គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ អះអាងថា​ ​មិនមាន​ដាក់ប្រទេសក្នុង​គ្រាអាសន្ន​ ឬបិទ​រាជធានីភ្នំពេញ​ ដូចការឃោសនា​របស់​ជនអាក្រក់នោះឡើយ

    ដោយ៖ យូ វីរៈ​​ | ថ្ងៃចន្ទ ទី៧ ខែធ្នូ ឆ្នាំ២០២០​ |
    សម្ដេចតេជោ​ ហ៊ុន​ សែន​ អះអាងថា​ ​មិនមាន​ដាក់ប្រទេសក្នុង​គ្រាអាសន្ន​ ឬបិទ​រាជធានីភ្នំពេញ​ ដូចការឃោសនា​របស់​ជនអាក្រក់នោះឡើយ សម្ដេចតេជោ​ ហ៊ុន​ សែន​ អះអាងថា​ ​មិនមាន​ដាក់ប្រទេសក្នុង​គ្រាអាសន្ន​ ឬបិទ​រាជធានីភ្នំពេញ​ ដូចការឃោសនា​របស់​ជនអាក្រក់នោះឡើយ

    ភ្នំពេញ​៖ សម្ដេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី នៃព្រះរាជាណាចក្រកម្ពុជា​ បាន​អះអាង​ជាថ្មីថា​ មិន​មាន​ការ​ស្នើ​សុំ​ដាក់​ប្រទេស​ក្នុង​គ្រា​មាន​អាសន្ន​ទាំងមូល​ ឬ​មួយផ្នែកណា​ ហើយ​ក៏នឹង​មិន​មាន​ការ​ចេញ​បទ​បញ្ជារឲ្យ​បិទ​រាជធានីភ្នំពេញ ដូចការឃោសនា​របស់​ជនអាក្រក់នោះឡើយ។

    សម្ដេចតេជោ​ ហ៊ុន​ សែន​ បាន​បញ្ជាក់​យ៉ាងដូច្នេះ​បន្ទាប់​ពី​មាន​ការចែកចាយពាក្យចចាមអារ៉ាមថា មានការស្នើសុំដាក់ប្រទេសក្នុងគ្រាមានអាសន្ន និងការបិទរាជធានីភ្នំពេញជាដើម។​ ​។

    សម្ដេចតេជោ​ បានបញ្ជាក់​តាមរយៈ​ Facebook ថា «ពេញមួយថ្ងៃនេះ ការបំភ្លើសនានាបានកើតឡើងថានឹងមានការបិទប្រទេសឬបិទរាជធានីភ្នំពេញក្នុងពេលប៉ុន្មានថ្ងៃខាងមុខនេះ ហើយបំផុសឱ្យមនុស្សទិញទំនិញត្រៀមទុក។ ចំពោះមុខពាក្យភូតកុហកបែបនេះ ក្នុងឋានៈខ្ញុំជាប្រមុខនៃរាជរដ្ឋាភិបាល ខ្ញុំសូមបញ្ជាក់ជូនថានឹងមិនមានការស្នើសុំដាក់ ប្រទេសក្នុងគ្រាមានអាសន្នទាំងមូលឬមួយផ្នែកណានោះឡើយ ហើយក៏នឹងមិនមានការចេញបទបញ្ជារឱ្យបិទរាជធានីភ្នំពេញដូចការឃោសនាភូតកុហក់របស់ជនអាក្រក់នោះដែរ។»

    សម្ដេចតេជោ​ ហ៊ុន​ សែន​ បាន​អំពាវនាវ​ដល់​បងប្អូន​ប្រជាពលរដ្ឋ​ស្ងប់ស្ងាត់​កុំភ័យស្លន់ស្លោ និង​សូមចូលរួម​ជាមួយរាជរដ្ឋាភិបាល​ ដើម្បី​ប្រយុទ្ធ​ប្រឆាំង​នឹង​ជំងឺកូវីដ​១៩​។

     សូមបញ្ជាក់ថា​ ពាក្យចចាមអារ៉ាមទាំងនេះ កើតមានឡើងបន្ទាប់ពីសម្តេចតេជោ ក្នុងសារសំឡេងនៅព្រឹកថ្ងៃអាទិត្យ ទី០៦ ខែធ្នូ ឆ្នាំ២០២០ បានបង្ហាញពីការត្រៀមបម្រុងទុកនូវលិខិតនានា ដើម្បីសុំព្រះរាជក្រឹត្យដាក់ប្រទេសក្នុងគ្រាមានអាសន្ន។ តែក្នុងសារសំឡេងនោះ សម្តេចតេជោបានបញ្ជាក់រួចហើយថា សម្តេចមិនចង់ឈានទៅចំណុចនេះឡើយ ព្រោះវាប៉ះពាល់ធំពេកដល់សេដ្ឋកិច្ច និងជីវភាពប្រជាជន ហើយសម្ដេច​ស្នើសុំឱ្យមានការចូលរួមពីប្រជាពលរដ្ឋ​ ដើម្បីប្រយុទ្ធប្រឆាំងជាមួយកូវីដ១៩ជំនួសវិញ៕

     

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង