គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

    សម្ដេចតេជោ​ ហ៊ុន​ សែន​៖ គម្រោង​ចាក់វ៉ាក់សាំងនៅថ្ងៃទី១០កុម្ភៈ នឹង​ត្រូវលប់​ចោល

    ដោយ៖ យូ វីរៈ​​ | ថ្ងៃសុក្រ ទី៥ ខែកុម្ភៈ ឆ្នាំ២០២១​ |
    សម្ដេចតេជោ​ ហ៊ុន​ សែន​៖ គម្រោង​ចាក់វ៉ាក់សាំងនៅថ្ងៃទី១០កុម្ភៈ នឹង​ត្រូវលប់​ចោល សម្ដេចតេជោ​ ហ៊ុន​ សែន​៖ គម្រោង​ចាក់វ៉ាក់សាំងនៅថ្ងៃទី១០កុម្ភៈ នឹង​ត្រូវលប់​ចោល

    ភ្នំពេញ​៖ តាមរយៈហ្វេសប៊ុក​ផ្លូវការ​នៅល្ងាចថ្ងៃទី​០៥​ ខែកុម្ភៈ ឆ្នាំ២០២១​ សម្ដេចតេជោ​ ហ៊ុន​ សែន​ នាយករដ្ឋម​ន្ត្រីនៃកម្ពុជា បាន​បញ្ជាក់ថា​ គម្រោង​ដែលសម្ដេ​ចគ្រោងចាក់​វ៉ាក់សាំង​នៅ​ថ្ងៃ​ទី​១០​កុម្ភៈ នឹង​ត្រូវលុបចោល ព្រោះប្រភេទវ៉ាក់សាំង Sinopharm ចាក់បាន​តែមនុស្សមានអាយុពី១៨ឆ្នាំ ដល់៥៨ឆ្នាំប៉ុណ្ណោះ។​

    សម្ដេចតេជោ ហ៊ុន សែន​ បានសរសេរថា «ជនរួមជាតិជាទីគោរពស្រឡាញ់! ខ្ញុំទើបបាន​ទទួលព័ត៌មានតាមរយៈក្រសួងសុខាភិបាលដែលបានទទួលលិខិត​ផ្លូវការពី​ការិយាល័យ នៃ​ទីប្រឹក្សា​សេដ្ឋកិច្ច​ និង​ពាណិជ្ជកម្មប្រចាំស្ថានទូត នៃសាធារណរដ្ឋប្រជាមានិត​ចិន​ប្រចាំ​ព្រះរា​ជា​ណាច​ក្រកម្ពុជា​ដែល​បញ្ជាក់ថាវ៉ាក់សាំងឈ្មោះ ស៊ីណូហ្វាម​ (Sinopharm) ចាក់បានតែមនុស្សមានអាយុពី ១៨ឆ្នាំ ទៅ ៥៩ឆ្នាំ តែប៉ុណ្ណោះ​​។ សម្រាប់ខ្ញុំ​ដែល​មាន​អាយុ​ជាង​៦៨​ឆ្នាំ​ទៅ​ហើយ​មិន​ទាន់​អាច​ចាក់​បាន​ទេ​។​ ដូចនេះ​គម្រោង​ចាក់វ៉ាក់​សាំង​ដែល​គ្រោង​ចាក់​នៅ​ថ្ងៃ​ទី​១០​កុម្ភៈ​២០២១​នៅ​មន្ទីរពេទ្យកាល់​ម៉ែត្រនឹង​ត្រូវ​លុបចោល​អាស្រ័យ​ដោយ​ទាំង​ខ្ញុំ​ទាំង​មន្ត្រី​ជាន់​ខ្ពស់​ផ្សេង​ទៀត​ភាគ​ច្រើន​មាន​អាយុ​លើស​ពី​៦០​ឆ្នាំ​ទៅ​ហើយ​មិន​អាច​ចាក់​បាន​ទេ​។»

    បើទោះជាយ៉ាងនេះក្ដីសម្ដេចតេជោ ហ៊ុន​ សែន​ បាន​បញ្ជាក់ដែរថា​ សម្រាប់​កម្ម​វិធី​ចេញ​ទៅ​ទទួល​ជំនួយ​វ៉ាក់​សាំង​នៅ​ព្រលាន​យន្ត​ហោះ​នា​ល្ងាច​ថ្ងៃ​ទី​៧​កុម្ភៈ​នៅ​រក្សា​ទុក​ដដែល​៕

     

    បញ្ចេញមតិ
    អត្ថបទទាក់ទង