អតីតប្រធានាធិបតីអាមេរិក និងលោក Joe Biden សន្យាថានឹងចាក់វ៉ាក់សាំងបង្ការជំងឺCOVID-19 ជាសាធារណៈ

ដោយ៖ យូ វីរៈ | ថ្ងៃសុក្រ ទី៤ ខែធ្នូ ឆ្នាំ២០២០ |

372

វ៉ាស៊ីនតោន៖ អតីតប្រធានាធិបតីអាមេរិក លោក Barack Obama, លោក George W Bush និងលោក Bill Clinton ក៏ដូចជាប្រធានាធិបតីជាប់ឆ្នោត គឺលោក Joe Biden បានស្ម័គ្រចិត្តទទួលយកវ៉ាក់សាំងបង្ការមេរោគវីរុស COVID-19 នៅមុខកាមេរ៉ា ប្រសិនបើវានឹងជួយលើកកម្ពស់ទំនុកចិត្តដល់សាធារណជនទូទៅ។

នៅក្នុងបទសម្ភាសន៍ជាមួយវិទ្យុ SiriusXM លោក Obama បាននិយាយថា លោកនឹងត្រូវទទួលការវ៉ាកសាំងនោះ ប្រសិនបើអ្នកជំនាញជាន់ខ្ពស់ផ្នែកជំងឺឆ្លងរបស់អាមេរិកលោក Anthony Fauci បញ្ជាក់ពីសញ្ញាសុវត្ថិភាពក្នុងការប្រើវ៉ាក់សាំង COVID-19នោះ ។

លោក Obama បានបន្ថែមថា“ ប្រសិនបើ Anthony Fauci ប្រាប់ខ្ញុំថាវ៉ាក់សាំងនេះមានសុវត្ថិភាពហើយហើយអាចចាក់បង្ការបាន ខ្ញុំនឹងចាក់វ៉ាក់សាំងនេះ។ លោកមានប្រសាសន៍ថា“ ខ្ញុំសន្យាជាមួយអ្នកថានៅពេលដែលវាត្រូវបានបង្កើតឡើងសម្រាប់មនុស្សដែលមានហានិភ័យតិចខ្ញុំនឹងទទួលយកវា” ។ លោក បន្ថែមថា លោកនឹងចាក់វ៉ាក់សាំងក្នុងកម្មវិធីផ្សាយផ្ទាល់តាមទូរទស្សន៍ ឬ ថតជាវីដេអូ ដូច្នេះមនុស្សនឹងដឹងថាលោកជឿជាក់លើវិទ្យាសាស្ត្រនេះ និងអ្វីដែលលោកមិនជឿថានោះគឺជាការចាក់ចម្លងជំងឺ COVID”។

ក្រោយមកទៀតនៅថ្ងៃដដែលនោះ លោក Biden បានប្រាប់ទូរទស្សន៍ CNNនៅក្នុងបទសម្ភាសន៍ មួយថា លោក ក៏នឹងព្រមចាក់វ៉ាក់សាំងជាសាធារណៈដែរ បន្ទាប់ពីការអនុម័តរបស់រដ្ឋាភិបាលលើវ៉ាក់សាំងនោះ ជាពិសេស លោកនិយាយថា លោកនឹងពឹងផ្អែកលើ លោក Anthony Fauci ដើម្បីនិយាយថា វ៉ាក់សាំងនោះមានសុវត្ថិភាពពិតមែន៕