គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

កាំង ហ្គេកអ៊ាវ​ ហៅឌុ​ច​ អតីតមេគុក​ទួល​ស្លែង​បាន​ទទួល​មរណ​ភាព​ហើយ​

ដោយ៖ យូ វីរៈ​​ | ថ្ងៃពុធ ទី២ ខែកញ្ញា ឆ្នាំ២០២០​ |
កាំង ហ្គេកអ៊ាវ​ ហៅឌុ​ច​ អតីតមេគុក​ទួល​ស្លែង​បាន​ទទួល​មរណ​ភាព​ហើយ​ រូបភាព៖ RFI

ភ្នំពេញ៖ នៅវេលា​ម៉ោង​០០និង​៥១ ​នាទី ​ ឈាន​ចូល​ថ្ងៃ​ទី​០២ ​ ខែកញ្ញា ​ ឆ្នាំ​២០២០​ នេះ ​ មេដឹក​នាំ​ជាន់​ខ្ពស់​ខ្មែរ​ក្រហម​ទណ្ឌិត​ឈ្មោះ  ​កាំង​  ហ្កេកអ៊ាវ​  ហៅ ​ ឌុច ​ បាន​ទទួល​មរណ​ភាព​ហើយ ​ឯសាកសព​ត្រូវ​បាន​ខាងមន្ទីរ​ពេទ្យ​តម្កល់​ទុក​ក្នុង​សាល​តម្កល់​សព​។

កាំង​ហ្គេក ​អ៊ាវ​ ហៅ​ ឌុច កើត​នៅ​ថ្ងៃទី១៧ ខែវិច្ឆិកា ឆ្នាំ១៩៤២ នៅភូមិពៅវើយ ឃុំពាមបាង ស្រុកស្ទោង ខេត្តកំពង់ធំ ។ ឪពុករបស់គាត់ស្លាប់នៅ​ក្នុង ​ឆ្នាំ១៩៩០ ​និង​ម្តាយរបស់គាត់​នៅរស់​រហូត​ដល់​សព្វ​ថ្ងៃ ​។ អ្នកទាំងពី​មានកំណើត​ឈាមជ័រកាត់ចិន ។ ​ឈ្មោះនៅក្នុង​បញ្ជី​អាត្រានុកូលដ្ឋាន ​របស់ ឌុច គឺ កាំងជាវ ​។ ក្រោយ​មក​ឪពុករបស់គាត់បានប្តូរទៅជាយឹម គាវ វិញ  ព្រោះហោរាទាយថា ឈ្មោះនេះមិនមានសំណាងល្អទេ។ ឈ្មោះកាំង ជាវ មានន័យ ថា “ ស្ពឹក ចាស់គំរិល ” ឌុចនៅតែមិនពេញចិត្តនឹងឈ្មោះថ្មីនេះដដែល ។ ហេតុដូច្នេះពេលដែលគាត់មានអាយុ១៥ ឆ្នាំ គាត់បានស្នើសុំទៅឪពុករបស់គាត់ឱ្យប្តូរជាថ្មី មួយទៀតទៅ ជាកាំង ហ្គេកអ៊ាវ វិញ ។ ឆ្លៀតឱកាសនោះផងដែរឌុ ចក៏បានកែប្រែថ្ងៃ ខែ ឆ្នាំកំណើតរបស់គាត់ដោយបន្ថយអាយុបីឆ្នាំ ព្រោះអាយុពិតរបស់ គាត់ចាស់ពេកមិនអាចចុះឈ្មោះចូលរៀនបាន ។ ដូច្នេះអត្តសញ្ញាណថ្មីរបស់គាត់គឺ កាំង ហ្គេក អ៊ាវ កើត នៅ ថ្ងៃ ទី ១៥ ខែ កុម្ភៈ ឆ្នាំ ១៩៤៥ ។ នៅ របបកម្ពុជា ប្រជាធិបតេយ្យ កាំង ហ្គេកអ៊ាវ ត្រូចបានស្គាល់ ជាទូទៅថាឌុច ។ឈ្មោះនេះត្រូវបានប្រើប្រាស់រហូតដល់ពាក់កណ្តាលទសវត្សរ៍៨០  នៅពេលដែល ឈ្មោះ របស់គាត់ត្រូវប្តូរទៅជាហង់ ពិន វិញ។

