គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​៖ «អបអរសាទរ ព្រះរាជពិធីបុណ្យច្រត់ព្រះនង្គ័ល»

    ដោយ៖ យូ វីរៈ​​ | ថ្ងៃសុក្រ ទី៣០ ខែមេសា ឆ្នាំ២០២១​ |
    សម្ដេចតេជោ​ ហ៊ុន​ សែន​៖ «អបអរសាទរ ព្រះរាជពិធីបុណ្យច្រត់ព្រះនង្គ័ល» សម្ដេចតេជោ​ ហ៊ុន​ សែន​៖ «អបអរសាទរ ព្រះរាជពិធីបុណ្យច្រត់ព្រះនង្គ័ល»

    ភ្នំពេញ​៖ តាមរយៈ​ហ្វេសប៊ុក​ផ្លូវការ​ នៅថ្ងៃទី​៣០​ ខែមេសា​ ឆ្នាំ​២០២១​ សម្ដេចតេជោ​ ហ៊ុន​ សែន​ នាយករដ្ឋមន្ត្រី នៃ​កម្ពុជា​ បាន​សរសេរ​សារ​អបអរសាទ​ ព្រះរាជពិធីបុណ្យច្រត់ព្រះនង្គ័ល។

    សម្ដេចតេជោ​បានសរសេរដូច្នេះថា «ថ្ងៃសុក្រ ៤រោច ខែពិសាខ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៣០ ខែមេសា ឆ្នាំ២០២១នេះ ជាថ្ងៃ​ដែល​ព្រះរាជា​ណា​ចក្រ​កម្ពុជា​ប្រារព្ធ​នូវ​ព្រះ​រាជ​ពិធី​បុណ្យ​«ច្រត់ព្រះនង្គ័ល»​ដែល​ត្រូវបានធ្វើឡើងជារៀងរាល់ឆ្នាំក្នុងខែពិសាខ។ ព្រះរាជពិធីនេះ គឺ​សំខាន់​បំផុត​ បន្ទាប់ពីព្រះរាជាអភិសេក ដែលជាពិធីមួយ​ស្ថិតក្នុងចំណោម​ពិធីផ្សេងៗ ជាច្រើន​ទៀត​ប្រចាំ​ឆ្នាំ។

    ព្រះរាជពិធីច្រត់ព្រះនង្គ័ល គឺត្រូវបានធ្វើឡើងក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការ​បរិភោគរបស់ «គោឧសភរាជ»។ ព្រះរាជពិធីបុណ្យនេះ ក៏ជាការដាស់តឿនក្រើនរម្លឹក ដល់ប្រជា​ពលរដ្ឋខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវ​ធ្វើ​ស្រែ​ចំការ​​បា​នចូលមក​ដល់​ហើយ។

    សូមជូនពរបងប្អូនប្រជាពលរដ្ឋខ្មែរទូទាំងប្រទេស ជួបតែសេចក្តីសុខ សេចក្តីចម្រើនគ្រប់ៗគ្នា៕»

    បញ្ចេញមតិ
    អត្ថបទទាក់ទង