គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

សម្ដេចតេជោ​ ហ៊ុន​ សែន​៖ នយោបាយឈ្នះ ឈ្នះ ជាឱសថទិព្វ​ ធ្វើ​ឲ្យ​កម្ពុជា​បាន​បញ្ចប់សង្គ្រាម​នៅឆ្នាំ១៩៩៨

ដោយ៖ យូ វីរៈ​​ | ថ្ងៃព្រហស្បតិ៍ ទី២២ ខែតុលា ឆ្នាំ២០២០​ |
សម្ដេចតេជោ​ ហ៊ុន​ សែន​៖ នយោបាយឈ្នះ ឈ្នះ ជាឱសថទិព្វ​ ធ្វើ​ឲ្យ​កម្ពុជា​បាន​បញ្ចប់សង្គ្រាម​នៅឆ្នាំ១៩៩៨ សម្ដេចតេជោ​ ហ៊ុន​ សែន​៖ នយោបាយឈ្នះ ឈ្នះ ជាឱសថទិព្វ​ ធ្វើ​ឲ្យ​កម្ពុជា​បាន​បញ្ចប់សង្គ្រាម​នៅឆ្នាំ១៩៩៨

បន្ទាយមានជ័យ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រ​កម្ពុជា នៅថ្ងៃទី២២ ខែតុលា ឆ្នាំ២០២០នេះ បានមានប្រសាសន៍លើកឡើងថា នយោបាយឈ្នះ ឈ្នះ ជាឱសថទិព្វ ដែល​ធ្វើ​ឲ្យកម្ពុជាដែលមានសង្គ្រាម មិនចេះចប់ មិនចេះហើយ រាប់រយឆ្នាំ បានបញ្ចប់នៅក្នុងឆ្នាំ១៩៩៨ និងបានកែប្រែតំបន់សង្គ្រាម តំបន់ព្រំដែន​ ក្លាយជាតំបន់អភិវឌ្ឍ។

សម្ដេចតេជោ​លើកឡើង​ដូច្នេះ ក្នុងឱ​កាស​ដែល​សម្ដេច​បាន​អញ្ជើញ​ចុះ​ជួប​​សួរសុខទុក្ខ​ និង​ចែកអំណោយ​ជូន​ដល់​ប្រជាពលរដ្ឋ​រងគ្រោះ​ដោយ​ទឹកជំនន់​ ក្នុង​ស្រុក​ថ្មពួក​ និង​ក្រុងប៉ោយប៉ែត​ ខេត្ត​បន្ទាយមានជ័យ​ នៅព្រឹកថ្ងៃទី២២​ ខែតុលា​ ឆ្នាំ​២០២០។

សម្ដេចតេជោ​​បាន​បញ្ជាក់​ថា តាមរយៈ​នយោបាយ​ឈ្នះ ឈ្នះ នេះ យើង​ប្រែក្លាយ​តំបន់សមភូមិ​ទាំងអស់​ឲ្យទៅជា​តំបន់អភិវឌ្ឍ និង​ទិសដៅមួយទៀត​ ប្រែក្លាយតំបន់ព្រំដែន ជាមួយប្រទេសជិតខាងទាំងអស់ ឲ្យទៅជាព្រំដែន មិត្ដភាព-សន្ដិភាព មិត្ដភាព-សហប្រតិបត្ដិការ និងការអភិវឌ្ឍន៍។

សម្ដេចតេជោ ហ៊ុន សែន បានបញ្ជាក់ដែរថា តំបន់វាយគ្នាទាំងអស់​កំពុងត្រូវ​បាន​អភិវឌ្ឍ នៅសល់តិចតួចណាស់ ដែលមិនទាន់បានអភិវឌ្ឍ ដោយសារកន្លែងនោះនៅសល់គ្រាប់មីន និងគ្រាប់មិនទាន់ផ្ទុះ។

សូមបញ្ជាក់​ថា​ ប្រទេស​កម្ពុជា បាន​កំណត់យកថ្ងៃទី២៩ ខែធ្នូ ជារៀងរាល់ឆ្នាំ ដើម្បីធ្វើជាពិធីរម្លឹក នៃការបញ្ចប់សង្គ្រាម និងការឯកភាពទឹកដី៕

 

 

បញ្ចេញមតិ
អត្ថបទទាក់ទង