គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ ផ្ញើសារជូន​ពរសម្ដេចកិត្តិព្រឹទ្ធបណ្ឌិត​ ក្នុងឱកាស​ថ្ងៃ​ខួប​កំណើត​

    ដោយ៖ យូ វីរៈ​​ | ថ្ងៃអង្គារ ទី១៥ ខែធ្នូ ឆ្នាំ២០២០​ |
    សម្ដេចតេជោ​ ហ៊ុន​ សែន​ ផ្ញើសារជូន​ពរសម្ដេចកិត្តិព្រឹទ្ធបណ្ឌិត​ ក្នុងឱកាស​ថ្ងៃ​ខួប​កំណើត​ សម្ដេចតេជោ​ ហ៊ុន​ សែន​ ផ្ញើសារជូន​ពរសម្ដេចកិត្តិព្រឹទ្ធបណ្ឌិត​ ក្នុងឱកាស​ថ្ងៃ​ខួប​កំណើត​

    ភ្នំពេញ​៖ តាមរយៈ​ហ្វេសប៊ុកផ្លូវការ នៅថ្ងៃទី​១៥ ខែធ្នូ ឆ្នាំ​២០២០​ សម្ដេចតេជោ​ ហ៊ុន​ សែន នាយករដ្ឋមន្ត្រី​នៃ​កម្ពុជា​ ​បាន​ផ្ញើសារ​ជូនពរសម្ដេចកិត្តិព្រឹទ្ធបណ្ឌិត​ ប៊ុន​ រ៉ានីហ៊ុន​ សែន​ ប្រធាន​កាកបាទក្រហម​កម្ពុជា​ ក្នុងឱកាស​ថ្ងៃខួបកំណើត​គម្រប់​ ៦៦ឆ្នាំ​ ឈាន​ចូល​ ៦៧ឆ្នាំ។

    សម្ដេចតេជោ​ ហ៊ុន​ សែន​ បាន​សរសេរនៅលើ​ Facebook ថា​ «រីករាយក្នុង ថ្ងៃចម្រើនជន្មាយុរបស់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា គម្រប់ ៦៦ឆ្នាំ ឈានចូល ៦៧ឆ្នាំ

    សូមគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សូមបានប្រកបដោយសុខភាពល្អបរិបូរណ៍ បញ្ញាញាណភ្លឺថ្លា កម្លាំងពលំមាំមួន អាយុយឺនយូរ ដើម្បីបន្តដឹកនាំកាកបាទក្រហមកម្ពុជា ទទួលបាននូវជ័យជំនះថ្មីៗធំធេងថែមទៀត ជាពិសេសការស្វះស្វែងរកជំនួយមនុស្សធម៌ពីគ្រប់មជ្ឈដ្ឋានជាតិ និងអន្តរជាតិ ដើម្បីជួយដល់ជនងាយរងគ្រោះ ទុរគតជន ជនចាស់ជរា កុមារកំព្រា ជនគរថ្លង់ យុទ្ធជនរបួស ជនពិការ ព្រមទាំងជនរងគ្រោះដោយសារគ្រោះមហន្តរាយ និងគ្រោះធម្មជាតិផ្សេងៗ។»

    សម្ដេចតេជោ​ បន្តថា សូមទេវតាជួយបីបាច់ថែរក្សា និងប្រោះព្រំសព្ទសាធុការពរ សិរីសួស្ដីជ័យមង្គលបវរមហាប្រសើរជូនចំពោះ សម្តេចកិត្តិព្រឹទ្ធបណ្ឌិត និង សម្តេចតេជោនាយករដ្ឋមន្រ្តី ព្រមទាំងបុត្រា-បុត្រី និងចៅប្រុស-ចៅស្រីជាទីស្រឡាញ់ទាំងអស់ សូមបានប្រកបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

     

    អត្ថបទទាក់ទង