គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ ប្រកាសបន្ត​កាត់បៀវត្សរយៈពេល៧ខែទៀត​ជូនក្រសួងសុខាភិបាល​ ដើម្បីជួយដល់ការប្រយុទ្ធប្រឆាំងកូវីដ១៩

    ដោយ៖ យូ វីរៈ​​ | ថ្ងៃអង្គារ ទី២៦ ខែមករា ឆ្នាំ២០២១​ |
    សម្ដេចតេជោ​ ហ៊ុន​ សែន​ ប្រកាសបន្ត​កាត់បៀវត្សរយៈពេល៧ខែទៀត​ជូនក្រសួងសុខាភិបាល​ ដើម្បីជួយដល់ការប្រយុទ្ធប្រឆាំងកូវីដ១៩ សម្ដេចតេជោ​ ហ៊ុន​ សែន​ ប្រកាសបន្ត​កាត់បៀវត្សរយៈពេល៧ខែទៀត​ជូនក្រសួងសុខាភិបាល​ ដើម្បីជួយដល់ការប្រយុទ្ធប្រឆាំងកូវីដ១៩

    ភ្នំពេញ​៖ សម្ដេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី​ នៃព្រះរាជាណាចក្រកម្ពុជា បានប្រកាស​បន្តកាត់​ប្រាក់បៀវត្សទាំងអស់រយៈពេល ៧ខែទៀត ជូនទៅក្រសួងសុខាភិបាល​ដោយចាប់ពីខែកុម្ភះ ដល់ខែសីហា ឆ្នាំ​២០២១ ដើម្បី​ចូលរួម​ជួយដល់​ការប្រយុទ្ធប្រឆាំងកូវីដ​១៩។

    តាមរយៈ​ហ្វេសប៊ុកផ្លូវការសម្ដេចតេជោ​ ហ៊ុន​ សែន​ នៅថ្ងៃទី​២៦ ខែមករា​ ឆ្នាំ​២០២១​នេះ បានប្រកាស​បន្ត​កាត់​ប្រាក់បៀវត្សសម្ដេចផ្ទាល់រយៈពេល ៧ខែទៀត​ (ក្រោយការបង់ពន្ធ) ជូនទៅក្រសួងសុខាភិបាល​ដោយចាប់ពីខែកុម្ភះ ដល់ខែសីហា ឆ្នាំ​២០២១ ដើម្បី​ចូលរួម​ជួយដល់​ការប្រយុទ្ធប្រឆាំងកូវីដ​១៩ ដែល​ជំងឺនេះបាន​នឹ​ងកំពុងរាតត្បាតនៅទូទាំងពិភពលោក រាប់ទាំងកម្ពុជាយើងផងដែរ។

    សម្ដេចតេជោ​ បាន​សរសេរយ៉ាងដូច្នេះថា « ដើម្បីចូលរួមជួយដល់ការប្រយុទ្ធប្រឆាំងកូវីដ ១៩ ក្នុងឆ្នាំកន្លងមកខ្ញុំបានកាត់ប្រាក់បៀវត្សទាំងអស់ក្រោយការបង់ពន្ធលើបៀវត្សជូនរដ្ឋរយះពេល៧ខែជូនទៅក្រសួងសុខាភិបាល។ បៀវត្សរបស់ខ្ញុំ១០លានរៀល/ខែ ត្រូវបង់ពន្ធ៩១០.០០០រៀល/ខែ និងប្រគល់ជូនក្រសួងសុខាភិបាល៩.០៩០០.០០០រៀល/ខែ សរុប៧ខែចំនួន៦៣.៦៣៩.០០០រៀល។ អាស្រ័យដោយកូវីដ១៩បាននឹងកំពុងកើតមានបន្តនៅទូទាំងពិភពលោករាប់ទាំងកម្ពុជាយើងផង ខ្ញុំសូមប្រកាសបន្តកាត់បៀវត្សទាំងអស់ក្រោយការបង់ពន្ធរយះពេល៧ខែទៀតជូនទៅក្រសួងសុខាភិបាលដោយចាប់ពីខែកុម្ភះឆ្នាំ២០២១ ដល់ ខែសីហា ឆ្នាំ២០២១។»

    ជាមួយគ្នានេះដែរ សម្ដេចតេជោ​ ហ៊ុន សែន​ នាយករដ្ឋមន្ត្រី បាន​យកឱកាសនេះថ្លែងអំណរគុណចំពោះ សម្តេច ឯកឧត្តម លោកជំទាវ លោក លោកស្រីទាំងស្ថាបន័ស៊ីវិល និងកម្លាំងប្រដាប់អាវុធគ្រប់ប្រភេទដែលបានបរិច្ចាគដោយការកាត់បៀវត្សទាំងស្រុង ឬមួយផ្នែករយៈពេលខ្លី ឬវែងតាមការស្ម័គ្រចិត្តជួយដល់ការងារប្រយុទ្ធប្រឆាំងកូវីដ១៩ ដែលបង្ហាញឱ្យឃើញនូវសាមគ្គីភាពក្នុងខឿនការពារសុខភាពរបស់ប្រជាជនយើង៕

     

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង