គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ ហ៊ុន​ សែន​ ផ្ញើលិខិត​ថ្លែងអំណរគុណ​ នាយកវិទ្យាស្ថានប៉ាស្ទ័រកម្ពុជា​ ដែលជួយ​ធ្វើតេស្ត​រកកូវីដ១៩​

    ដោយ៖ យូ វីរៈ​​ | ថ្ងៃព្រហស្បតិ៍ ទី១៩ ខែវិច្ឆិកា ឆ្នាំ២០២០​ |
    សម្ដេចតេជោ ហ៊ុន​ សែន​ ផ្ញើលិខិត​ថ្លែងអំណរគុណ​ នាយកវិទ្យាស្ថានប៉ាស្ទ័រកម្ពុជា​ ដែលជួយ​ធ្វើតេស្ត​រកកូវីដ១៩​ សម្ដេចតេជោ ហ៊ុន​ សែន​ ផ្ញើលិខិត​ថ្លែងអំណរគុណ​ នាយកវិទ្យាស្ថានប៉ាស្ទ័រកម្ពុជា​ ដែលជួយ​ធ្វើតេស្ត​រកកូវីដ១៩​

    ភ្នំពេញ​៖ សម្ដេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី នៃព្រះរាជាណាចក្រម្ពុជា​ នៅ​ថ្ងៃទី​១៩​ ខែវិច្ឆិកា​ ឆ្នាំ​២០២០នេះ​ បាន​សរសេរលិខិត​មួយច្បាប់​ផ្ញើថ្លែងអំណរគុណ​ដល់​លោកស្រី វេជ្ជបណ្ឌិត​ឡូរ៉ង់ បារីល នាយកវិទ្យាស្ថានប៉ាស្ទ័រកម្ពុជា​ និង​ក្រុមការងាររបស់លោកស្រី ដែលបាន​ជួយ​ធ្វើតេស្ត​រកកូវីដ១៩​ ក្នុងព្រឹត្តិការណ៍ ៣វិច្ឆិកា ដោយសហការយ៉ាងជិត​ស្និទ្ធ​ជាមួយក្រសួងសុខាភិបាល​។

    សម្ដេចតេជោ​មាន​ប្រសាសន៍ថា​ កាយវិការនេះ ពិតជា​បង្ហាញ​យ៉ាងច្បាស់​នូវ​ការ​ប្ដេជ្ញាចិត្ត​យ៉ាងខ្លាំង​ក្លា​របស់​លោកស្រីវេជ្ជបណ្ឌិត​ ក្នុង​ការ​ធ្វើ​ការ​ជាមួយ​រាជរដ្ឋាភិបាល​កម្ពុជា​ ដើម្បី​យកឈ្នះ​វិបត្តិ​សកល​ដែលពុំ​ធ្លាប់មាន​ពីមុនមក​។

    សម្ដេចតេជោ​បន្ត​ថា​ ទោះបីជាករណី​កូវីដ​១៩​ កំពុង​កើនឡើង​យ៉ាង​ឆាប់រហ័ស​នៅទូទាំងតំបន់​ និង​ពិភពលោក​ក៏ដោយ សម្ដេច​ជឿជាក់​ថា​ ដោយមាន​ការ​គាំទ្រ​យ៉ាង​ខ្លាំង​ពីវិទ្យាស្ថាន​ប៉ាស្ទ័រ​កម្ពុជា នៅក្រោម​ការ​ដឹកនាំ​ដ៏ឆ្លៀស​វៃ​របស់​លោក​​ស្រីវេជ្ជបណ្ឌិត​ ប្រទេស​កម្ពុជា​នឹង​អាច​ឆ្លង​ផុត​ពីការ​គំរាម​កំហែង​រួម​ជាសកលនេះ។

    តាមនាយ​ឲ្យរាជរដ្ឋាភិបាល​កម្ពុជា​ សម្ដេចតេជោ​បានសំដែង​នូវ​អំណរគុណ​យ៉ាងស្មោះ​ជូន​ចំពោះ​លោក​ស្រីវេជ្ជបណ្ឌិត​ ​ឡូរ៉ង់ បារីល និងក្រុម​ការងារនៃ​វិទ្យាស្ថាន​ ប៉ាស្ទ័រ​កម្ពុជា​ សម្រាប់កិច្ច​ខិតខំ​ប្រឹង​ប្រែង​មិន​ខ្លាចនឿយ​ហត់​ និង​ការគាំទ្រ​ឥតប្រែប្រួល​ផ្ដល់​ជូន​អាជ្ញាធរ​កម្ពុជា​ពាក់​ព័ន្ធ​ ក្នុង​ការ​ប្រយុទ្ធ​នឹង​ជំងឺ​រាតត្បាត​សកលនេះ ដើម្បីសុខមាលភាព​របស់​ប្រជាជន​កម្ពុជាទាំងមូល៕

     

     

    បញ្ចេញមតិ
    ពាក្យគន្លឹះទាក់ទង
    អត្ថបទទាក់ទង