គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

ដំណឹងរីករាយ! ក្រុមហ៊ុនមួយដាក់សំណើសាងសង់ចំណតរថយន្តធុនធំនៅជាយរាជធានីភ្នំពេញដើម្បីរួមចំណែកកាត់បន្ថយការកកស្ទះចរាចរណ៍

ដោយ៖ វណ្ណ សុផាន់ណា​​ | ថ្ងៃសៅរ៍ ទី១ ខែសីហា ឆ្នាំ២០២០​ |
ដំណឹងរីករាយ! ក្រុមហ៊ុនមួយដាក់សំណើសាងសង់ចំណតរថយន្តធុនធំនៅជាយរាជធានីភ្នំពេញដើម្បីរួមចំណែកកាត់បន្ថយការកកស្ទះចរាចរណ៍ ដំណឹងរីករាយ! ក្រុមហ៊ុនមួយដាក់សំណើសាងសង់ចំណតរថយន្តធុនធំនៅជាយរាជធានីភ្នំពេញដើម្បីរួមចំណែកកាត់បន្ថយការកកស្ទះចរាចរណ៍

នាព្រឹកថ្ងៃអង្គារ ទី៥ ខែឧសភា ឆ្នាំ២០២០ វេលាម៉ោង៩ នៅទីស្តីការក្រសួង ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានទទួលជួបជាមួយតំណាងក្រុមហ៊ុន China Good Cars Holding Ltd;. ដើម្បីពិភាក្សាលើគម្រោងស្នើសុំវិនិយោគលើវិស័យដឹកជញ្ជូនសាធារណៈក្នុងព្រះរាជាណាចក្រកម្ពុជា ដែលមានទឹកប្រាក់សរុបប្រមាណ ១៦០លាន ដុល្លារអាមេរិក។

ក្នុងជំហានដំបូង ក្រុមហ៊ុនស្នើសុំវិនិយោគសាងសង់ស្ថានីយ៍ចំណតយានយន្តធុនធំ ទំនើប នៅជាយរាជធានីភ្នំពេញ ដើម្បីរំដោះចរាចរណ៍ដ៏មមាញឹកពីចំណុចកណ្តាលរាជធានី ព្រមទាំងវិនិយោគលើគម្រោងដឹកជញ្ជូនសាធារណៈតាមរថយន្តក្រុងលើបណ្តាញផ្លូវជាតិ ដើម្បីតភ្ជាប់ទៅតំបន់ក្រៅក្រុងនិងទៅបណ្តាខេត្តនានានៅជិតៗរាជធានីភ្នំពេញ។

ឯកឧត្តមទេសរដ្ឋមន្រ្តី បានស្វាគមន៍ និងគាំទ្រគម្រោងនេះ ដោយផ្តល់អនុសាសន៍ឱ្យក្រុមហ៊ុនសហការជាមួយអគ្គនាយកដ្ឋានដឹកជញ្ជូនផ្លូវគោក សិក្សាលើលក្ខណៈបច្ចេកទេសឱ្យបានល្អិតល្អន់ និងសុំឱ្យក្រុមហ៊ុនដាក់ពាក្យស្នើសុំវិនិយោគ ទៅច្រកចេញចូលតែមួយ នៃក្រុមប្រឹក្សាអភិវឌ្ឍន៍កម្ពុជា ដើម្បីអាចទទួលបានភាពអនុគ្រោះនានា ស្របទៅតាមច្បាប់វិនិយោគនៃព្រះរាជាណាចក្រកម្ពុជា។

ក្រុមហ៊ុនបានសំដែងអំណរគុណយ៉ាងជ្រាលជ្រៅ ចំពោះការគាំទ្ររបស់ឯកឧត្តមទេសរដ្ឋមន្រ្តី ហើយសន្យានឹងបន្តការងារទៅតាមអនុសាសន៍នានារបស់ឯកឧត្តមទេសរដ្ឋមន្រ្តីផងដែរ ៕

បញ្ចេញមតិ