ក្រសួងការងារ ប្រកាសផ្ដល់ប្រាក់ឧបត្ថម្ភលើកទី៦៥  ជូនបងប្អូនកម្មករនិយោជិត ក្នុងវិស័យកាត់ដេរ និងវិស័យទេសចរណ៍

ក្រសួងការងារ ប្រកាសផ្ដល់ប្រាក់ឧបត្ថម្ភលើកទី៦៥  ជូនបងប្អូនកម្មករនិយោជិត ក្នុងវិស័យកាត់ដេរ និងវិស័យទេសចរណ៍

ភ្នំពេញ​៖ ក្រសួងការងារ និងបណ្តុះបណ្តាលវិជ្ជាជីវៈ បានប្រកាសបើកផ្ដល់ប្រាក់ឧបត្ថម្ភ (លើកទី៦៥)  ជូនបងប្អូនកម្មករនិយោជិតសរុបចំនួន ១ ៤៩៧ នាក់ នៅរោងចក្រ សហគ្រាស ចំនួន ២៤ ក្នុងវិស័យកាត់ដេរ និងវិស័យទេសចរណ៍ ដែលត្រូវបានព្យួរកិច្ចសន្យាការងារ ស្របតាមស្មារតីនៃកញ្ចប់វិធានការ របស់រាជរដ្ឋាភិបាល។ នេះបើយោងតាមសេចក្ដីជូនដំណឹងរបស់ក្រសួងការងារ និងបណ្ដុះបណ្ដាលវិជ្ជាជីវៈ ចេញផ្សាយនៅថ្ងៃទី០៤ ខែសីហា ឆ្នាំ២០២១នេះ។

ប្រាក់ឧបត្ថម្ភនេះនឹងត្រូវបើកផ្ដល់ជាប្រាក់រៀល និងអាស្រ័យលើចំនួនថ្ងៃនៃការ​ព្យួរកិច្ចសន្យាការងារ ក្នុងនោះចំនួន​៖

• ៦០ ៧៥០រៀល (១៥ដុល្លារអាមេរិក) សម្រាប់ការព្យួរកិច្ចសន្យាការងាររយៈ​ពេល ៧ថ្ងៃដល់ ១០ថ្ងៃ
• ១២១ ៥០០រៀល (៣០ដុល្លារអាមេរិក) សម្រាប់ការព្យួរកិច្ចសន្យាការងាររយៈ​ពេល ១១ថ្ងៃដល់ ២០ថ្ងៃ
• ១៦២ ០០០រៀល (៤០ដុល្លារអាមេរិក) សម្រាប់ការព្យួរកិច្ចសន្យាការងាររយៈ​ពេល ២១ថ្ងៃដល់ ១ខែ

សូមបញ្ជាក់ថា សម្រាប់បងប្អូន​ដែលព្យួរកិច្ចសន្យាការងាររយៈពេល ២ខែ ប្រាក់ឧបត្ថម្ភនឹ​ងត្រូវ​បើកជា ២លើក ដោយលើកទី២ នឹង​បើក​នៅថ្ងៃទី​២៥ ខែសីហា ឆ្នាំ២០២១។