សម្ដេចតេជោ ហ៊ុន សែន បង្ហាញរូបថតដ៏កម្រមួយសន្លឹក ក្នុងដំណាក់កាលអនុវត្តន៍នយោបាយឈ្នះ ឈ្នះ

ដោយ៖ យូ វីរៈ | ថ្ងៃអង្គារ ទី៣១ ខែឧសភា ឆ្នាំ២០២២ |

442

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅល្ងាចថ្ងៃទី៣១ ខែឧសភា ឆ្នាំ២០២២នេះ បានបង្ហាញរូបថតដ៏កម្រមួយសន្លឹក ដោយសម្ដេចតេជោបានកត់សំគាល់តាមរយៈវ៉ែនតាដែលសម្ដេចបានពាក់ថា អាចស្ថិតក្នុងចន្លោះឆ្នាំ១៩៩៤ដល់ដើមឆ្នាំ១៩៩៩ ដែលជាដំណាក់កាលនៃការអនុវត្តន៍នយោបាយ ឈ្នះ ឈ្នះ។

សម្ដេចតេជោ បានបញ្ជាក់នៅក្នុងខ្លឹមសារទាំងស្រុងតាមរយៈហ្វ៊េសប៊ុកថា “ រូបថតមួយសន្លឹកនេះខ្លួនខ្ញុំក៏មិនដែលបានឃើញដែរទើបតែថ្ងៃនេះប្រទះឃើញតាមបណ្តាញទំនាក់ទំនងសង្គម។ តាមពិនិត្យវ៉ែនតានេះពាក់ក្នុងចន្លោះឆ្នាំ ១៩៩៤ ដល់ដើមឆ្នាំ១៩៩៩ ដែលជាដំណាក់កាលអនុវត្តន៍នយោបាយ ឈ្នះ ឈ្នះ។ ពេលនោះដេក ដើរ ឈរ អង្គុយ នឹកគិតចង់បានសន្តិភាព ដើម្បីមានឱកាស កសាងប្រទេស។ ទឹកមុខខ្ញុំនោះកំពុងគិតទៅឆ្ងាយដែលមិនមានអ្នកណាអាចស្មានត្រូវនោះឡើយ។ ពេលនេះសន្តិភាពមានហើយត្រូវរួមគ្នាការពារកុំឱយបាត់បង់ទៅវិញ។ សូមកុំឱយក្មេងជំនាន់ក្រោយមានរឿងអកុសលដូចខ្លួនខ្ញុំនិងអ្នកជំនាន់មុនដែលប្រទេសមានសង្គ្រាមទើបខិតខំរកសន្តិភាព។កុំចាំមានសង្គ្រាមទើបស្រែកថាស្រឡាញ់សន្តិភាពគឺវាហួសពេលស្រោចស្រង់ដូចនៅអ៊ុយក្រែនអីចឹង៕”