សម្ដេចតេជោ ហ៊ុន សែន៖ « សុខភាពខ្ញុំល្អធម្មតា… ឯការពិនិត្យសម្រេច និងគ្រប់គ្រងប្រទេសនៅធម្មតាគ្មានការរាំងស្ទះឡើយ»
សម្ដេចតេជោ ហ៊ុន សែន៖ « សុខភាពខ្ញុំល្អធម្មតា… ឯការពិនិត្យសម្រេច និងគ្រប់គ្រងប្រទេសនៅធម្មតាគ្មានការរាំងស្ទះឡើយ»
ភ្នំពេញ៖ នៅថ្ងៃទី២៨ ខែមេសា ឆ្នាំ២០២១នេះ សម្ដេចតេជោ ហ៊ុន សែន នាយករដ្ឋមន្ត្រី បានមានប្រសាសន៍ថា សុខភាពរបស់សម្ដេចគឺល្អធម្មតាទេ នឹងអាចពិនិត្យសម្រេច និងបញ្ជាគ្រប់គ្រងប្រទេសបានធម្មតាដដែរ គ្មានការរាំងស្ទះនោះឡើយ។
សម្ដេចតេជោបានសរសេរលើបណ្ដាញសង្គមហ្វេសប៊ុកដូច្នេះថា «ថ្ងៃនេះជាថ្ងៃទី៤ នៃការធ្វើចត្តាឡីសក័របស់ខ្ញុំ បន្ទាប់ពីវិលត្រឡប់មកពីប្រជុំកំពូលអាស៊ាននៅឥណ្ឌូនេស៊ី។ ម្សិលមិញមានការបញ្ជូនសារផ្ទាល់មាត់ជូនទៅ សម្តេច ទៀ បាញ់ និងលោកជំទាវ ឱ វណ្ណឌីន លើការចាក់វ៉ាក់សាំងជូនប្រជាជននៅតំបន់ក្រហមដោយកម្លាំងកងទ័ព។
មានបងប្អូនមួយចំនួនចាប់អារម្មណ៍លើសម្លេងរបស់ខ្ញុំដែលហាក់ដូចហត់ខ្លាំង។ ពិតជាហត់មែនតែមិនមែនជំងឺទេ គឺហត់ដោយខ្ញុំនិយាយក្នុងពេលដែលខ្ញុំធាក់កង់ហាត់ប្រាណ។
សុខភាពខ្ញុំល្អធម្មតា គ្រាន់តែកំសត់ខ្លួនបន្តិចព្រោះផ្ទះមួយនៅម្នាក់ឯងអត់ប្រពន្ធអត់កូនអត់ចៅដោយសារខ្លួនខ្ញុំត្រូវធ្វើចត្តាឡីស័ក។ រីឯការពិនិត្យសម្រេចនិងបញ្ជាគ្រប់គ្រងប្រទេសនៅដំណើការធម្មតាមិនមានអ្វីរាំងស្ទះឡើយ៕»
![សម្ដេចតេជោ ហ៊ុន សែន ត្រូវបានទទួលការស្វាគមន៍យ៉ាងកក់ក្តៅបំផុតពីថ្នាក់ដឹកនាំសហភាពអឺរ៉ុប [VIDEO IN SIDE]](https://vopcambodia.com/wp-content/uploads/2022/12/vop1-2.jpg)
