គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ បានបញ្ចប់ការធ្វើចត្តាឡីស័ក ខណៈ​លទ្ធផលតេស្ត​លើកចុងក្រោយ អវិជ្ជមានវីរុសកូវីដ១៩

    ដោយ៖ យូ វីរៈ​​ | ថ្ងៃសុក្រ ទី២ ខែកក្កដា ឆ្នាំ២០២១​ |
    សម្ដេចតេជោ​ ហ៊ុន​ សែន​ បានបញ្ចប់ការធ្វើចត្តាឡីស័ក ខណៈ​លទ្ធផលតេស្ត​លើកចុងក្រោយ អវិជ្ជមានវីរុសកូវីដ១៩ សម្ដេចតេជោ​ ហ៊ុន​ សែន​ បានបញ្ចប់ការធ្វើចត្តាឡីស័ក ខណៈ​លទ្ធផលតេស្ត​លើកចុងក្រោយ អវិជ្ជមានវីរុសកូវីដ១៩

    ភ្នំពេញ៖ សម្ដេចអគ្គមហាសេនាបតីតេជោ ហ៊ុន​ សែន​ នាយករដ្ឋមន្ត្រី នៃកម្ពុជា បាន​ប្រកាសថា ការតេស្តសំណាកលើកចុងក្រោយរបស់​សម្ដេច ​គឺអវិជ្ជមានវីរុសកូវីដ១៩ ហើយការធ្វើចត្តាឡីស័កនៅល្ងាចថ្ងៃទី០២​ ខែកក្កដា ឆ្នាំ២០២១នេះ។

    តាមរយៈហ្វេសប៊ុកផ្លូវការ សម្ដេចតេជោ ហ៊ុន​ សែន​ បានសរសេរយ៉ាងដូច្នេះថា «ថ្ងៃនេះក្រុមគ្រូពេទ្យបានមកយកសំណាកខ្ញុំទៅធ្វើតេស្តជាលើកចុងក្រោយ បន្ទាប់ពីការធ្វើចត្តាឡីស័ករយៈពេល១៤ថ្ងៃ។ លទ្ធផលពីមន្ទីរពិសោធន៍បានបញ្ជាក់ថា ខ្ញុំអវិជ្ជមានពីកូវីដ-១៩ ដែលខ្ញុំត្រូវបញ្ចប់ការធ្វើចត្តាឡីស័កត្រឹមល្ងាចថ្ងៃទី ២ ខែ កក្កដា ឆ្នាំ ២០២១ នេះ។»

    សម្ដេចតេជោ​ បានលើកឡើងដែរថា ក្នុងចំណោមមេដឹកនាំអាស៊ាន ប្រហែលមានតែសម្ដេចម្នាក់ទេដែលធ្វើចត្តាឡីស័កច្រើនជាងគេរហូតដល់ទៅ៣ដងក្នុងរយៈពេល៨ខែ ហើយសម្ដេចក៏សង្ឃឹមថានឹងពុំមានលើកទី៤ទៀតទេ។ សម្ដេចបន្តថា​ ដើម្បីធានាថាពុំមានលើកទី៤ មនុស្សដែលត្រូវជួបសម្ដេចត្រូវបានធ្វើតេស្តជាមុនយ៉ាងហោចណាស់គឺការធ្វើតេស្តរហ័ស និងកាន់តែធានាសម្រាប់ទាំងអស់ គឺការមិនជួបគ្នាដោយផ្ទាល់ និងជំនួសដោយការជួបគ្នា តាមប្រព័ន្ធបច្ចេកវិទ្យាព័ត៌មានវិញ៕

    បញ្ចេញមតិ
    អត្ថបទទាក់ទង