គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    វ៉ាក់សាំង Johnson & Johnson ចំនួនជាង៥០ម៉ឺនដូស ជាអំណោយរបស់អាមេរិកនឹងដឹកមកដល់​កម្ពុជា​នៅ​ថ្ងៃ​ទី​៣០​កក្កដានេះ

    ដោយ៖ យូ វីរៈ​​ | ថ្ងៃពុធ ទី២៨ ខែកក្កដា ឆ្នាំ២០២១​ |
    វ៉ាក់សាំង Johnson & Johnson ចំនួនជាង៥០ម៉ឺនដូស ជាអំណោយរបស់អាមេរិកនឹងដឹកមកដល់​កម្ពុជា​នៅ​ថ្ងៃ​ទី​៣០​កក្កដានេះ វ៉ាក់សាំង Johnson & Johnson ចំនួនជាង៥០ម៉ឺនដូស ជាអំណោយរបស់អាមេរិកនឹងដឹកមកដល់​កម្ពុជា​នៅ​ថ្ងៃ​ទី​៣០​កក្កដានេះ

    ភ្នំពេញ​៖ សហរដ្ឋអាមេរិក បានប្រកាសផ្ដល់ជំនួយវ៉ាក់សាំង Johnson & Johnson ចំនួនជាង ១លានដូសដល់កម្ពុជា ក្នុងនោះចំនួនជាង ៥០ម៉ឺនដូស នឹងដឹកមកដល់ប្រទេសកម្ពុជានៅថ្ងៃទី៣០ ខែកក្កដា ឆ្នាំ២០២១នេះ តាមរយៈ​យន្តការ​កូវ៉ាក់​(COVAX)។ នេះ​បើ​យោង​តាម​សេចក្ដី​ប្រកាស​ព័ត៌មាន​​របស់​ស្ថានទូត​សហរដ្ឋ​អាមេរិក​ប្រចាំកម្ពុជា ចេញផ្សាយនៅថ្ងៃទី២៨​ ខែកក្កដា ឆ្នាំ២០២១នេះ។

    អំណោយនេះ គឺជាផ្នែកមួយ​នៃ​ការ​គាំទ្រ​ជាបន្ត​បន្ទាប់​របស់អាមេរិក ចំពោះប្រជាជនកម្ពុជា និង​នៅក្នុងតំបន់ ក្នុង​ពេល​ដែល​គេកំពុងតែប្រឹងងើបចេញពីជំងឺរាតត្បាតយ៉ាងធ្ងន់ធ្ងរនេះ។

    ស្ថានទូតអាមេរិកបាន​បញ្ជាក់ថា​ វ៉ាក់សាំងទាំងនេះនឹងមកដល់កម្ពុជាលើកដំបូងចំនួន​ពាក់កណ្ដាលនៅថ្ងៃទី៣០ ខែកក្កដា ឆ្នាំ២០២១ នៅអាកាសយានដ្ឋានអន្តរជាតិភ្នំពេញ ឯវ៉ាក់សាំង​ដែលនៅសេសសល់នឹងមក​ដល់នៅថ្ងៃទី០១ ខែសីហា ឆ្នាំ២០២១។

    វត្តមានក្នុងពិធីទទួលនោះរួមមាន​ លោក​ភារធារីស្ថានទូតតអាមេរិក Ben Wohlauer និងតំណាងរាជរដ្ឋាភិបាលកម្ពុជា អង្គការសុខភាពពិភពលោក និងអង្គការ UNICEF ផងដែរ៕

    បញ្ចេញមតិ
    អត្ថបទទាក់ទង