គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្តេចតេជោ ហ៊ុន សែន៖ កម្ពុជានឹងទទួលបានវ៉ាក់សាំង Sinovac ៩លានដូសបន្ថែមទៀត

    ដោយ៖ យូ វីរៈ​​ | ថ្ងៃសុក្រ ទី១៧ ខែកញ្ញា ឆ្នាំ២០២១​ |
    សម្តេចតេជោ ហ៊ុន សែន៖ កម្ពុជានឹងទទួលបានវ៉ាក់សាំង Sinovac ៩លានដូសបន្ថែមទៀត សម្តេចតេជោ ហ៊ុន សែន៖ កម្ពុជានឹងទទួលបានវ៉ាក់សាំង Sinovac ៩លានដូសបន្ថែមទៀត

    ភ្នំពេញ៖ សម្ដេចអគ្គមហាសេនាបតីតេជោ ហ៊ុន​ សែន​ នាយករដ្ឋមន្ត្រី នៃកម្ពុជា បានបញ្ជាក់ថា កម្ពុជានឹងទទួលបានវ៉ាក់សាំងបង្ការកូវីដ១៩ ចំនួន​ ៩លានដូសបន្ថែមទៀតក្នុងពេលឆាប់ៗនេះ ខណៈដែលវ៉ាក់សាំងប្រភេទនេះមានជាង ៤សែនដូសក្នុងស្តុកស្រាប់។

    ថ្លែង​ក្នុងសន្និសីទសារព័ត៌មានបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនដល់កុមារអាយុចាប់ពី ៦ឆ្នាំ ដល់ ១២ឆ្នាំ ដែលធ្វើឡើងនៅវិមានសន្តិភាព សម្ដេចតេជោ​ ហ៊ុន​ សែន​ បាន​មានប្រសាសន៍បញ្ជាក់ថា​ ប្រទេសកម្ពុជានឹង​ទទួលបាន​វ៉ាក់សាំងកូវីដ១៩ប្រភេទ ស៊ីណូវ៉ាក់(Sinovac) ចំនួន​ ៩លានដូសបន្ថែមទៀត ដោយក្នុងនោះ ៦លានដូសជាការបញ្ជាទិញរបស់កម្ពុជា ហើយនឹងដឹកមកដល់នៅក្នុងខែកញ្ញានេះ ឯចំនួន ៣លានដូសទៀត​ជាជំនួយពីមិត្តចិន​។

    ជាមួយនឹងការបើកយុទ្ធនាការនៅថ្ងៃនេះ សម្តេចតេជោ ហ៊ុន សែន បានណែនាំឱ្យគណៈកម្មការចាក់វ៉ាក់សាំង សិក្សាអំពីការចាក់វ៉ាក់សាំងដល់កុមារអាយុ៣ ទៅ៦ឆ្នាំ ដែលមានប្រមាណជាង ៩១ម៉ឺននាក់នៅកម្ពុជា ខណៈដែលពួកគេត្រូវចូលរៀនថ្នាក់មត្តេយ្យផងដែរ៕

    បញ្ចេញមតិ
    អត្ថបទទាក់ទង