គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    កិច្ចប្រជុំកំពូលអាស៊ី-អឺរ៉ុប លើកទី១៣ (ASEM13) បានបញ្ចប់ដោយជោគជ័យ និងបានអនុម័ត​លើ​ឯកសារ​សំខាន់​ៗ​ចំនួន៣

    ដោយ៖ យូ វីរៈ​​ | ថ្ងៃសុក្រ ទី២៦ ខែវិច្ឆិកា ឆ្នាំ២០២១​ |
    កិច្ចប្រជុំកំពូលអាស៊ី-អឺរ៉ុប លើកទី១៣ (ASEM13) បានបញ្ចប់ដោយជោគជ័យ និងបានអនុម័ត​លើ​ឯកសារ​សំខាន់​ៗ​ចំនួន៣ កិច្ចប្រជុំកំពូលអាស៊ី-អឺរ៉ុប លើកទី១៣ (ASEM13) បានបញ្ចប់ដោយជោគជ័យ និងបានអនុម័ត​លើ​ឯកសារ​សំខាន់​ៗ​ចំនួន៣

    ភ្នំពេញ៖ កិច្ចប្រជុំកំពូលអាស៊ី-អឺរ៉ុប លើកទី១៣(ASEM13) ដែលកម្ពុជាទទួលធ្វើជាម្ចាស់ផ្ទះ​រៀបចំ បានពិភាក្សាទៅលើបញ្ហា ១១ចំណុច និងបានអនុម័តលើឯកសារសំខាន់ៗចំនួន៣។ នេះបើយោងតាមសេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ​ចេញផ្សាយនៅថ្ងៃទី២៦ ខែវិច្ឆិកា ឆ្នាំ២០២១នេះ។

    នៅក្នុងអំឡុង នៃកិច្ចប្រជុំកំពូលអាស៊ី-អឺរ៉ុប លើកទី១៣ រយៈពេលពីរថ្ងៃនេះ ថ្នាក់ដឹកនាំ ASEM បាន​ផ្លាស់ប្ដូរ​ទស្សនៈ​គ្នា​ដោយ​ត្រង់ទៅត្រង់មក ឥតលាក់លៀមទៅលើបញ្ហាជាច្រើន​ដែល​ជា​ក្ដី​បារម្ភ និង​ផលប្រយោជន៍​រួម ដោយបានកត់សម្គាល់នូវចំណុចសំខាន់ៗចំនួន ១១។ កិច្ច​ប្រជុំ​កំពូល​ដែលកម្ពុជាធ្វើជាម្ចាស់​ផ្ទះ​ បានបញ្ចប់ទៅយ៉ាងជោគជ័យនៅថ្ងៃនេះ ដោយ​នៅ​ចុង​បញ្ចប់​ នៃ​កិច្ចប្រជុំកំពូល ថ្នាក់ដឹកនាំ ASEM ក៏​បានសម្រេចអនុម័តឯកសារលទ្ធផលសំខាន់ៗចំនួន​៣ ផងដែរ​៖ ទី១ សេចក្ដីថ្លែងការណ៍ប្រធានអង្គប្រជុំ ASEM13, ទី២ សេចក្ដីថ្លែងការទីក្រុងភ្នំពេញ ស្ដីពីការស្ដារសង្គម-សេដ្ឋកិច្ច​ឡើងវិញក្រោយវិបត្តិកូវីដ១៩ និងទី៣ ឯកសារសកម្មភាពអនាគត ស្ដីពីការតភ្ជាប់ ASEM។

    សូមជម្រាបថា កម្ពុជាបានរៀបចំកិច្ចប្រជុំកំពូលអាស៊ី-អឺរ៉ុប លើកទី១៣ (ASEM13) ក្រោមមូលបទ «ការពង្រឹងពហុភាគីនិយម ដើម្បីកំណើនរួម» រយៈពេល២ថ្ងៃ គឺចាប់ពីថ្ងៃទី២៥-២៦ ខែវិច្ឆិកា ឆ្នាំ២០២១ តាមប្រព័ន្ធវីដេអូ។ សម្ដេចអគ្គមហាសេនាបតីតេជោ ហ៊ុន​ សែន នាយករដ្ឋមន្ត្រី នៃព្រះរាជាណាចក្រកម្ពុជា បាន​អញ្ជើញធ្វើជាប្រធានដឹកនាំ​កិច្ចប្រជុំកំពូលនេះ ដោយមាន​ការអញ្ជើញចូលរួមពី​ប្រមុខ​រដ្ឋ​ រដ្ឋាភិបាល ឬតំណាង​ជាន់​ខ្ពស់​នៃបណ្ដាប្រទេស​ដៃគូ ASEM ប្រធានក្រុម​ប្រឹក្សាអឺរ៉ុប ប្រធានគណៈ​កម្មការ​អឺរ៉ុប និងអគ្គលេខាធិការ​អាស៊ាន​ផងដែរ​៕

    ខាងក្រោមនេះជា​ សេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ស្ដីពី លទ្ធផលនៃកិច្ចប្រជុំកំពូលអាស៊ី-អឺរ៉ុប លើកទី១៣៖

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង