ព័ត៌មានថ្មី!! រកឃើញករណីវិជ្ជមានវីរុសកូវីដ១៩ ៣នាក់ទៀត លើអ្នកដែលបានប៉ះពាល់ជាមួយរដ្ឋមន្ត្រីការបរទេសហុងគ្រី
ព័ត៌មានថ្មី!! រកឃើញករណីវិជ្ជមានវីរុសកូវីដ១៩ ៣នាក់ទៀត លើអ្នកដែលបានប៉ះពាល់ជាមួយរដ្ឋមន្ត្រីការបរទេសហុងគ្រី
ភ្នំពេញ៖ ក្រោយពីបានធ្វើតេស្តជាលើកទី២ នៅថ្ងៃទី៩ ខែវិច្ឆិកា ឆ្នាំ២០២០នេះ ក្រសួងសុខាភិបាលបានប្រកាសរកឃើញករណីវិជ្ជមានវីរុសកូវីដ១៩ ៣នាក់ទៀត ដែលអ្នកទាំងបីសុទ្ធបានប៉ះពាល់ជាមួយរដ្ឋមន្ត្រីការបរទេសហុងគ្រី។
ករណីវិជ្ជមានវីរុសកូវីដ១៩ ៣នាក់នោះ រួមមាន៖ ទី១) ឯកឧត្ដម សួស យ៉ារ៉ា តំណាងរាស្ដ្រ និងជាអ្នកនាំពាក្យគណបក្សប្រជាជនកម្ពុជា, ទី២) លោក សរ ចិត្រា អគ្គលេខាធិការរង ក្រសួងកសិកម្ម រុក្ខាប្រមាញ់ និងនេសាទ និងទី៣) ឯកអគ្គរដ្ឋទូតហុងគ្រី ប្រចាំកម្ពុជា
បច្ចុប្បន្ន អ្នកជំងឺខាងលើត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។
ក្រសួងសុខាភិបាល បានឲ្យដឹងថា ករណីសរុបដែលបានរកឃើញអ្នកមានវីរុសកូវីដ១៩ ក្នុងព្រឹត្តិការណ៍ ៣វិច្ឆិកា (ដំណើរទស្សនកិច្ចរបស់រដ្ឋមន្ត្រីការបរទេសហុងគ្រី) គិតត្រឹមម៉ោង៥ល្ងាច ថ្ងៃទី០៩ ខែវិច្ឆិកា ឆ្នាំ២០២០នេះ មានចំនួន០៤នាក់៕
![សម្ដេចតេជោ ហ៊ុន សែន ត្រូវបានទទួលការស្វាគមន៍យ៉ាងកក់ក្តៅបំផុតពីថ្នាក់ដឹកនាំសហភាពអឺរ៉ុប [VIDEO IN SIDE]](https://vopcambodia.com/wp-content/uploads/2022/12/vop1-2.jpg)
