គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

សម្តេច​តេជោ ​ហ៊ុន​ សែន ថ្វាយ​ព្រះ​ពរ​ព្រះមហាក្សត្រ​ ក្នុង​ខួប​១៦​ឆ្នាំ នៃ​ការ​ឡើង​គ្រង​រាជ​សម្បត្តិ​

ដោយ៖ យូ វីរៈ​​ | ថ្ងៃព្រហស្បតិ៍ ទី២៩ ខែតុលា ឆ្នាំ២០២០​ |
សម្តេច​តេជោ ​ហ៊ុន​ សែន ថ្វាយ​ព្រះ​ពរ​ព្រះមហាក្សត្រ​ ក្នុង​ខួប​១៦​ឆ្នាំ នៃ​ការ​ឡើង​គ្រង​រាជ​សម្បត្តិ​ សម្តេច​តេជោ ​ហ៊ុន​ សែន ថ្វាយ​ព្រះ​ពរ​ព្រះមហាក្សត្រ​ ក្នុង​ខួប​១៦​ឆ្នាំ នៃ​ការ​ឡើង​គ្រង​រាជ​សម្បត្តិ​

តាមរយៈ​ហ្វេសប៊ុក​ផ្លូវ​ការ​ នៅព្រឹក​ថ្ងៃទី​២៩​ ខែតុលា​ ឆ្នាំ​២០២០​ សម្ដេចតេជោ​ ហ៊ុន​ សែន​ បាន​ថ្វាយព្រះពរ​ព្រះមហាក្សត្រ​ ក្នុង​ឱកាស​ខួន​១៦ឆ្នាំ​ នៃ​ការ​ឡើង​គ្រង​រាជ​សម្បត្តិ​របស់​ព្រះអង្គ​។

សម្ដេចតេជោ​ ហ៊ុន​ សែន​ បាន​សរសេរនៅលើ​ហ្វេសប៊ុក​យ៉ាងដូច្នេះថា​ « ក្នុង​ព្រះរា​ជ​វរោ​កាស​ដ៏​ឧត្ដុង្គ​ឧត្ដមប្រសើរ​ថ្លៃ​ថ្លា ​នៃ​ព្រះ​រាជ​ពិធី​បុណ្យខួប​លើក​ទី​១៦ ​នៃ​ការ​យាង​គ្រង​ព្រះ​បរម​សិរីរាជ​សម្បត្តិ​របស់​ ព្រះករុណា ​ព្រះបាទ​សម្តេច​ ព្រះបរមនាថ ​នរោត្តម សីហមុនី ព្រះមហាក្សត្រ ​នៃ​ព្រះរា​ជា​ណា​ចក្រ​កម្ពុជា​

ទូល​ព្រះប​ង្គំ​ជា​ខ្ញុំ ​និង​ភរិយា​ សូម​ព្រះបរមរា​ជា​នុញ្ញាត​ធ្វើ​អភិវន្ទន​កិច្ច​ ថ្វាយ​ព្រះពរ​បវ​រម​ហាប្រ​សើរ និងសូម​លើកហត្ថទាំង​ទ្វេ​ប្រណមបួង​សួង​ដល់​គុណ​បុណ្យ​ព្រះរតន​ត្រ័យ វត្ថុស័ក្តិសិទ្ធិទាំងឡាយ​ក្នុង​លោក​ មាន​ទេវតារក្សាព្រះមហាស្វេតច្ឆ​ត្រ ទេវតាឆ្នាំថ្មី ព្រះបារមី​ ព្រះវិញ្ញាណក្ខន្ធអតីត​ព្រះមហាក្ស​ត្រ ព្រះមហាក្ស​ត្រិយានី​ខ្មែរ​គ្រប់​ព្រះអង្គ និងដួង​ព្រះវិញ្ញានក្ខន្ធ ព្រះបរមរតន​កោដ្ឋ សូម​តាមបីបាច់​ថែរក្សា​ប្រោះព្រំសព្ទសាធុការពរ សិរីសួស្ដី ជ័យមង្គល វិបុលសុខ មហាប្រ​សើរថ្វាយ ព្រះករុណាជាអម្ចាស់ជីវិត​លើត្បូង ទ្រង់មាន​ព្រះរាជសុខភាពបរិបូរណ៍ ព្រះរាជកាយពលវិបុលមាំមួន ព្រះបញ្ញាញាណឈ្លាស​វៃ ព្រះជន្មាយុយឺនយូរ ដើម្បីគង់​ប្រថាប់ក្នុង​ព្រះបរមសិរីរាជសម្បត្តិ ជាព្រះម្លប់​ស​ម្រាប់អាណាប្រជារា​ស្ត្រ​ខ្មែរគ្រប់ៗរូប»

 

បញ្ចេញមតិ
អត្ថបទទាក់ទង