គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព
  • ** អបអរសាទរ! ម្ចាស់ជ័យលាភីមេដាយមាស នៃព្រឹត្តិការណ៍ស៊ីហ្គេម លើកទី៣១ នៅទីក្រុងហាណូយ ១- កីឡាប្រដាល់គុនខ្មែរ៖ កីឡាករ ប៉ោ ភារិទ្ធ (យ៉េន ឌីណា) វិញ្ញាសាទម្ងន់ ៦៣,៥គីឡូក្រាម។, ២- កីឡាប្រដាល់ឃីកបុកស៊ីង៖ កីឡាករ ទូច រ៉ាឆាន់ វិញ្ញាសាទម្ងន់ ៥៧គីឡូក្រាម។ ៣- កីឡាចំបាប់៖ កីឡាករ ស៊ូ បាលី វិញ្ញាសា Freestyle ទម្ងន់ ១២៥គីឡូក្រាម។ ៤- កីឡាតេក្វាន់ដូ WT៖ កីឡាករ វ៉ា មិថុនា វិញ្ញាសាបុរស Kyorugi ទម្ងន់ ៧៤គីឡូក្រាម។ ៥- កីឡាប៉ូល និងប៉េតង់៖ កីឡាករ ស៊ិន វង់ និងកីឡាការិនី វង ចន្ថា វិញ្ញាសាវាយគូចម្រុះបុរស-នារី, កីឡាការិនី អ៊ុន ស្រីយ៉ា, ស្រ៊ាង សុរ៉ាឃីម, ឃួន យ៉ារី និង ឌួង ឌីណា វិញ្ញាសាវាយក្រុមនារី ៣នាក់ ទល់ ៣នាក់។ ៦- កីឡាវ៉ូវីណាម៖ កីឡាក លី បូរ៉ាមី, ជ្រិន ប៊ុនឡុង, ប្រាក់ សុវណ្ណនី និងកីឡាការិនី ប៉ាល់ ឆរស្ម៊ី វិញ្ញាសាសម្ដែងការពារខ្លួនស្រី ១ ប្រុស ៣ មានអាវុធ, កីឡាករ អេ វីរៈខាំឈីតភូថង វិញ្ញាសាប្រយុទ្ធទម្ងន់ ៦៥គីឡូក្រាម , កីឡាករ ជិន ពិសិដ្ឋ និង ម៉េត សុភត្ដ្រា វិញ្ញាសាក្រុមការពារខ្លួនកាំបិតធំបុរស ២នាក់ ។

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ អ្នករាយការណ៍​ពិសេស​ទទួល​បន្ទុក​សិ​ទ្ធិមនុស្ស​នៅ​កម្ពុជា

ដោយ៖ យូ វីរៈ​​ | ថ្ងៃពុធ ទី២២ ខែកញ្ញា ឆ្នាំ២០២១​ |
សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ អ្នករាយការណ៍​ពិសេស​ទទួល​បន្ទុក​សិ​ទ្ធិមនុស្ស​នៅ​កម្ពុជា សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ អ្នករាយការណ៍​ពិសេស​ទទួល​បន្ទុក​សិ​ទ្ធិមនុស្ស​នៅ​កម្ពុជា

ភ្នំពេញ៖ នៅរសៀល ថ្ងៃពុធ ១រោច ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២២ ខែកញ្ញា ឆ្នាំ២០២១ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារ តាមប្រព័ន្ធវីដេអូជាមួយ ឯកឧត្តម សាស្ត្រាចារ្យ វិទិត មុនតាប៊ន (Vitit Muntarbhorn) អ្នករាយការណ៍ពិសេស ទទួល​បន្ទុក​សិទ្ធិមនុស្ស​ប្រចាំ​ព្រះរាជាណាចក្រកម្ពុជា។

