គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ ផ្ញើសារថ្វាយព្រះមហាក្សត្រ​ និង​សម្ដេចម៉ែ ថ្លែងអំណរព្រះគុណចំពោះ​ ព្រះរាជទាន​ថវិកា ១លាន​ដុល្លារ​ ជូន​រដ្ឋាភិបាល​ទិញ​វ៉ាក់សាំង​ប្រឆាំងកូវីដ១៩​

    ដោយ៖ យូ វីរៈ​​ | ថ្ងៃព្រហស្បតិ៍ ទី១០ ខែធ្នូ ឆ្នាំ២០២០​ |
    សម្ដេចតេជោ​ ហ៊ុន​ សែន​ ផ្ញើសារថ្វាយព្រះមហាក្សត្រ​ និង​សម្ដេចម៉ែ ថ្លែងអំណរព្រះគុណចំពោះ​ ព្រះរាជទាន​ថវិកា ១លាន​ដុល្លារ​ ជូន​រដ្ឋាភិបាល​ទិញ​វ៉ាក់សាំង​ប្រឆាំងកូវីដ១៩​ សម្ដេចតេជោ​ ហ៊ុន​ សែន​ ផ្ញើសារថ្វាយព្រះមហាក្សត្រ​ និង​សម្ដេចម៉ែ ថ្លែងអំណរព្រះគុណចំពោះ​ ព្រះរាជទាន​ថវិកា ១លាន​ដុល្លារ​ ជូន​រដ្ឋាភិបាល​ទិញ​វ៉ាក់សាំង​ប្រឆាំងកូវីដ១៩​

    ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រ​កម្ពុជា នៅថ្ងៃទី១០ ខែធ្នូ ឆ្នាំ២០២០នេះ បានផ្ញើលិខិតថ្វាយព្រះមហាក្សត្រ និង​សម្តេចម៉ែ ដោយ​ថ្លែង​អំណរ​ព្រះ​គុណ​ជា​អតិបរមា ចំពោះព្រះអង្គទាំងទ្វេ​ សព្វ​ព្រះរាជ​ហឫទ័យ​ប្រោស​ព្រះរាជ​ទាន​នូវ​ថវិកា ​ជូន​សម្តេច​សម្រាប់​ចូល​រួម​ទិញ​វ៉ាក់​សាំង​កូវីដ​១៩​ ដើម្បី​ចាក់​ជូន​ប្រជាពលរដ្ឋ​ដោយ​ឥតគិតថ្លៃ។

    ក្នុងសារលិខិតថ្វាយព្រះមហាក្សត្រ និង​សម្ដេចម៉ែ សម្តេចតេជោ ហ៊ុន សែន បានសរសេរថា៖ តបចំពោះព្រះរាជគុណូបការៈ ព្រមទាំងព្រះរាជហឫទ័យមនុស្សធម៌ដ៏ជ្រាលជ្រៅបំផុត ខណៈនេះទូលព្រះបង្គំជាខ្ញុំ ព្រមទាំងសមាជិក សមាជិកាគ្រប់រូប នៃរាជរដ្ឋាភិបាល សូមលំឱនកាយថ្វាយព្រះសព្ទសាធុការពរបវរមហាប្រសើរ សូមព្រះករុណាជាអម្ចាស់ ទ្រង់ស្តេចព្រះប្រកបដោយព្រះពុទ្ធពរទាំង៤ប្រការ គឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ»។

    សូមបញ្ជាក់ថា ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គទាំងទ្វេសព្វព្រះរាជហឫទ័យ ប្រោសព្រះរាជទាន វិភាគទានដ៏វិសេសវិសាលនូវព្រះរាជទ្រព្យផ្ទាល់ដ៏ឧត្តុង្គឧត្តមចំនួន ១លានដុល្លារ ជូនរាជរដ្ឋាភិបាលដើម្បីទិញវ៉ាក់សាំងប្រឆាំងជំងឺកូវីដ-១៩។

    ព្រះរាជទ្រព្យដ៏ឧត្តុង្គឧត្តមរបស់ព្រះមហាក្សត្រខ្មែរ និងសម្ដេចម៉ែ បានប្រគល់ជូនរាជរដ្ឋាភិបាល តាមរយៈលោកសាស្ដ្រាចារ្យវេជ្ជបណ្ឌិត ម៉ម ប៊ុនហេង រដ្ឋមន្ដ្រីក្រសួងសុខាភិបាល នៅព្រឹកថ្ងៃទី១០ ខែធ្នូ ឆ្នាំ២០២០នេះ។

    គួរជម្រាបថា ព្រះអង្គទាំងទ្វេសព្វព្រះរាជហឫទ័យប្រោស ព្រះរាជទានវិភាគទានដ៏វិសេសវិសាលនូវព្រះរាជទ្រព្យផ្ទាល់របស់ព្រះអង្គ ធ្វើឡើងបន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកាទិញវ៉ាក់សាំងកូវីដ-១៩ មកចាក់ជូនប្រជាពលរដ្ឋដោយឥតគិតថ្លៃ ស្របពេលដែលជំងឺកូវីដ១៩ បានឆ្លងចូលដល់សហគមន៍កម្ពុជា៕

     

     

    បញ្ចេញមតិ
    អត្ថបទទាក់ទង