គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

សម្ដេចតេជោ ហ៊ុន​ សែន​​ ថ្លែងថា​ ការប្រែប្រួលអាកាសធាតុ​ជាបញ្ហាគួរឲ្យបារម្ភ​ដែលជះឥទ្ធិពលអវិជ្ជមាន​ធ្ងន់ធ្ងរ លើ​សង្គមសេដ្ឋកិច្ច​ សន្និសុខតំបន់ និងពិភពលោក​

ដោយ៖ យូ វីរៈ​​ | ថ្ងៃពុធ ទី៧ ខែតុលា ឆ្នាំ២០២០​ |
សម្ដេចតេជោ ហ៊ុន​ សែន​​ ថ្លែងថា​ ការប្រែប្រួលអាកាសធាតុ​ជាបញ្ហាគួរឲ្យបារម្ភ​ដែលជះឥទ្ធិពលអវិជ្ជមាន​ធ្ងន់ធ្ងរ លើ​សង្គមសេដ្ឋកិច្ច​ សន្និសុខតំបន់ និងពិភពលោក​ សម្ដេចតេជោ ហ៊ុន​ សែន​​ ថ្លែងថា​ ការប្រែប្រួលអាកាសធាតុ​ជាបញ្ហាគួរឲ្យបារម្ភ​ដែលជះឥទ្ធិពលអវិជ្ជមាន​ធ្ងន់ធ្ងរ លើ​សង្គមសេដ្ឋកិច្ច​ សន្និសុខតំបន់ និងពិភពលោក​

ភ្នំពេញ៖ សម្ដេចតេជោ ហ៊ុន​ សែន​ នាយករដ្ឋមន្ត្រី នៃកម្ពុជា​ បាន​ថ្លែងថា​ ការ​ប្រែប្រួល​អាកាស​ធាតុ​​ជាបញ្ហាដែលគួរឲ្យបារម្ភមួយទៀត​ ក្រៅពីកូវីដ១៩​ ដែលអាច​ជាផលពិបាក​ និង​ជះឥទ្ធិពល​អវិជ្ជមាន​​ធ្ងន់ធ្ងរ លើ​សង្គមសេដ្ឋកិច្ច​ សន្និសុខតំបន់ និងពិភពលោក​។

សម្តេចតេជោបានថ្លែងបែបនេះ ក្នុងព្រឹត្តិការណ៍ថ្នាក់ដឹកនាំ នៃ​វេទិកា​ភាព​ងាយ​រង​គ្រោះបណ្តាល​មក​ពីអាកាស​ធាតុ (CVF) ដែលធ្វើឡើងតាមប្រព័ន្ធវីដេអូ នាយប់ថ្ងៃទី០៧ ខែតុលា ឆ្នាំ២០២០​នេះ​។

សម្តេចតេជោ ហ៊ុន សែន បានចាត់ទុកថា ការប្រែប្រួលអាកាសធាតុ ជា​បញ្ហា​ដ៏​គួរ​ឱ្យ​បារម្ភ​មួយ​ទៀត ​ដែល​នឹង​បង្ក​ផលវិបាក និងជះឥទ្ធិពល​អវិជ្ជមាន​ធ្ងន់ធ្ងរ​ពិបាក​នឹង​ប៉ាន់​ប្រមាណ​បាន​ទៅ​លើស​ង្គម សេដ្ឋកិច្ច និងសន្តិសុខ ក្នុងតំបន់ និង​ពិភព​លោក។ ក្នុង​រយៈ​ពេល​ប៉ុន្មាន​ឆ្នាំ​ចុង​ក្រោយ​នេះ​ គ្រោះម​ហន្តរាយ​ដែល​បាន​កើតឡើង​ជាបន្តបន្ទាប់ជុំវិញពិភពលោក មានសភាពធ្ងន់ធ្ងរ និងប្រពលភាព ​កាន់តែញឹកញាប់​លើ​ស​ពី​អ្វីដែល​យើង​ធ្លាប់​បាន​ជួបប្រទះកន្លងមក។

សម្តេចបានថ្លែងទៀតថា ក្នុងបរិបទបច្ចុប្បន្ននេះ ការជំរុញទៅមុខ និង​ការប្រកាន់​ខ្ជាប់​ទៅ​នឹង​ក្របខ័ណ្ឌ​តំបន់​និយម និងពហុភាគីនិយម គឺជា​គោលការណ៍​ដ៏សំខាន់​សម្រាប់​ដោះស្រាយ​បញ្ហា​ប្រឈម ​ដែល​កំពុង​កើត​មាន​ឡើង​ក្នុងគ្រប់វិស័យ ជាពិសេស​បញ្ហា​ដែល​កើត​ចេញ​ពី​ការ​ប្រែប្រួល​អាកាស​ធាតុ​ ។

សម្តេចបានថ្លែងបន្ថែមទៀតថា ទោះបីជាធនធាន និងសមត្ថភាពកម្ពុជានៅមានកម្រិតក៏ដោយ តែកម្ពុជាមានការតាំងចិត្ត និងឆន្ទៈនយោបាយខ្ពស់ក្នុងការរួមចំណែក ដល់កិច្ចប្រឹងប្រែងសកល ដើម្បីដោះស្រាយការប្រែប្រួលអាកាសធាតុ ផ្អែកតាមគោលការណ៍គន្លឹះរបស់អនុសញ្ញាក្របខ័ណ្ឌ អង្គការសហប្រជាជាតិ ស្ដីពីការប្រែប្រួលអាកាសធាតុ ជាពិសេស​គោលការណ៍​ស្ដីពីការ​ទទួល​ខុស​ត្រូវ​រួមគ្នា ប៉ុន្តែមា​នកាតព្វកិច្ចផ្សេង​គ្នា ផ្អែក​តាម​សមត្ថភាព​រៀង​ៗ​ខ្លួន​៕

 

បញ្ចេញមតិ
ពាក្យគន្លឹះទាក់ទង
អត្ថបទទាក់ទង