គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    អរគុណសន្តិភាព!! ការរីកចម្រើនទាំងអស់នៅកម្ពុជា មិនអាចកើតឡើងបានឡើយ បើប្រទេសមិនមានសន្តិភាព

    ដោយ៖ យូ វីរៈ​​ | ថ្ងៃព្រហស្បតិ៍ ទី២៧ ខែមករា ឆ្នាំ២០២២​ |
    អរគុណសន្តិភាព!! ការរីកចម្រើនទាំងអស់នៅកម្ពុជា មិនអាចកើតឡើងបានឡើយ បើប្រទេសមិនមានសន្តិភាព អរគុណសន្តិភាព!! ការរីកចម្រើនទាំងអស់នៅកម្ពុជា មិនអាចកើតឡើងបានឡើយ បើប្រទេសមិនមានសន្តិភាព

    ភ្នំពេញ៖ ប្រមុខរាជរដ្ឋាភិបាល​កម្ពុជា​ សម្ដេចតេជោ​ ហ៊ុន​ សែន បាន​គូសបញ្ជាក់ជាថ្មីពីតម្លៃនៃសន្តិភាព ដែលរកបានដោយលំបាក ហើយមកដល់ពេលនេះប្រទេសកម្ពុជាបាន​កំពុងផ្លាស់ប្ដូរមុខមាត់ថ្មីយ៉ាងលឿនតាមរយៈវត្តមានអគារខ្ពស់ៗកប់ពពក ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ កាន់តែច្រើន ។ សម្ដេចតេជោ​ក៏បាន​អំពាវនាវឲ្យប្រជាពលរដ្ឋគ្រប់រូបត្រូវតែរួមគ្នាថែរក្សាការពារសន្តិភាព ដើម្បីទទួលបានការអភិវឌ្ឍឲ្យកាន់តែរីកចម្រើនខ្លាំងថែមទៀត។

    តាមរយៈហ្វេសប៊ុក​ផ្លូវការនៅថ្ងៃទី២៧ ខែមករា​ ឆ្នាំ២០២២​នេះ សម្ដេចតេជោ​ ហ៊ុន​ សែន​ នាយករដ្ឋមន្ត្រី​បង្ហោះនូវរូបភាពប៉ុន្មានសន្លឹកនៃសំណង់អគារខ្ពស់ៗ ដោយសម្ដេចបាន​បញ្ជាក់ថា «នេះគឺទិដ្ឋភាពមួយចំនួន នៃរាជធានីភ្នំពេញ ដែលជាបេះដូងរបស់កម្ពុជាយើង ថតពីលើអាកាស នៅក្នុងខែមករា ឆ្នាំ២០២២នេះ ។ បច្ចុប្បន្ននេះ វាពិតជាខុសគ្នាដាច់ស្រឡះពីអតីតកាល ហើយទៅអនាគត ក៏នឹងកាន់តែរីកដុះដាលច្រើន និងល្អៗជាងនេះថែមទៀត ។ តាមរយៈទិដ្ឋភាពនេះ បានបង្ហាញអោយឃើញថា ប៉ុន្មានឆ្នាំចុងក្រោយនេះទីក្រុងភ្នំពេញបាន និងកំពុងផ្លាស់ប្តូរមុខមាត់យ៉ាងលឿនតាមរយៈវត្តមានអគារខ្ពស់ៗកប់ពពក ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ កាន់តែច្រើននៅក្នុងទីក្រុង នៃប្រទេសកំពុងមានការអភិវឌ្ឍមួយនេះ។»

    ការបង្ហាញវត្តមានអគារខ្ពស់ៗ ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ បានកើតឡើងជាបន្តបន្ទាប់ កាន់តែច្រើនទាំងអស់នេះ គឺបានឆ្លុះបញ្ចាំងពីសមិទ្ធផលធំៗរបស់កម្ពុជាដែលសម្រេចបាន និងមិនធ្លាប់មានពីមុនមក ក្នុងខណៈពេលដែលកម្ពុជាកំពុងទទួលបានសុខសន្តិភាពពេញលេញទូទាំងប្រទេស ក្រោមការដឹកនាំដ៏ឈ្លាសវៃ របស់សម្ដេចតេជោ ហ៊ុន សែន​ នាយករដ្ឋមន្ត្រី។

    សម្ដេចតេជោ​បានគូសបញ្ជាក់ថា ការរីកចម្រើនទាំងអស់នេះ មិនអាចកើតឡើងបានឡើយ បើប្រទេសយើងមិនមានសន្តិភាព។ ដូច្នេះសន្តិភាព គឺជាតម្លៃដែលមិនអាចកាត់ថ្លៃបានឡើយ ហើយប្រជាពលរដ្ឋគ្រប់រូបត្រូវតែរួមគ្នាថែរក្សាការពារសន្តិភាព ដើម្បីទទួលបានការអភិវឌ្ឍប្រទេសជាតិរបស់យើងអោយកាន់តែរីកចម្រើនខ្លាំងថែមទៀត៕

    បញ្ចេញមតិ
    អត្ថបទទាក់ទង