គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ រម្លឹកជនរួមជាតិ​ឲ្យមានការប្រុងប្រយ័ត្ន​ពីបញ្ហាភ្លើងផ្សែងក្នុងថ្ងៃសែនចិន

    ដោយ៖ យូ វីរៈ​​ | ថ្ងៃព្រហស្បតិ៍ ទី១១ ខែកុម្ភៈ ឆ្នាំ២០២១​ |
    សម្ដេចតេជោ​ ហ៊ុន​ សែន​ រម្លឹកជនរួមជាតិ​ឲ្យមានការប្រុងប្រយ័ត្ន​ពីបញ្ហាភ្លើងផ្សែងក្នុងថ្ងៃសែនចិន សម្ដេចតេជោ​ ហ៊ុន​ សែន​ រម្លឹកជនរួមជាតិ​ឲ្យមានការប្រុងប្រយ័ត្ន​ពីបញ្ហាភ្លើងផ្សែងក្នុងថ្ងៃសែនចិន

    ភ្នំពេញ​៖ តាមរយៈ​ហ្វេសប៊ុក​ផ្លូវការ​ ថ្ងៃទី​១១​ ខែកុម្ភៈ​ ឆ្នាំ​២០២១ សម្ដេចតេជោ​ ហ៊ុន​ សែន​ នាយករដ្ឋមន្ត្រី នៃ​កម្ពុជា​ បាន​ក្រើនរម្លឹកដល់បងប្អូនជនរួមជាតិ​ទាំងអស់ឲ្យមានការប្រុងប្រយ័ត្នចំពោះបញ្ហាភ្លើង​ផ្សែង ដូចជាការចម្អិន​ម្ហូបអាហារ ដុតក្រដាស​សែន ធូប ទៀនជាដើម ដើម្បីចៀសវាងមានអគ្គីភ័យកើតឡើង​ក្នុងថ្ងៃសែនចូលឆ្នាំចិន។

    សម្ដេចតេជោ​ បាន​សរសេរថា «ជូនពរថ្ងៃចូលឆ្នាំចិន Gong Xi Fa Cai 2021 ខ្ញុំ និងភរិយា សូមចូលរួមអបអរសាទរក្នុងថ្ងៃសែនចូលឆ្នាំចិនថ្ងៃនេះ។ សូមបងប្អូនមានការប្រុងប្រយ័ត្នខ្ពស់ ចំពោះការចម្អិនម្ហូបអាហារ ដុតក្រដាសសែន ធូប និងទៀន… ដើម្បីចៀសវាងកុំឲ្យមានអគ្គីភ័យកើតឡើងដោយការធ្វេសប្រហែសណាមួយដែលធ្វើឲ្យរំខានក្នុងថ្ងៃចូលឆ្នាំ។ សូមចូលរួមទប់ស្កាត់ការពារការចម្លងជម្ងឺកូវីដ១៩ ទាំងអស់គ្នា តាមរយៈការអនុវត្តតាមការណែនាំរបស់ក្រសួងសុខាភិបាល។ »

    ក្នុងថ្ងៃនេះ ក៏មានបងប្អូនមួយចំនួនធ្វើដំណើរទៅកាន់បណ្តាខេត្តផ្សេងៗផងដែរ។ សូមបើកបរគោរពច្បាប់ចរាចរណ៍ កុំបើកប្រជែងយកលឿនតែខ្លួនឯង កុំផឹកគ្រឿងស្រវឹងក្នុងពេលបើកបរ ត្រូវមានការយោគយល់គ្នា និងប្រុងប្រយ័ត្នខ្ពស់ជានិច្ច ទោះបីបើកបរជិតឬឆ្ងាយ ដើម្បីសុវត្ថិភាពក្នុងថ្ងៃចូលឆ្នាំទាំងអស់គ្នា។

    ឆ្លៀតក្នុងឱកាសនេះដែរ​ សម្ដេចតេជោ​ និងសម្ដេចកិត្តិព្រឹទ្ធបណ្ឌិត បានជូនពរបងប្អូនជនរួមជាតិជួបតែសំណាងល្អ ជោគជ័យ និងហេងហេងគ្រប់ៗគ្នាចាប់ពីក្នុងថ្ងៃចូលឆ្នាំចិន ២០២១ នេះតទៅ៕

     

     

    បញ្ចេញមតិ
    អត្ថបទទាក់ទង