វីដេអូភាពយន្តឯកសារប្រវត្តិសាស្ត្រ «កម្ពុជា៖ បន្ទាត់ឆ្នាំ១៩៩៨» សម្ពោធជាផ្លូវការ

ដោយ៖ យូ វីរៈ | ថ្ងៃសៅរ៍ ទី៧ ខែវិច្ឆិកា ឆ្នាំ២០២០ |

355

ភ្នំពេញ៖ ភាពយន្តឯកសារប្រវត្តិសាស្ត្រ «កម្ពុជា៖ បន្ទាត់ឆ្នាំ១៩៩៨» បានធ្វើរៀបរាប់នូវស្ថានភាពជាក់ស្ដែងពីសង្គមកម្ពុជាពីមួយដំណាក់កាលទៅមួយដំណាក់កាល ដោយបានយកឆ្នាំ១៩៩៨ ធ្វើជាបន្ទាត់នៃការប្រៀបធៀបវឌ្ឍភាពសង្គម។ ភាពយន្តឯកសារប្រវត្តិសាស្ត្រនេះ មានគុណតម្លៃសម្រាប់ប្រជាជនកម្ពុជាគ្រាប់ជំនាន់ ដើម្បីស្វែងយល់ពីតម្លៃនៃសុខសន្តិភាព និងជាមេរៀនដែលបានបង្ហាញពីការដឹកនាំប្រទេសប្រកបដោយសមត្ថភាពក្នុងភាពជាខ្មែរ និងប្រកបដោយធម៌។

ភាពយន្តឯកសារប្រវត្តិសាស្រ្តនេះ គឺជាគម្រោងផ្តួចផ្តើមឡើងដោយ មូលនិធិម៉ានី (The Many Foundation) ដោយមានការសហការជាមួយ សហភាពសហព័ន្ធយុវជនកម្ពុជា និងអគ្គនាយកដ្ឋានវិទ្យុ និងទូរទស្សន៍បាយ័ន ។

ឥស្សរជនជាន់ខ្ពស់សំខាន់ៗមួយចំនួនត្រូវរំលេចឡើងក្នុងភាពយន្តឯកសារប្រវត្តិសាស្ត្រនេះ ក្នុងនោះរួមមាន៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ, ឯកឧត្ដម ឧបនាយករដ្ឋមន្ដ្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ, ឯកឧត្ដម ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ, និងឯកឧត្ដម ឧបនាយករដ្ឋមន្ត្រីបណ្ឌិត ថោង ខុន រដ្ឋមន្ត្រីក្រសួងទេសចរណ៍៕

អត្ថបទទាក់ទង