សម្ដេចតេជោ ហ៊ុន សែន សម្រេចអនុញ្ញាតឲ្យចាក់វ៉ាក់សាំងជូនកុមារអាយុ ៣ឆ្នាំ ដល់៥ឆ្នាំ

ដោយ៖ យូ វីរៈ | ថ្ងៃព្រហស្បតិ៍ ទី១៧ ខែកុម្ភៈ ឆ្នាំ២០២២ |

408

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅយប់ថ្ងៃទី១៧ ខែកុម្ភៈ ឆ្នាំ២០២២នេះ បានចេញសារជាសំឡេងពិសេសមួយជូនជនរួមជាតិ ដោយក្នុងសារសំឡេងនោះបានបញ្ជាក់ពីការសម្រេចចិត្តចាក់វ៉ាក់សាំងបង្ការជំងឺកូវីដ១៩ ជូនកុមារអាយុចាប់ពី ៣ឆ្នាំដល់ ៥ឆ្នាំ។

នៅក្នុងសារសំឡេងនេះ សម្ដេចតេជោបានបញ្ជាក់ថាមូលហេតុនៃការសម្រេចចិត្តនេះ ដោយសារតែសង្កេតឃើញថា ចាប់ផ្ដើមពីអូមីក្រុងបានរុករាននៅក្នុងប្រទេសរបស់យើង ចំនួនកុមារអាយុក្រោម ៥ឆ្នាំ មានប្រមាណជាង ២០ភាគរយ ដែលទទួលជំងឺនេះ។ សម្ដេចបានបន្ថែមដែរថា យើងមានភាពចាំបាច់ក្នុងការការពារកុមារកុំឲ្យឆ្លងនូវមេរោគបំប្លែងថ្មី អូមីក្រុងនេះ ដូច្នេះយើងអត់មានជម្រើសណាល្អជាងការចាក់វ៉ាក់សាំងដូសមូលដ្ឋានជាដូសទី១ និងដូសទី២ សម្រាប់កុមារអាយុ ពី៣ឆ្នាំ ដល់៥ឆ្នាំនោះទេ។

បើតាមប្រសាសន៍សម្តេចតេជោ ហ៊ុន សែន បានឱ្យដឹងថា កុមារអាយុចាប់ពី៣ឆ្នាំ ដល់ ៥ឆ្នាំ មានចំនួនប្រមាណជា ៧០ម៉ឺននាក់(ចំនួនប៉ានស្មាន)។ សម្តេចតេជោ បានអំពាវនាវដល់មាតាបិតា អាណាព្យាបាល សូមនាំកូនចៅរបស់ខ្លួនទៅទទួលវ៉ាក់សាំងបង្ការជំងឺកូវីដ១៨ នៅតាមទីកន្លែងនានា ដែលបានរៀបចំការចាក់ ដោយផ្នែកសុខាភិបាល និងអាជ្ញាធរមូលដ្ឋាន។

សូមស្ដាប់ប្រសាសន៍សម្ដេចតេជោខាងក្រោមនេះ៖

អត្ថបទទាក់ទង