សម្តេចពញាចក្រី ហេង សំរិន ទទួលអំណោយឧបករណ៍តេស្តរហ័សមេរោគកូវីដ-១៩ និងសម្ភារៈបរិក្ខាពេទ្យ ពីសប្បុរសជន

សម្តេចពញាចក្រី ហេង សំរិន ទទួលអំណោយឧបករណ៍តេស្តរហ័សមេរោគកូវីដ-១៩ និងសម្ភារៈបរិក្ខាពេទ្យ ពីសប្បុរសជន

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអញ្ជើញ​ទទួលអំណោយ​ពីសប្បុរសជន នូវឧបករណ៍តេស្តរហ័សរកមេរោគកូវីដ-១៩ និងសម្ភារៈបរិក្ខាពេទ្យមួយចំនួន សម្រាប់​ទុកចែកជូនប្រជាពលរដ្ឋប្រើប្រាស់ ក្នុងការប្រយុទ្ធប្រឆាំងជំងឺកូវីដ-១៩ នៅ​រសៀល​ថ្ងៃ​ ទី១៥ ខែមីនាឆ្នាំ២០២២ នៅភូមិគ្រឹះសម្តេចផ្ទាល់ក្នុងរាជធានីភ្នំពេញ។

សម្តេចពញាចក្រី ហេង សំរិន បានសម្តែងការកោតសរសើរចំពោះកាយវិការមនុស្សធម៌របស់ ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា និងសប្បុរសជនដទៃទៀត ដែលបាននាំយកឧបករណ៍ តេស្តរហ័ស​រកមេរោគកូវីដ-១៩ ចំនួន ២០កេស ម៉ាសចំនួន ៥ម៉ឺនម៉ាស និងឧបករណ៍​វាស់​កម្តៅ​ចំនួន ២០០ ជូនសម្តេចសម្រាប់ចែកជូនប្រជាពលរដ្ឋនាឱកាសនេះ។

សម្តេចពញាចក្រី ហេង សំរិន បានគូស បញ្ជាក់ថា កាយវិការមនុស្សធម៌នេះ មានសារៈ សំខាន់នៅក្នុងការចូលរួមចំណែកជាមួយរាជរដ្ឋាភិបាល ក្នុងការសម្រាលទុកលំបាកប្រជាពលរដ្ឋ នៅក្នុងកាលៈទេសៈ ដែលជំងឺកូវីដ១៩កំពុងរាតត្បាតជាសកលនេះ។

សម្តេចប្រធានបានមានប្រសាសន៍លើកឡើងថា រាជរដ្ឋាភិបាលបាន​យកចិត្តទុកដាក់​ជាខ្លាំង​នៅ​ក្នុង​ការការពារអាយុជីវិតប្រជាពលរដ្ឋពីជំងឺកូវីដ-១៩ នៅក្នុងការនោះ​យុទ្ធសាស្រ្ត​វ៉ាក់សាំង​ជា​ការងារអាទិភាព ដែលទទួលបានជោគជ័យយ៉ាងធំធេង នាំឲ្យកម្ពុជាអាចបើកប្រទេស ស្តារ​សេដ្ឋកិច្ច និងសង្គមបានឡើងវិញ នាពេលនេះ៕