គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    អ្នកស្ម័គ្រចិត្ត​ចាក់វ៉ាក់សាំងទី១លាន ទទួល​បាន​អំណោយ​ដ៏ថ្លៃថ្លារបស់សម្ដេចតេជោ​ ហ៊ុន​ សែន​ នាយករដ្ឋមន្ត្រី

    ដោយ៖ យូ វីរៈ​​ | ថ្ងៃចន្ទ ទី១២ ខែមេសា ឆ្នាំ២០២១​ |
    អ្នកស្ម័គ្រចិត្ត​ចាក់វ៉ាក់សាំងទី១លាន ទទួល​បាន​អំណោយ​ដ៏ថ្លៃថ្លារបស់សម្ដេចតេជោ​ ហ៊ុន​ សែន​ នាយករដ្ឋមន្ត្រី អ្នកស្ម័គ្រចិត្ត​ចាក់វ៉ាក់សាំងទី១លាន ទទួល​បាន​អំណោយ​ដ៏ថ្លៃថ្លារបស់សម្ដេចតេជោ​ ហ៊ុន​ សែន​ នាយករដ្ឋមន្ត្រី

    ភ្នំពេញ​៖ នៅព្រឹក​ថ្ងៃ​ទី​១២​ ខែមេសា​ ឆ្នាំ២០២១​ លោកជំទាវ​វេជ្ជបណ្ឌិត​ ឱ​ វណ្ណឌីន​ រដ្ឋលេខាធិការ​ក្រសួងសុខាភិបាល​​ និងជាប្រធានគណៈកម្មការ​ចំពោះកិច្ច​ចាក់វ៉ា​ក់សាំងកូវីដ-១៩​ ក្នុងក្របខណ្ឌទូទាំងប្រទេស​(គ.វ.ក-១៩)​ បាន​នាំយកថវិកាចំនួន​ ៥លានរៀល​ ដែល​ជា​អំណោយ​ដ៏ថ្លៃថ្លារបស់​សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី នៃ​ព្រះរាជាណាចក្រកម្ពុជា​ ទៅប្រគល់ជូនដល់ជ័យលាភីចាក់​វ៉ាក់​សាំងកូវីដ-១៩​ លេខរៀង​ទី១លាន​។

    អ្នកស្ម័គ្រចិត្តចាក់វ៉ាក់សាំងទី១លាន​ គឺលោក​ ប៉ាន់​ សុវណ្ណរិទ្ធិ​ ភេទប្រុសអាយុ​ ៣៦ឆ្នាំ​ មានទីលំនៅ​ ផ្ទះល្វែងលេខ២​ ព្រែកព្រីង២​ សង្កាត់ចោមចៅខណ្ឌពោធិសែនជ័យ មុខរបរលក់ដូរតាមហាង​ បានទៅចាក់វ៉ាក់សាំងនៅ​ សាលាសន្ធរម៉ុក​ សង្កាត់ទឹកល្អក់១​ រាជធានីភ្នំពេញ។ លោកមានភរិយា​ ជាស្ត្រីមេផ្ទះ​ និងមានកូន​ ៣នាក់​ (ស្រី១​ ប្រុស​ ២)។

    សូមជំរាបថា​ អ្នកចាក់វ៉ាក់សាំងលេខរៀងទី១​ គឺកូនប្រុសច្បងរបស់សម្តេចតេជោ ហ៊ុន​ សែន​ នាយករដ្ឋមន្ត្រី​ ឯកឧត្តម ឧត្តមសេនីយ៍ឯក​ ហ៊ុន​ ម៉ាណែត​ អគ្គមេបញ្ជាការរង នៃកងយោធពលខេមរភូមិន្ទ​ និងជាមេបញ្ជាការ​កង​ទ័ពជើងគោក៕

    អត្ថបទទាក់ទង