គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    [វីដេអូ] សម្ដេចតេជោ ហ៊ុន​ សែន​ បញ្ជាក់ជាថ្មីថា សម្ដេចគ្មានផល​ប្រយោជន៍​អ្វី​ក្រៅ​ពី​ចង់​ជួយ​ប្រជាជន​មីយ៉ាន់ម៉ាឲ្យចេញ​ផុត​ពីសង្គ្រាម​ទេ

    ដោយ៖ យូ វីរៈ​​ | ថ្ងៃចន្ទ ទី៧ ខែកុម្ភៈ ឆ្នាំ២០២២​ |
    [វីដេអូ] សម្ដេចតេជោ ហ៊ុន​ សែន​ បញ្ជាក់ជាថ្មីថា សម្ដេចគ្មានផល​ប្រយោជន៍​អ្វី​ក្រៅ​ពី​ចង់​ជួយ​ប្រជាជន​មីយ៉ាន់ម៉ាឲ្យចេញ​ផុត​ពីសង្គ្រាម​ទេ [វីដេអូ] សម្ដេចតេជោ ហ៊ុន​ សែន​ បញ្ជាក់ជាថ្មីថា សម្ដេចគ្មានផល​ប្រយោជន៍​អ្វី​ក្រៅ​ពី​ចង់​ជួយ​ប្រជាជន​មីយ៉ាន់ម៉ាឲ្យចេញ​ផុត​ពីសង្គ្រាម​ទេ

    ក្រោយពីមានប្រជាពលរដ្ឋមីយ៉ាន់ម៉ាមួយចំនួនតូច ប្រើពាក្យសម្តីមិនសមរម្យចំពោះសម្តេចតេជោ និងប្រេសិតពិសេសរបស់អគ្គលេខាធិការអង្គការសហប្រជាជាតិ ក្នុងដំណើរការ​រកដំណោះស្រាយវិបត្តិនៅប្រទេសមីយ៉ាន់មានោះ ជាការឆ្លើយតប សម្តេចតេជោ ហ៊ុន សែន បានគូសបញ្ជាក់ជាថ្មីថា សម្ដេច​ គ្មានផល​ប្រយោជន៍​អ្វី​ក្រៅ​ពី​ចង់​ជួយ​ប្រជាជន​មីយ៉ាន់ម៉ា​ឱ្យចេញ​ផុត​ពីសង្គ្រាម​ទេ។ សម្ដចបញ្ជាក់ទៀថា​ ប្រសិនអ្នកឯងចង់ធ្វើសង្គ្រាមជាមួយពួកយោធា ៥០ឆ្នាំថែមទៀត សូមអញ្ជើញចុះ។

    សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងដូចនេះក្នុងឱកាសអញ្ជើញសម្ពោធដាក់ឳ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែងសរុប ៩៣.៥៦គីឡូម៉ែត្រ ក្នុងខេត្តក្រចេះ នាព្រឹកថ្ងៃទី០៧ ខែកុម្ភៈ ឆ្នាំ២០២២។

    សម្តេចតេជោបានចោទជាសំនួរទៅកាន់ប្រជាជនមីយ៉ានមារដែលមិនពេញចិត្តដំណើរការផ្សះផ្សានេះថា «តើអ្នកឯងមានសមត្ថភាពផ្តួលរំលំអ្នកកាន់អំណាចនៅណៃពិដោសព្វថ្ងៃបានដែរឬអត់? អ្នកឯងមានទាហ៊ានប៉ុន្មានសម្រាប់ច្បាំងជាមួយទាហ៊ានកន្លះលាននាក់នៅមីយ៉ាន់មានោះ?។ បើអ្នកឯងចង់ធ្វើសង្គ្រាមធ្វើទៅ ខ្ញុំបានប្រឹងប្រែងអស់ប៉ុណ្ណឹងហើយ ប៉ុន្តែខ្ញុំក៏មិនបោះបង់ការខិតខំប្រឹងប្រែងរបស់ខ្ញុំដែរ ក្នុងឋានៈជាសមាជិកអាស៊ាន ហើយក្នុងឋានៈជាប្រធានអាស៊ាននៅឆ្នាំនេះ កុងសង់ស៊ីស ៥ចំណុចនៅតែបន្តធ្វើ ដោយអំពាវនាវជាមួយរដ្ឋបាល និងជាមួយអ្នកគ្រប់គ្រងអំណាចនៅមីយ៉ាន់មា»។

    សូមជម្រាបផងដែរថា នៅថ្ងៃទី៦ ខែកុម្ភៈ ម្សិលមិញនេះ សាស្ត្រាចារ្យជនជាតិអូស្ត្រាលីលោក សន ថឺនែល អ្នកជំនាញសេដ្ឋកិច្ច ដែលជាជំនួយការផ្នែកសេដ្ឋកិច្ចរបស់លោកស្រី អ៊ុង សានស៊ូជី ត្រូវបានដោះលែងឱ្យមានសេរីភាពឡើងវិញ ដែលនេះក៏ជាកាស្នើសុំរបស់សម្តេចតេជោ ទៅកាន់មេដឹកនាំយោធាលោក មីង អ៊ុងលាំង ក្នុងអំឡុងពេលដែលសម្តេចអញ្ជើញទៅទស្សនៈកិច្ច​នៅប្រទេសមីយ៉ាន់មាកន្លងទៅផងដែរ ដែលពេលនោះមេដឹកនាំយោធាលោក មីង អ៊ុងលាំង បានឆ្លើយតបទៅកាន់សម្តេចតេជោថានឹងពិចារណាជាវិជ្ជមាន៕

    បញ្ចេញមតិ
    អត្ថបទទាក់ទង