លែង​រស់​នៅ​ឱ្យ​បាន​ត្រឹម​ត្រូវ ​ដើម្បី​ឱ្យ​ខ្ញុំ​ព្រះករុណា​ខ្ញុំបា​នធ្វើលិខិតថ្លែ​ង​អំណរ​គុណចំ​ឈ្មោះពិតប្រា​កដ​។»

    សម្ដេចតេជោ ហ៊ុន​ សែន​ បាន​ថ្លែងអំណរគុណ​យ៉ាងជ្រាលជ្រៅ​ចំពោះ​ការ​គាំទ្រ​របស់​ព្រះសង្ឃ និង​បងប្អូន​​ជនរួមជាតិ​ ក្នុង​ចលនា​ប្រយុទ្ធ​ប្រឆាំង​ជាមួយ​កូវីដ​១៩​ ដែលសម្ដេច​ចាត់ទុកថាជា ខឿន​ការពារ​សុខភាព​ប្រជាជន៕

     

    បញ្ចេញមតិ
    អត្ថបទទាក់ទង