ឌុច គឺកូនច្បង  និងជាកូនប្រុសទោលក្នុងចំណោមបងប្អូន ប្រាំនាក់  ។គាត់ មានទំនាក់ទំនង ល្អជាមួយ ឪពុកម្តាយរបស់គាត់ និងជាមួយបងប្អូនរបស់ គាត់  ។ គាត់ប្រាប់ថា គាត់ឧស្សាហ៍ឈឺណាស់កាលគាត់នៅពីតូច  ។ វាជាជំងឺដែលគាត់ហៅថា ជំងឺបង្កឡើងដោយភាពក្រីក្រ  និង ជំងឺនៅជនបទ  ។ គាត់ ចូលរៀនយឺត ក្រោយអាយុកំណត់គឺនៅអាយុ៩ឆ្នាំដោយសារគាត់ជាសិស្សល្អពោរពេញទៅដោយការកោតក្រែង និង សេចក្តីគោរពស្រលាញ់ដ៏ជ្រាលជ្រៅ ចំពោះ លោកគ្រូ អ្នកគ្រូ គាត់បានបញ្ចប់ការសិក្សារបស់គាត់ ជាបន្តបន្ទាប់ នៅអនុវិទ្យាល័យកំពង់ធំ នៅវិទ្យាល័យសៀមរាប និងបន្ទាប់មកនៅវិទ្យាល័យ ស៊ីសុវត្ថិ ក្រុងភ្នំពេញ ដែលជាកន្លែងគាត់ទទួលសញ្ញាប័ត្រមធ្យមសិក្សាទុតិយភូមិក្នុងឆ្នាំ១៩៦៤ ។

ឌុ ច រស់នៅក្បែរមន្ទ រស -២១ ជាមួយប្រពន្ធ និងកូនតូចៗពីរនាក់ ។ ឌុចស្ថិតនៅមន្ទីរស -២១ រហូតដល់ល្ងាច ថ្ងៃទី៧ ខែមករា ឆ្នាំ១៩៧៩ នៅពេលដែលឌុ ច ដើរចេញពីក្រុងភ្នំពេញ ហើយក៏បាត់ស្រមោលរហូតពេលថ្មីៗ នេះ ។ ក្នុងឆ្នាំ១៩៩៦ ឌុច លែង នៅក្នុងចលនាខ្មែរក្រហមទៀតហើយ ។ ឌុច បានជួបជាមួយនឹងក្រុមផ្សព្វផ្សាយសាសនាគ្រិស្តជនជាតិអាមេរិក នៅភាគពាយ័ព្យប្រទេសកម្ពុជា ហើយក៏ក្លាយខ្លួនជាប្រតិបត្តិសាសនាគ្រិស្តម្នាក់ ។ ឌុចធ្វើការ ជា រៀបចំសណ្តាប់ធ្នាប់នៅមន្ទីរពេទ្យមួយកាលពីខែ មេសា ឆ្នាំ ១៩៩៩ នៅពេលដែលអ្នកកាសែត ម្នាក់បានរកឃើញអត្តសញ្ញាណពីអតីតកាលរបស់គាត់ ។ ក្រោយមកឌុច ត្រូវបានសម្ភាសន៍ដោយកាសែតអាមេរិកាំង ណេតថា យ័រ ហើយក៏បាននិយាយចំហអំពីអតីតកាលរបស់ខ្លួនមុនពេលដែលត្រូវចាប់ខ្លួន ដោយកងកម្លាំង នរគបាលជាតិកម្ពុជា និងយកមកដាក់ពន្ធនាគារនៅទីក្រុងភ្នំពេញ ៕

បញ្ចេញមតិ
ពាក្យគន្លឹះទាក់ទង