គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព
  • ** អបអរសាទរ! ម្ចាស់ជ័យលាភីមេដាយមាស នៃព្រឹត្តិការណ៍ស៊ីហ្គេម លើកទី៣១ នៅទីក្រុងហាណូយ ១- កីឡាប្រដាល់គុនខ្មែរ៖ កីឡាករ ប៉ោ ភារិទ្ធ (យ៉េន ឌីណា) វិញ្ញាសាទម្ងន់ ៦៣,៥គីឡូក្រាម។, ២- កីឡាប្រដាល់ឃីកបុកស៊ីង៖ កីឡាករ ទូច រ៉ាឆាន់ វិញ្ញាសាទម្ងន់ ៥៧គីឡូក្រាម។ ៣- កីឡាចំបាប់៖ កីឡាករ ស៊ូ បាលី វិញ្ញាសា Freestyle ទម្ងន់ ១២៥គីឡូក្រាម។ ៤- កីឡាតេក្វាន់ដូ WT៖ កីឡាករ វ៉ា មិថុនា វិញ្ញាសាបុរស Kyorugi ទម្ងន់ ៧៤គីឡូក្រាម។ ៥- កីឡាប៉ូល និងប៉េតង់៖ កីឡាករ ស៊ិន វង់ និងកីឡាការិនី វង ចន្ថា វិញ្ញាសាវាយគូចម្រុះបុរស-នារី, កីឡាការិនី អ៊ុន ស្រីយ៉ា, ស្រ៊ាង សុរ៉ាឃីម, ឃួន យ៉ារី និង ឌួង ឌីណា វិញ្ញាសាវាយក្រុមនារី ៣នាក់ ទល់ ៣នាក់។ ៦- កីឡាវ៉ូវីណាម៖ កីឡាក លី បូរ៉ាមី, ជ្រិន ប៊ុនឡុង, ប្រាក់ សុវណ្ណនី និងកីឡាការិនី ប៉ាល់ ឆរស្ម៊ី វិញ្ញាសាសម្ដែងការពារខ្លួនស្រី ១ ប្រុស ៣ មានអាវុធ, កីឡាករ អេ វីរៈខាំឈីតភូថង វិញ្ញាសាប្រយុទ្ធទម្ងន់ ៦៥គីឡូក្រាម , កីឡាករ ជិន ពិសិដ្ឋ និង ម៉េត សុភត្ដ្រា វិញ្ញាសាក្រុមការពារខ្លួនកាំបិតធំបុរស ២នាក់ ។

សម្ដេច​ពញាចក្រី៖ រណសិរ្ស​ ២ធ្នូ ​សង្គ្រោះ​ជីវិត​ពលរដ្ឋ​ពី​របប​អាវខ្មៅ ​និងបាន​​បន្ត​កសាង​កម្ពុជា​មាន​ការ​អភិវឌ្ឍន៍ដូចសព្វថ្ងៃ

ដោយ៖ យូ វីរៈ​​ | ថ្ងៃពុធ ទី២ ខែធ្នូ ឆ្នាំ២០២០​ |
សម្ដេច​ពញាចក្រី៖ រណសិរ្ស​ ២ធ្នូ ​សង្គ្រោះ​ជីវិត​ពលរដ្ឋ​ពី​របប​អាវខ្មៅ ​និងបាន​​បន្ត​កសាង​កម្ពុជា​មាន​ការ​អភិវឌ្ឍន៍ដូចសព្វថ្ងៃ សម្ដេច​ពញាចក្រី៖ រណសិរ្ស​ ២ធ្នូ ​សង្គ្រោះ​ជីវិត​ពលរដ្ឋ​ពី​របប​អាវខ្មៅ ​និងបាន​​បន្ត​កសាង​កម្ពុជា​មាន​ការ​អភិវឌ្ឍន៍ដូចសព្វថ្ងៃ

