គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ ចាត់​ឲ្យ​សម្ដេច ទៀ បាញ់ ​នាំម៉ាស ២លានម៉ាស និង​បរិក្ខា​ពេទ្យ​មួយ​ចំនួន​​ ជូន​នាយកដ្ឋមន្ត្រីឡាវ​

    ដោយ៖ យូ វីរៈ​​ | ថ្ងៃអាទិត្យ ទី១៥ ខែវិច្ឆិកា ឆ្នាំ២០២០​ |
    សម្ដេចតេជោ​ ហ៊ុន​ សែន​ ចាត់​ឲ្យ​សម្ដេច ទៀ បាញ់ ​នាំម៉ាស ២លានម៉ាស និង​បរិក្ខា​ពេទ្យ​មួយ​ចំនួន​​ ជូន​នាយកដ្ឋមន្ត្រីឡាវ​ សម្ដេចតេជោ​ ហ៊ុន​ សែន​ ចាត់​ឲ្យ​សម្ដេច ទៀ បាញ់ ​នាំម៉ាស ២លានម៉ាស និង​បរិក្ខា​ពេទ្យ​មួយ​ចំនួន​​ ជូន​នាយកដ្ឋមន្ត្រីឡាវ​

    ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា​ នៅព្រឹកនេះ​ បាន​ប្រកាស​ចាត់​តាំង​សម្តេច​ពិជ័យ​សេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ជាតំណាង​ ដើម្បី​ដឹក​នាំ​គណៈប្រតិភូ​នាំយក​ម៉ាសចំនួន២លាន និងបរិក្ខារពេទ្យមួយចំនួនជូនរដ្ឋាភិបាល និងប្រជាជនឡាវ នៅព្រឹកថ្ងៃច័ន្ទ ទី១៦ ខែវិច្ឆិកា ឆ្នាំ២០២០ ដើមសប្តាហ៍ក្រោយនេះ។

    សម្តេចតេជោបានបញ្ជាក់ថា ការ​នាំយក​អំណោយជូ​នដ​ល់មិ​ត្តឡាវ​នេះ គឺដើម្បី​ឆ្លើយ​នឹង​ការ​ព្រួយបា​រម្ភ​របស់​នាយករ​ដ្ឋមន្ត្រីឡាវ ក្នុងការប្រយុទ្ធប្រឆាំងជំងឺកូវីដ-១៩ និងជាសមាណចិត្ត​ដែល​កម្ពុជា​តែង​តែ​ធ្វើកន្លង​មក ចំពោះមិត្តភក្តិក្បែរខាង។

    នៅក្នុង​ដំណើរនាំយកអំណោយម៉ាសចំនួន ២លាន និងបរិក្ខារពេទ្យសរុបចំនួន១១មុខ ជូនឯកឧត្តម ថងលុន ស៊ីសុលីត ពីសំណាក់សម្តេចពិជ័យសេនា ទៀ បាញ់ ក៏មានការអមដំណើរដោយលោកស្រី យក់ សម្បត្តិ រដ្ឋលេខាធិការ ក្រសួងសុខាភិបាលផង។

    យោងតាមសារលិខិតសម្តេចតេជោ ហ៊ុន សែន ផ្ញើជូននាយករដ្ឋមន្ត្រីឡាវ នៅរាត្រីថ្ងៃទី១៤ ខែវិច្ឆិកាមានខ្លឹមសារថា តាងនាម នៃ​រាជរដ្ឋាភិបាល នៃ​ព្រះរាជាណាចក្រកម្ពុជា សម្ដេច​សូម​ធ្វើ​ការ​បរិច្ចាគ​នូវ​ម៉ាស​ចំនួន២លាន និងសម្ភារៈវិជ្ជសាស្រ្តមួយចំនួនទៀត ដូចមានក្នុងបញ្ជីរាយនាម ជូន​ដល់រដ្ឋាភិបាល និងប្រជាជននៃសាធារណរដ្ឋប្រជាធិបតេយ្យប្រជាមានិតឡាវ។ សម្ដេចតេជោ​មាន​ជំនឿ​យ៉ាង​មុតមាំថា ក្រោមការដឹកនាំដ៏ឈ្លាសវៃរបស់ឯកឧត្តម នៃសាធារណរដ្ឋ​ប្រជាធិប​តេយ្យ​ប្រជាមានិត​ឡាវ នឹងទទួលបានជោគជ័យ ក្នុងការប្រយុទ្ធប្រឆាំងនឹងជំងឺកូវីដ១៩ ហើយ​យើង​នឹង​ងើប​ឡើង​វិញ​យ៉ាង​រឹង​មាំ​ជា​មួយ​គ្នា។

    គួរបញ្ជាក់ថា ជំនួយសម្ភារៈបរិក្ខារវេជ្ជសាស្ត្របម្រើឲ្យការប្រយុទ្ធប្រឆាំងនឹងជំងឺកូវីដ១៩ ដែលកម្ពុជាផ្តល់ជូនប្រទេសឡាវរួមមាន៖ ម៉ាស ២លាន, ម៉ាស N95 ២ម៉ឺន, វែនតាសុវត្ថិភាព ២ម៉ឺន, សម្លៀកបំពាក់សុវត្ថិភាពសម្រាប់មន្ត្រីសុខាភិបាល ២ម៉ឺនឈុត, ម៉ាស៊ីនវាស់កំដៅ ៥០០គ្រឿង, របាំងមុខ ២ម៉ឺន, ឧបករណ៍ជំនួយការដកដង្ហើម ២០, ទូរទស្សន៍តាមដានសុខភាពអ្នកជំងឺ និងសម្ភារៈបន្ទាប់បន្សំ ២០កំប្លេ, ម្សៅថ្នាំក្លរ៉ាមីនប្រភេទប៊ី ៥០០កេះ ក្នុងមួយកេះ ២៥គីឡូក្រាម, ស្បែកជើងកវែងសុវត្ថិភាព ១០០០ និងសាប៊ូលាងដៃ ២០០០។ របស់ទាំងនេះនឹងធ្វើការដឹកជញ្ជូនទៅទីក្រុងវៀងច័ន្ទ តាមយន្តហោះពិសេស នៅព្រឹកថ្ងៃទី១៦ ខែវិច្ឆិកា ឆ្នាំ២០២០៕

     

    បញ្ចេញមតិ
    អត្ថបទទាក់ទង