គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​ បញ្ជាឲ្យចាត់វិធានការតាមច្បាប់​លើអធិការស្រុកកំរៀង​ ករណីដោះ​លែង​មេ​ខ្យល់​នាំមនុស្សឆ្លងដែនខុសច្បាប់ពីប្រទេសថៃ

    ដោយ៖ យូ វីរៈ​​ | ថ្ងៃចន្ទ ទី១៥ ខែកុម្ភៈ ឆ្នាំ២០២១​ |
    សម្ដេចតេជោ​ ហ៊ុន​ សែន​ បញ្ជាឲ្យចាត់វិធានការតាមច្បាប់​លើអធិការស្រុកកំរៀង​ ករណីដោះ​លែង​មេ​ខ្យល់​នាំមនុស្សឆ្លងដែនខុសច្បាប់ពីប្រទេសថៃ សម្ដេចតេជោ​ ហ៊ុន​ សែន​ បញ្ជាឲ្យចាត់វិធានការតាមច្បាប់​លើអធិការស្រុកកំរៀង​ ករណីដោះ​លែង​មេ​ខ្យល់​នាំមនុស្សឆ្លងដែនខុសច្បាប់ពីប្រទេសថៃ

    ភ្នំពេញ​៖ នៅរសៀលថ្ងៃទី​១៥​ ខែកុម្ភៈ ឆ្នាំ​២០២១ សម្ដេចតេជោ​ ហ៊ុន​ សែន​ នាយករដ្ឋមន្ត្រី នៃកម្ពុជា​ ចេញបទបញ្ជាឲ្យបកស័ក្តិ និងបណ្តេញវរសេនីយ៍ ឯក គឹម ពន្លក អធិការស្រុកកំរៀង ខេត្តបាត់ដំបង ចេញពីក្របខណ្ឌមន្រ្តីនគរបាលជាតិភ្លាម ក្រោយក្រុមស្រាវជ្រាវរកឃើញថា អធិការស្រុករូបនេះពិតជាបានដោះលែងមេខ្យល់នាំមនុស្ស ឆ្លងដែន ខុសច្បាប់ ពីប្រទេសថៃ ចូលទឹកដីកម្ពុជា។

    សម្តេចតេជោ ហ៊ុន សែន បានថ្លែងបញ្ជាក់ថា ក្រៅពីបកស័ក្តិ និងបណ្តេញចេញពីក្របខណ្ឌ បានបញ្ជាឲ្យអភិបាលខេត្ត និងអគ្គស្នងការនគរបាលជាតិ ត្រូវបន្ត​ចាត់​ការ​អនុវត្ត​តាម​ផ្លូវ​ច្បាប់​ទៀត ដើម្បីផ្តន្ទាទោសជនពុករលួយរូបនេះ ដាក់ពន្ធនាគារឲ្យខានតែបាន ដើម្បី​ជាការ​ព្រមាន​ដល់​ជន​ទាំង​ឡាយផ្សេងទៀត កុំឲ្យប្រព្រឹត្តទង្វើបែបនេះ

    លោក គឹម ពន្លក បានទទួលស្គាល់ថា ខ្លួនពិតជាបានទទួលមុខសញ្ញាមេខ្យល់នាំមនុស្ស ឆ្លង​ដែន​ខុស​ច្បាប់ពីកម្លាំងវរៈការពារព្រំដែន-៨១៩ ករណីទីមួយគឺមុខសញ្ញាផ្តល់ជំរកស្នាក់នៅដល់ពលករ ដើម្បីត្រៀម​ឆ្លង​ដែនខុសច្បាប់ពីកម្ពុជាទៅថៃ និងករណីទីពីរគឺមុខសញ្ញាពា​ក់​ព័ន្ធ​នាំ​ពលករ​ឆ្លង​ដែន​ខុស​ច្បាប់ពីថៃចូលកម្ពុជា គេចពីការធ្វើចត្តាឡីស័ក ប្រាកដមែន។

    សូមជំរាបថា នៅព្រឹកថ្ងៃទី១៥ ខែកុម្ភៈ ឆ្នាំ២០២១នេះ ស្នងការដ្ឋាននគរបាលខេត្តបាត់ដំបង បានចេញសេចក្តីសម្រេចផ្អាកការងារបណ្តោះអាសន្នចំពោះ លោកវរសេនីយ៍ឯក គឹម ពន្លក អធិការនគរបាលស្រុកកំរៀង៕ ប្រភព៖ FreshNews

    បញ្ចេញមតិ
    អត្ថបទទាក់ទង