គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    ប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា ជួបជាមួយ​ឯកឧត្តម​នាយ​ឧត្តម​សេនីយ៍​ជាន់ខ្ពស់ មីន អោងឡាំង

    ដោយ៖ យូ វីរៈ​​ | ថ្ងៃសុក្រ ទី១ ខែកក្កដា ឆ្នាំ២០២២​ |
    ប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា ជួបជាមួយ​ឯកឧត្តម​នាយ​ឧត្តម​សេនីយ៍​ជាន់ខ្ពស់ មីន អោងឡាំង ប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា ជួបជាមួយ​ឯកឧត្តម​នាយ​ឧត្តម​សេនីយ៍​ជាន់ខ្ពស់ មីន អោងឡាំង

    ភ្នំពេញ៖ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហប្រតិបត្តិការ​អន្តរជាតិ និងជាប្រេសិតពិសេសរបស់ប្រធានអាស៊ាន ស្ដីពីមីយ៉ាន់ម៉ា អមដំណើរដោយឯកឧត្តម ឯកផាប់ ផាន់ថាវង្ស អគ្គលេខាធិការរងអាស៊ានទទួលបន្ទុកសហគមន៍សង្គម-វប្បធម៌អាស៊ាន បាន​ចូលជួបសម្តែងការគួរសមជាមួយឯកឧត្តមនាយឧត្តមសេនីយ៍ជាន់ខ្ពស់ មីន អោងឡាំង ប្រធានក្រុមប្រឹក្សារដ្ឋបាលរដ្ឋ (SAC) កាលពីរសៀលថ្ងៃទី៣០ ខែមិថុនា ឆ្នាំ២០២២  ។

    ភាគីទាំងពីរបានផ្លាស់ប្តូរយោបល់ពីការអនុវត្តកិច្ចព្រមព្រៀងជាឯកច្ឆន្នប្រាំចំណុចរបស់អាស៊ាន និងស្ថានភាពនយោបាយ និងមនុស្សធម៌នៅមីយ៉ាន់ម៉ា។

    បន្ទាប់មកនៅរសៀលថ្ងៃដដែល ប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា និងឯកឧត្តម អគ្គលេខាធិការរង​អាស៊ានទទួលបន្ទុកសហគមន៍សង្គម-វប្បធម៌អាស៊ាន ក៏បាន​ជួប​ពិភាក្សា​ការងារ​ជាមួយ​ឯកឧត្តម វ៉ុនណា ម៉ោងល្វីន និងឯកឧត្តម កូ កូ ឡាំង ប្រធាន​ក្រុមការងារ​មីយ៉ាន់ម៉ា​ទទួល​បន្ទុក​ជំនួយ​មនុស្សធម៌។​

    កិច្ចប្រជុំទាំងពីរបានផ្តោតលើប្រធានបទសំខាន់ៗជាច្រើន រួមមាន៖ (១) សារៈសំខាន់​នៃ​ការបេ្តជ្ញា​ចិត្ត​របស់ក្រុមប្រឹក្សារដ្ឋបាលរដ្ឋ (SAC) ក្នុងការជំរុញការអនុវត្ត​កិច្ច​ព្រមព្រៀង​ជា​ឯកច្ឆន្ទ​ប្រាំ​ចំណុច​របស់អាស៊ានទៅមុខបន្ថែមទៀត (២) ស្ថានការណ៍នយោបាយនៅមីយ៉ាន់ម៉ា  (៣) ការតាម​ដានលទ្ធផលនៃកិច្ចប្រជុំពិគ្រោះយោបល់ស្តីពីជំនួយមនុស្សធម៌អាស៊ានជូនមីយ៉ាន់ម៉ា នៅថ្ងៃ​ទី​០៦ ខែឧសភា ឆ្នាំ២០២២ នៅភ្នំពេញ និង (៤) វិធីសាស្រ្តដែល​ទី​ភ្នាក់ងារ​ឯកទេស​របស់​អង្គការ​សហប្រជាជាតិ និងអង្គការមិនមែនរដ្ឋាភិបាលអន្តរជាតិ អាចចូលរួមក្នុង​ការងារ​មនុស្សធម៌​ដែល​ដឹកនាំដោយមីយ៉ាន់ម៉ា ដែលក្នុងនោះរួមមានការ​វាយ​តម្លៃ​ការ​រួម​នៅ​ក្នុង​តំបន់​ដែល​ពិបាក​ទៅដល់ ផងដែរ។

    បញ្ចេញមតិ
    អត្ថបទទាក់ទង