នៅក្នុង​ជំនួបនោះឯកឧត្តមសាស្ត្រាចារ្យ វិទិត មុនតាប៊ន (Vitit Muntarbhorn) បានគោរពជម្រាបជូនសម្ដេចតេជោនាយករដ្ឋមន្ត្រីថា ឯកឧត្តមពិតជាមានកិត្តិយសណាស់ដែលបាន ជួបពិភាក្សាជាមួយសម្តេចតេជោតាមប្រព័ន្ធវីដេអូនាថ្ងៃនេះ។ ឯកឧត្តមបានសំដែងនូវការកោតសរសើរ យ៉ាងខ្លាំងចំពោះសម្ដេចតេជោ ក៏ដូចជារាជរដ្ឋាភិបាលកម្ពុជា ដែលបានចាត់វិធានការ ចាក់វ៉ាក់សាំង ដល់ប្រជាជនកម្ពុជា ដើម្បីទប់ស្កាត់ជំងឺកូវីដ-១៩ ។ ក្នុងឱកាសនេះដែរ ឯកឧត្តមក៏បាន ស្នើសុំគោរពស្វែងយល់ពីសម្ដេចតេជោ លើករណីចំនួន៤ ដែលករណីទី១) គឺជាអាទិភាពរបស់កម្ពុជាលើបញ្ហាសិទ្ធិមនុស្ស ទី២)មេរៀនដែលរៀនបានពីជំងឺកូវីដ-១៩នៅក្នុងពន្ធនាគារ ទី៣)ករណីពង្រីកលំហសេដ្ឋកិច្ច សង្គមស៊ីវិល និងនយោបាយ និងទី៤)សូមគោរពស្វែងយល់អំពីសម្ដេចតេជោ នូវអ្វីដែលឯកឧត្តមគួរធ្វើដើម្បីគាំទ្រដល់កម្ពុជាលើវិស័យសិទ្ធិមនុស្ស។

ជាការឆ្លើយតប សម្ដេចតេជោ ហ៊ុន សែន បានជម្រាបជូនឯកឧត្តម វិទិត មុនតាប៊ន (Vitit Muntarbhorn) ថា ទី១)អទិភាពរបស់កម្ពុជា តាំងពីដើមរហូតមកដល់ពេលនេះ គឺសិទ្ធិរស់រានមានជីវិតរបស់កម្ពុជា ស្របតាមរដ្ឋធម្មនុញ្ញផងស្របតាមអនុសញ្ញាអន្តរជាតិផង ហើយដើម្បីរក្សានូវសិទ្ធិរស់រានមានជីវិតនេះ កម្ពុជាត្រូវដាច់ខាតរក្សាឲ្យបាននូវសុខសន្តិភាព និងស្ថិរភាពសង្គម រួមជាមួយការចាក់ស្រោចវ៉ាក់សាំង ដល់ប្រជាជនកម្ពុជាផងដែរ។ ទី២)កម្ពុជាបានយកចិត្តទុកដាក់ខ្ពស់ចំពោះអ្នកជាប់ទោសស្រាលជាស្ត្រី និងអ្នកដែលមានកូនជាដើម តាមរយៈការរៀបចំកន្លែងថ្មីជូនគាត់ ឬក៏ជូនគាត់ទៅកន្លែងថ្មីចៀសវាងការឆ្លងនូវជំងឺកូវីដ-១៩ ។ លើសពីនេះទៅទៀត កម្ពុជាក៏មិនមើលរំលងអ្នកជាប់ទោសទាំងអស់នោះដែរ គឺកម្ពុជាបានផ្ដល់ការចាក់វ៉ាក់សាំងជូនពួកគាត់ ដូសទី១ និងដូសទី២ ហើយថែមទាំងកំពុងត្រៀមចាក់ដូសទី៣ ទៀតផង។ ទី៣)កម្ពុជា គឺចង់មានបរិស្ថានសង្គមកិច្ច សេដ្ឋកិច្ច និងនយោបាយល្អ ជាមួយនឹងលំហរលទ្ធិប្រជាធិបតេយ្យ និងទី៤) អ្វីដៃលកម្ពុជាចង់បានកិច្ចសហប្រតិបត្តិការជាមួយឯកឧត្តម

វិទិត មុនតាប៊ន (Vitit Muntarbhorn) នោះគឺការបង្កើតបរិយាកាស ដែលមានជំនឿជឿជាក់លើគ្នាទៅវិញទៅមក ប្រកបដោយការស្ថាបនាឈានឆ្ពោះទៅមុខលើបញ្ហាសិទ្ធិមនុស្ស ដែលមិនទម្លាក់កំហុសឱ្យគ្នាទៅវិញទៅមក៕

 

 

បញ្ចេញមតិ
ពាក្យគន្លឹះទាក់ទង
អត្ថបទទាក់ទង