គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​៖ ​ព្រឹត្តិការណ៍​ ៣វិច្ឆិកា អាច​នឹង​ត្រូវ​បិទបញ្ចប់​នៅតាម​បណ្ដារាជធានី-ខេត្ត​ទូទាំង​ប្រទេស​ ក្រោយធ្វើ​ចត្តាឡីស័ក​គ្រប់​តាមការ​កំណត់​

    ដោយ៖ យូ វីរៈ​​ | ថ្ងៃពុធ ទី១៨ ខែវិច្ឆិកា ឆ្នាំ២០២០​ |
    សម្ដេចតេជោ​៖ ​ព្រឹត្តិការណ៍​ ៣វិច្ឆិកា អាច​នឹង​ត្រូវ​បិទបញ្ចប់​នៅតាម​បណ្ដារាជធានី-ខេត្ត​ទូទាំង​ប្រទេស​ ក្រោយធ្វើ​ចត្តាឡីស័ក​គ្រប់​តាមការ​កំណត់​ សម្ដេចតេជោ​៖ ​ព្រឹត្តិការណ៍​ ៣វិច្ឆិកា អាច​នឹង​ត្រូវ​បិទបញ្ចប់​នៅតាម​បណ្ដារាជធានី-ខេត្ត​ទូទាំង​ប្រទេស​ ក្រោយធ្វើ​ចត្តាឡីស័ក​គ្រប់​តាមការ​កំណត់​

    ភ្នំពេញ​៖ សម្ដេចតេជោ​ ហ៊ុន​ សែន​ បានបញ្ជាក់​នៅក្នុង​ហ្វេសប៊ុកផ្លូវ​ការ​នៅព្រឹកថ្ងៃទី​១៨​ ខែវិច្ឆិកា​ ឆ្នាំ​២០២០ នេះ ថា ​ព្រឹត្តិការណ៍​ ៣វិច្ឆិកា អាច​នឹង​ត្រូវ​បិទបញ្ចប់​នៅតាម​បណ្ដារាជធានី-ខេត្ត​ទូទាំង​ប្រទេស​ ក្រោយធ្វើ​ចត្តាឡីស័ក​គ្រប់​តាមការ​កំណត់​ (១៤ថ្ងៃ)។

    សម្ដេចតេជោ​មានប្រសាសន៍ថា​ ក្នុងពេល​រង់​ចាំ​ការ​ធ្វើតេស្តចំពោះប​ងប្អូន​ផ្សេង​ទៀត​ សម្ដេច​អាច​ប្រកាស​ជូន​ជ្រាប​ថា​ ព្រឹត្តិការណ៍ ៣វិច្ឆិកា​ នឹង​ត្រូវ​បិទ​បញ្ចប់​ការ​ធ្វើ​ចត្តាឡីស័ក​តាម​ពេល​វេលា​ដូច​ខាង​ក្រោម​៖
    ១. សម្រាប់ថ្ងៃ១៩ វិច្ឆិកា ២០២០ មានរាជធានីភ្នំពេញចំនួន ១៥៦៩នាក់ (មានជនជាតិហុងគ្រីចំនួន៥នាក់) ដោយ​រាប់ទាំងអ្នកវិជ្ជមាន៤នាក់ ក្នុងនោះជាសះស្បើយ១នាក់ និង៣នាក់កំពុងព្យាបាលនៅមន្ទីរពេទ្យមិត្តភាពខ្មែរ-សូវៀត ដែលមានទាំងអគ្គរដ្ឋទូតហុងគ្រីម្នាក់ផង។ ខេត្តកណ្តាលចំនួន៦៧នាក់ ខេត្តពោធិសាត់ចំនួន៤០នាក់ ខេត្តព្រៃវែងចំនួន ២៣នាក់ ខេត្តកំពង់ធំចំនួន៣នាក់។

    ២. សម្រាប់ថ្ងៃ២១វិច្ឆិកា២០២០ គឺខេត្តកំពង់ឆ្នាំងចំនួន១១នាក់។
    ៣. សម្រាប់ថ្ងៃ២៣វិច្ឆិកា មានខេត្តកែប ចំនួន១៨នាក់ ខេត្តព្រះសីហនុចំនួន ៤០នាក់ ខេត្តកំពង់ចាមចំនួន១នាក់។
    ៤. សម្រាប់ថ្ងៃ ២៥វិច្ឆិកា ២០២០មានខេត្ត ព្រះវិហារចំនួន២០នាក់ ខេត្តរតនគិរីចំនួន១០នាក់។

    សម្ដេចតេជោ​បញ្ជាក់ថា​ ការ​ដែល​យើង​អាច​ប្រកាស​បិទ​បញ្ចប់​បាន​ គឺ​នៅត្រ​ង់យើងគ្រប់គ្រងបា​នចំ​នួនមនុស្សរហូត ១៨០២នាក់​នៅ​តាមរាជធានី ខេត្តចំនួន១១ ដែលមានការពាក់ព័ន្ធការធ្វើតេស្ត និង​ការ​ធ្វើចត្តាឡីស័កបានត្រឹមត្រូវ​រយៈ​ពេល​១៤​ថ្ងៃ ​ដែល​បញ្ហា​នេះ​សម្ដេច​បានពិភាក្សាយ៉ាងហ្មត់ចត់ជាមួយរដ្ឋមន្ត្រី និងថ្នាក់ដឹកនាំនៃ​ក្រសួងសុខាភិបាល។

    សម្ដេចតេជោ​បានបន្តទៀត​ថា​ ការប្រកាសបិទបញ្ចប់ព្រឹត្តិការណ៍៣វិច្ឆិកាមិនមែនមានន័យថាយើងបញ្ចប់ការខិតខំ ដើម្បីប្រយុទ្ធជាមួយកូវីដ១៩នោះទេ ផ្ទុយទៅវិញយើងត្រូវខិតខំច្រើនជាងមុន ដើម្បីទប់ស្កាត់ឃាដករលាក់មុខដែលយើងមើលមិនឃើញតាមរយៈការពាក់ម៉ាស ការលាងដៃ ការរក្សាគម្លាតសុវត្ថិភាព។ល។ តាមការណែនាំរបស់ក្រសួងសុខាភិបាល៕

    បញ្ចេញមតិ
    អត្ថបទទាក់ទង