គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ ហ៊ុន សែន អញ្ជើញដឹកនាំគណៈប្រតិភូដល់មាតុប្រទេសដោយសុវត្ថិភាព

    ដោយ៖ យូ វីរៈ​​ | ថ្ងៃសៅរ៍ ទី២៤ ខែមេសា ឆ្នាំ២០២១​ |
    សម្ដេចតេជោ ហ៊ុន សែន អញ្ជើញដឹកនាំគណៈប្រតិភូដល់មាតុប្រទេសដោយសុវត្ថិភាព សម្ដេចតេជោ ហ៊ុន សែន អញ្ជើញដឹកនាំគណៈប្រតិភូដល់មាតុប្រទេសដោយសុវត្ថិភាព

    ភ្នំពេញ៖ នៅម៉ោងប្រមាណ៩.៥០ យប់ថ្ងៃទី២៤ ខែមេសា ឆ្នាំ២០២១ សម្តេច​អគ្គមហា​សេនា​បតី​តេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បាន​ដឹក​នាំ​គណៈ​ប្រតិភូ​រាជ​រដ្ឋាភិបាល​មក​ដល់មាតុប្រទេសវិញដោយសុវត្ថិភាពហើយ បន្ទាប់​បាន​អញ្ជើញ​ចូលរួម​កិច្ច​ប្រជុំ​ពិសេស​ក្រៅ​ផ្លូវ​ជា​មួយ​មេដឹក​នាំ​អាស៊ាន និង​ជំនួប​ទ្វេភាគី​មួយ​ចំនួន​ទៀត​ជាមួយ​បណ្ដា​មេដឹក​អាស៊ាន​។

    កិច្ចប្រជុំពិសេស​ក្រៅ​ផ្លូវជាមួយមេដឹកនាំអាស៊ាន គឺបានផ្ដល់នូវលទ្ធផលជាផ្លែផ្កា គួរ​ជាទី​កត់​សម្គាល់​សម្រាប់ប្រទេសជាសមាជិក ក្នុងការពង្រឹងនូវសន្តិភាព, ស្ថិរភាព និងវឌ្ឍនភាព​នៃ​តំបន់​ដែល​ជា​មុខ​មាត់ នៃអាស៊ានទាំងមូល។ នៅក្នុងកិច្ចប្រជុំនេះ មេដឹកនាំអាស៊ាន​បាន​នាំ​គ្នាពិ​ភាក្សា​ផ្ដោត​ទៅ​លើ​ការ​ជំរុ​ញការកសាងសហគមន៍អាស៊ាន រួមទាំងគំនិតផ្ដួចផ្ដើមនានា ដើម្បី​ឆ្លើយ​តប​នឹង​ជំងឺ​រាត​ត្បាត​កូវី​ដ១៩ និងកិច្ចប្រឹងប្រែងដើម្បីស្ដារសេដ្ឋកិច្ច-សង្គមឡើងវិញ, ទំនាក់ទំនង​អាស៊ាន​​ជាមួយដៃគូរក្រៅតំបន់ និងការវិវត្តនៃស្ថានការណ៍អន្តរជាតិ និងក្នុងតំបន់​ដែល​ជា​ផល​ប្រយោជន៍​ និងការបារម្ភរួម។

    បន្ទាប់ពីអញ្ជើញ​ដល់​អាកាសយានដ្ឋានអន្តរជាតិភ្នំពេញភ្លាម​ សម្ដេចតេជោ និងគណៈប្រតិភូ បាន​ផ្ដល់​សំណាក​ដើម្បីពិនិត្យកូវីដ-១៩ នៅអាកាសយានដ្ឋានអន្តរជាតិភ្នំពេញ រួច​នឹង​ធ្វើ​ចត្តាឡីស័ក​រយៈពេល​១៤ថ្ងៃបន្តទៀត ដើម្បីធានាសុវត្ថិភាពសុខភាព៕

    បញ្ចេញមតិ
    អត្ថបទទាក់ទង