ភ្នំពេញ៖ ថ្ងៃទី២ ខែធ្នូ ឆ្នាំ២០២០នេះ ជាខួបលើកទី៤២ ទិវាកំណើត ”រណសិរ្សសាមគ្គី អភិវឌ្ឍន៍មាតុភូមិកម្ពុជា” មានឈ្មោះដើមថា “រណសិរ្សសាមគ្គី សង្រ្គោះជាតិកម្ពុជា” ដែលបានបង្កើតឡើងនៅថ្ងៃទី២ ខែធ្នូ ឆ្នាំ១៩៧៨ នៅក្នុងតំបន់រំដោះ នាភូមិជើងឃ្លូ ឃុំ២ធ្នូ ស្រុកស្នួល ខេត្ដក្រចេះ។

តាមរយៈ​ហ្វេសប៊ុកផ្លូវ​ការ​នៅថ្ងៃទី​០២​ ខែធ្នូ ឆ្នាំ២០២០​នេះ សម្ដេចពញាចក្រី ហេង​ សំរិន​ បាន​សង្គត់ធ្ងន់ថា​ រណសិរ្ស ២ធ្នូ មិនត្រឹមតែបានជួយសង្គ្រោះអាយុជីវិតប្រជាពលរដ្ឋ ឱ្យចាកផុតពីមហន្ដរាយ នៃរបបអាវខ្មៅ ប៉ុណ្ណោះទេ ប៉ុន្ដែបានជួយស្ដារ កសាង និងអភិវឌ្ឍន៍ មាតុភូមិកម្ពុជាមានការកែប្រែមុខមាត់ថ្មីជាបន្ដបន្ទាប់ រហូតទទួលបានសុខសន្តិភាព ឯកភាពជាតិ និងការអភិវឌ្ឍ ដូចសព្វថ្ងៃនេះ។

សម្ដេចពញាចក្រី​ រំលឹក​ផងដែរថា រណសិរ្ស២ធ្នូ ជាកម្លំាងមហាជន អ្នកស្នេហាជាតិ គ្រប់និន្នាការនយោបាយ ដឹកនាំបង្កើតដោយសម្តេច អគ្គមហាពញាចក្រី ហេង សំរិន សម្តេចអគ្គមហាធម្មពោធិសាល ជា ស៊ីម សម្តេចអគ្គមហាសេនាបតី តេជោ ហ៊ុន សែន និងឥស្សរជនស្នេហាជាតិជាច្រើនទៀត ក្នុងការរំដោះប្រទេសជាតិចេញពីរបបខ្មែរ ប៉ុលពតប្រល័យពូជសាសន៍ នៅថ្ងៃទី៧ ខែមករា ឆ្នាំ១៩៧៩ ។

សម្ដេចពញាចក្រី បាន​គូសបញ្ជាក់​ដែរថា មាន២ធ្នូ ឆ្នាំ១៩៧៨ ទើបមានថ្ងៃ៧ ខែមករា ឆ្នាំ១៩៧៩ ហើយមាន៧ ខែមករា ឆ្នាំ១៩៧៩ ទើបមាន ថ្ងៃនេះ។ ទំរាំមានថ្ងៃនេះ យើងបានធ្វើដំណើរដ៏វែងឆ្ងាយ ឆ្លងកាត់ការលំបាក ឧបសគ្គរាប់ម៉ឺនជំពូក។ ឥស្សរជន អតីតយុទ្ធអ្នកស្នេហាជាតិយើងរាប់មិនអស់ បានពលីកម្មអាយុជីត បូជាសាច់ស្រស់ឈាមស្រស់ ក្នុងបុព្វហេតុជាតិមាតុភូមិ ដោយមិនខ្លាចនឿយហត់ និងស្តាយស្រណោះអាយុជីវិតនោះ ឡើយ។

សម្ដេចពញចក្រី អំពាវនាវ​ឲ្យ​​រួមគ្នាការពារ ថែរក្សាសន្តិភាព ដែលយើងទទួលបានដោយលំបាកនេះ ឱ្យបានគង់វង្ស យូររអង្វែង តរៀងទៅ ដើម្បីប្រទេសជាតិយើងទទួលបានការអភិវឌ្ឍបន្តបន្ទាប់ ឈានទៅរក ភាពរុងរឿងដូចអារ្យប្រទេស ក្នុងពេលខាងមុខនេះ៕

 

បញ្ចេញមតិ
ពាក្យគន្លឹះទាក់ទង
អត្ថបទទាក់ទង