គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ មានប្រសាសន៍ថា​ ​វិស័យ​អប់រំ ប៉ះពាល់ធ្ងន់ធ្ងរជាងគេ​ ក្នុងវិបត្តិនៃ​ការ​ឆ្លង​រីករាលដាល​ជំងឺកូវីដ១៩​

    ដោយ៖ យូ វីរៈ​​ | ថ្ងៃអង្គារ ទី១៥ ខែធ្នូ ឆ្នាំ២០២០​ |
    សម្ដេចតេជោ​ ហ៊ុន​ សែន​ មានប្រសាសន៍ថា​ ​វិស័យ​អប់រំ ប៉ះពាល់ធ្ងន់ធ្ងរជាងគេ​ ក្នុងវិបត្តិនៃ​ការ​ឆ្លង​រីករាលដាល​ជំងឺកូវីដ១៩​ សម្ដេចតេជោ​ ហ៊ុន​ សែន​ មានប្រសាសន៍ថា​ ​វិស័យ​អប់រំ ប៉ះពាល់ធ្ងន់ធ្ងរជាងគេ​ ក្នុងវិបត្តិនៃ​ការ​ឆ្លង​រីករាលដាល​ជំងឺកូវីដ១៩​

    ភ្នំពេញ​៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាន មាន​ប្រសាសន៍ថា ការឆ្លងរីករាលដាលនៃជំងឺកូវីដ១៩ ផលប៉ះពាល់ធ្ងន់ធ្ងរជាងគេ គឺវិស័យអប់រំ។ ពាក់​ព័ន្ធនឹងបញ្ហានេះដែរ​ សម្តេចបានណែនាំឲ្យ​ក្រសួងអប់រំពិចារណាផ្អាកការប្រលង​មធ្យមសិក្សាទុតិយភូមិ (បាក់ឌុប) ដោយ​យកពិន្ទុប្រចាំឆមាសមកសម្រេចជាប់ធ្លាក់​ជំនួសវិញ។

    តាមរយៈការថ្លែង​សារពិសេសនាព្រឹកថ្ងៃទី១៥ ខែធ្នូ ឆ្នាំ​២០២០​នេះ សម្ដេចតេជោ​បញ្ជាក់ថា​ បើករណីកូវីដ​១៩​ នៅ​តែ​ធ្ងន់ធ្ងរ ក្រសួងអប់រំយុវជន និងកីឡា នឹង​ផ្អាកការប្រឡង​មធ្យមសិក្សាទុតិយភូមិនៅថ្ងៃទី១១មករា ឆ្នាំ២០២១ ដោយយកការវាយតម្លៃលើពិន្ទុប្រចាំឆមាស​មក​ជំនួស​វិញ​ ។

    សម្តេចតេជោបន្តថា តាមការវាយតម្លៃសម្ដេចយល់ឃើញថា ថ្ងៃទី​១១ មករា ឆ្នាំ២០២១ ដែលជាថ្ងៃត្រូវប្រឡងមធ្យមសិក្សាទុតិយភូមិ(បាក់ឌុប)នោះ ក៏នឹងតែមិនទាន់អាចធ្វើបានព្រោះលទ្ធភាព​នៃការបញ្ចប់ព្រឹត្តិការណ៍២៨វិច្ឆិកា មិន​អាច​បញ្ចប់​បាន​នៅមុនថ្ងៃ១១មករានេះបានទេ តាមការពិចារណារបស់សម្ដេចការប្រកាសបញ្ចប់ព្រឹត្តិការណ៍នេះក៏អាចឈានដល់ថ្ងៃទី២០មករាឆ្នាំ ២០២១។ ដូច្នេះសម្ដេច​សូមឲ្យក្រសួង​អប់រំយុវជន​ និង​កីឡា ពិចារណាលើការវាយតម្លៃដោយយកការប្រឡងឆមាសរបស់បេក្ខជនម្នាក់ម្នាក់មកជំនួសវិញដោយសម្ដេច បានបញ្ជាក់ថា យើងត្រូវទទួលយកនូវហេតុការណ៍ដ៏ពិតប្រាកដ ដែលយើងមិនអាចបណ្ដែតបណ្ដោយឱ្យមានការឆ្លងរីករាលដាលនិងឈានដល់ការស្លាប់បាត់បង់ជីវិតមនុស្សនោះឡើយ៕

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង