គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    លទ្ធផល​តេស្ត​លើកទី​៣ សម្រាប់​សម្ដេចក្រឡាហោម​ ស ខេង​ និងក្រុមគ្រួសារ​ គឺអវិជ្ជមាន​វីរុសកូវីដ១៩​​ ទាំងអស់​

    ដោយ៖ យូ វីរៈ​​ | ថ្ងៃសៅរ៍ ទី១២ ខែធ្នូ ឆ្នាំ២០២០​ |
    លទ្ធផល​តេស្ត​លើកទី​៣ សម្រាប់​សម្ដេចក្រឡាហោម​ ស ខេង​ និងក្រុមគ្រួសារ​ គឺអវិជ្ជមាន​វីរុសកូវីដ១៩​​ ទាំងអស់​ លទ្ធផល​តេស្ត​លើកទី​៣ សម្រាប់​សម្ដេចក្រឡាហោម​ ស ខេង​ និងក្រុមគ្រួសារ​ គឺអវិជ្ជមាន​វីរុសកូវីដ១៩​​ ទាំងអស់​

    ភ្នំពេញ​៖ សម្ដេចក្រឡាហោម​ ស ខេង​ ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ​ និងក្រុមគ្រួសារ​ នៅថ្ងៃទី​១២​ ខែធ្នូ ឆ្នាំ​២០២០ ត្រូវ​បាន​ក្រសួង​សុខាភិបាល​យក​សំណាក​ទៅ ធ្វើ​តេស្ត​លើកទី​៣​ ដែលជាលើកចុងក្រោយ​ ជាលទ្ធផល​គឺអវិជ្ជមាន​វីរុសកូវីដ​១៩​ ទាំងអស់​។

    តាម​រយៈ​ហ្វេសប៊ុក​សម្ដេចក្រឡាហោម​ បាន​មានប្រសាសន៍ថា​​ រូបសម្ដេចផ្ទាល់ និងភរិយា រួម​នឹង​ក្រុមគ្រួសារ​ និងអ្នក​ពាក់ព័ន្ធ​មួយចំនួន​ទៀត​នៅផ្ទះ​របស់សម្ដេច ចំនួន​ ២០១សំណាកត្រូវ​បាន​ក្រសួង​សុខាភិបាល​បញ្ជាក់​ថា ទទួល​បាន​លទ្ធផល​អវិជ្ជមាន​ជំងឺ​កូវីដ​១៩​ទាំងអស់​ សម្រាប់​ការ​ធ្វើ​តេស្ត​លើកចុងក្រោយនេះ។

    សម្ដេចក្រឡាហោម​ បាន​ថ្លែងអំណរគុណ​ចំពោះ​ថ្នាក់ដឹកនាំ​ក្រសួងសុខាភិបាល និង​ក្រុម​គ្រូពេទ្យ ដែល​ខិត​ខំ​យក​ចិត្តទុកដាក់បំ​ពេញការងារយកសំណាក និង​តាម​ដាន​សុខភាព​របស់សម្ដេចរួមនឹង​ក្រុមគ្រួសារ​សម្ដេច​ទាំងអស់គ្នា តាំងពីដំណាក់កាលដំបូងរហូតដល់បញ្ចប់ការធ្វើតេស្ត និង​ធ្វើ​ចត្តា​ឡីស័ក​។

    សម្ដេចក្រឡាហោម​ ស ខេង​ បាន​កោត​សរសើរ​ខ្ពស់​ចំពោះ​ស្មារតី​សហការ​ខ្ពស់​របស់​បងប្អូន​ជនរួមជាតិទាំងមូល ក្នុងនោះរាប់ទាំងថ្នាក់ដឹកនាំ មន្ត្រីរាជការស៊ី​វិល​ នគរបាលជាតិ មន្ត្រីពន្ធនាគារ​​ពាក់ព័ន្ធ​នឹង​ព្រឹត្តិការណ៍​សហគមន៍​២៨​វិច្ឆិកា​ទាំង​អស់​ ដែល​បាន​ស្ម័គ្រ​ចិត្ត​ធ្វើ​តេស្ត និ​ង​ធ្វើ​ចត្តា​ឡីស័ក​តាម​ការ​ណែនាំ​របស់​ក្រសួង​សុខាភិបាល​។​

    ជាមួយគ្នានេះដែរ សម្ដេចក្រឡាហោម ក៏បាន​ថ្លែង​អំណរគុណចំពោះជនរួមជាតិទាំងអស់ ដែល​បាន​ផ្ញើសារ​ជូនពរ និងមានការយកចិត្តទុកដាក់ខ្ពស់ ចំពោះសុខភាពរបស់ខ្ញុំ និងភរិយា ក្រុម​គ្រួសារ ព្រមទាំងអ្នកពាក់ព័ន្ធនៅក្នុងអំឡុងពេលធ្វើចត្តាឡីស័កកន្លងមកនេះ។

    សម្ដេចក្រឡាហោម​​ បាន​​អំពាវ​នាវ​បង​ប្អូនជនរួមជាតិទាំងអស់ សូមមេត្តា​បន្ត​អនុវត្ត​វិធានការ​ប្រឆាំង​មេរោគ​កូវីដ១៩​ របស់ក្រសួងសុខាភិបាលឱ្យបានខ្ជាប់ខ្ជួន ដូចជាការធ្វើតេស្តក្នុងករណីសង្ស័យ, ការដាក់ខ្លួននៅដាច់ដោយឡែក, ការពាក់ម៉ាស់ ឬប្រើក្រម៉ាពេលក្អក ឬកណ្ដាស់, លាងដៃ បាញ់​អាកុល​សម្លាប់មេរោគ, ការរក្សាគម្លាតសុវត្ថិភាព និងកាត់បន្ថយការប្រមូលផ្ដុំ​ ដោយសារ​ព្រឹត្តិកាណ៍ស​ហគមន៍២៨វិច្ឆិកា មិនទាន់បានបញ្ចប់នៅឡើយ​  ​និង​សូម​ជូនពរ​ជនរួ​ម​ជាតិ​ទាំង​អស់ ​ជួប​តែសេ​ចក្ដីសុខគ្រប់ប្រការ និងចៀសផុតពីជំងឺកូវីដ១៩​៕

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង