គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    ​សម្ដេចពញាចក្រី ហេង​ សំរិន​ និងក្រុមគ្រួសារ​ រួម​នឹង​សមាជិកសមាជិការដ្ឋសភា លទ្ធផល​តេស្ត​លើកទី​៣ គឺអវិជ្ជមាន​វីរុសកូវីដ១៩​​ ទាំងអស់​

    ដោយ៖ យូ វីរៈ​​ | ថ្ងៃអាទិត្យ ទី១៣ ខែធ្នូ ឆ្នាំ២០២០​ |
    ​សម្ដេចពញាចក្រី ហេង​ សំរិន​ និងក្រុមគ្រួសារ​ រួម​នឹង​សមាជិកសមាជិការដ្ឋសភា លទ្ធផល​តេស្ត​លើកទី​៣ គឺអវិជ្ជមាន​វីរុសកូវីដ១៩​​ ទាំងអស់​ ​សម្ដេចពញាចក្រី ហេង​ សំរិន​ និងក្រុមគ្រួសារ​ រួម​នឹង​សមាជិកសមាជិការដ្ឋសភា លទ្ធផល​តេស្ត​លើកទី​៣ គឺអវិជ្ជមាន​វីរុសកូវីដ១៩​​ ទាំងអស់​

    ភ្នំពេញ​៖ តាម​រយៈ​ហ្វេសប៊ុកផ្លូវ​ការ​ សម្ដេចពញាចក្រី ហេង​ សំរិន ប្រធាន​រដ្ឋសភា នៅថ្ងៃទី​១៣​ ខែធ្នូ ឆ្នាំ​២០២០​ បាន​បង្ហាញថា​ លទ្ធផល​តេស្តលើកទី៣ របស់​សម្ដេចពញាចក្រី ហេង​ សំរិន​ និងក្រុមគ្រួសារ​ ព្រមទាំង​សមាជិក​ សមាជិការដ្ឋសភា​ គឺអវិជ្ជមាន​វីរុសកូវីដ១៩​​ ទាំងអស់​។

    សម្ដេច​ពញាចក្រី ហេង​ សំរិន​ បាន​សរសេរ​លើ​ហ្វេសប៊ុក​ថា « ខ្ញុំ ភរិយាខ្ញុំ និ​ង​សមាជិក​ក្រុម​គ្រួសារ ​ព្រម​ទាំងសមាជិក សមាជិការដ្ឋសភា ដែលបាន​ពាក់​ព័ន្ធ​ដោយ​ប្រយោលក្នុង​ព្រឹត្តិការណ៍​សហគមន៍​២៨វិច្ឆិកា បានធ្វើតេស្តគ្រប់ចំនួន៣ លើក កាលពីថ្ងៃទី១២ធ្នូ ជាលទ្ធផល «អវិជ្ជមាន​ទាំង​អស់​» ​និង​បានបញ្ចប់ការធ្វើចត្តាឡីសកតាមការកំណត់ នាថ្ងៃនេះ។ »

    សម្ដេច​ពញាចក្រីបន្ត​ថា​ ទោះ​បីស្ថានការណ៍ព្រឹត្តិការណ៍សហគមន៍២៨វិច្ឆិកា ហាក់​ត្រូវ​បាន​យើង​គ្រប់​គ្រង​ទាំងស្រុងហើយក្តី ប៉ុន្តែសូមជនរួមជាតិកុំប្រហែសជាមួយនឹងជំងឺកូវីដ១៩ឱ្យសោះ។ ជំងឺ​នេះ ​នៅ​បន្ត​គំរាមកំហែងប្រទេសយើងនិងសកលលោកជានិច្ច។ យើងអាចភ្លេចជំងឺកូវីដ១៩ តែ​កូវីដ​១៩ មិនដែលភ្លេចយើងនោះឡើយ។

    សម្ដេចពញាចក្រី ​បាន​ធ្វើ​ការ​អំពាវ​នាវ​ដល់​ជនរួមជាតិ​​បន្ត​អនុវត្ត​ឱ្យបាន​ខ្ជាប់​ខ្ជួន​រាល់​វិធាន​ការ​ការពារ​ទាំង​ឡាយ ដែលបានដាក់ចេញដោយក្រសួងសុខាភិបាល ដូចជាត្រូវពាក់ម៉ាសជានិច្ច ជៀសវាងការជួបជុំគ្នាដែលមានមនុស្សច្រើន ត្រូវរក្សាគម្លាតសុវត្ថិភាព ហើយ​ឧស្សាហ៍​លាង​សម្អាត​ដៃ​ជាប្រចាំ។ បើមិនមានការចាំបាច់ ពុំគួរចេញក្រៅផ្ទះនោះឡើយ។  ភារកិច្ច​សំខាន់​របស់​យើង​ក្នុង​ការ​ជួយ​សង្គមជាតិ ក្រុមគ្រួសារនាពេលនេះ គឺការចូលរួមប្រយុទ្ធប្រឆាំងជំងឺកូវីដ១៩ ធ្វើយ៉ា​ង​ណាកុំ​ឱ្យឆ្លងជំងឺមកលើខ្លួន គ្រួសារ និងសហគមន៍យើង។

    ជាមួយគ្នា​នេះដែរ សម្ដេច​បាន​ជូន​ពរជនរួមជាតិ រីករាយនាឱកាសឈប់សម្រាកចុងសប្តាហ៍នេះ និង​ទទួល​បាន​សេចក្តី​សុខ និងសុភមង្គលគ្រប់ក្រុមគ្រួសារ និងសូមឱ្យជំងឺកូវីដ-១៩ សាហាវនេះ ជៀសចេញ​ចាក​ឆ្ងាយ​ពី​សក​លលោក ក្នុងពេលឆាប់ៗនេះ៕

     

    បញ្ចេញមតិ
    អត្ថបទទាក់ទង