គេហទំព័រនេះនឹងដំណើរការកាន់តែប្រសើរប្រសិនបើអ្នកដាក់អោយដំណើរការ JavaScript
សំឡេងសន្តិភាព

ព្រះមហាក្សត្រ ចេញព្រះរាជក្រឹត្យ​ផ្ដល់​នីតិសម្បទា​ធ្វើនយោបា​យ​ដល់លោក​ សុន ឆ័យ និង​អតីត​ថ្នាក់ដឹកនាំ​គណបក្ស​សង្គ្រោះជាតិ ២រូបទៀត​

ដោយ៖ យូ វីរៈ​​ | ថ្ងៃព្រហស្បតិ៍ ទី៣ ខែកញ្ញា ឆ្នាំ២០២០​ |
ព្រះមហាក្សត្រ ចេញព្រះរាជក្រឹត្យ​ផ្ដល់​នីតិសម្បទា​ធ្វើនយោបា​យ​ដល់លោក​ សុន ឆ័យ និង​អតីត​ថ្នាក់ដឹកនាំ​គណបក្ស​សង្គ្រោះជាតិ ២រូបទៀត​ ព្រះមហាក្សត្រ ចេញព្រះរាជក្រឹត្យ​ផ្ដល់​នីតិសម្បទា​ធ្វើនយោបា​យ​ដល់លោក​ សុន ឆ័យ និង​អតីត​ថ្នាក់ដឹកនាំ​គណបក្ស​សង្គ្រោះជាតិ ២រូបទៀត​

 ភ្នំពេញ៖ យោងតាម​ព្រះរាជ​ក្រឹត្យ​ដែលបាន​ធ្វើ​ឡើង​នៅ​ថ្ងៃ​ទី០៣ ​ខែ​កញ្ញា ​ឆ្នាំ​២០២០​នេះ លោក សុន ឆ័យ និង​អតីតថ្នាក់​ដឹកនាំ​អតីត​គណបក្ស​សង្គ្រោះជាតិ​២រូប​ទៀត​ ត្រូវបាន​ព្រះ​ករុណា ​ព្រះបាទ ​សម្តេ​ច​ព្រះ ​បរមនាថ ​នរោត្តម​ សីហមុនី ​ព្រះមហាក្ស​ត្រនៃ​កម្ពុជា​ ​ចេញ​ព្រះរា​ជ​ក្រឹត្យ​​ផ្តល់​នីតិ​សម្បទា​ធ្វើ​នយោបាយ បន្ទាប់​ពីមាន​សំណើទូល​ថ្វាយ​របស់ ​សម្តេច​តេជោ ​ហ៊ុន សែន នាយករដ្ឋ​មន្រ្តី​នៃ​កម្ពុជា​​ ​។

  សូមរម្លឹកថា លោក សុន ឆ័យ រួម​ទាំង​អតីត​ថ្នាក់​ដឹក​នាំ​នៃ​អតីត​គណប​ក្ស​សង្រ្គោះជាតិ​សរុប​១១៨​នាក់ ត្រូវ​បាន​តុលាការ​កំពូល​ចេញ​សាល​ដីកា​ សម្រេច​ផ្អាក​មិន​ឱ្យ​ធ្វើ​សកម្ម​ភាព​នយោបាយ​រយៈ​ពេល​៥​ឆ្នាំ ​កាល​ពីថ្ងៃ​ទី១​៦​ ខែ​វិច្ឆិកា​ ឆ្នាំ​២០១៧​ បន្ទាប់​ពី​កាត់​ទោស​ រំ​លាយ​គណប​ក្សសង្រ្គោះ​ជាតិ​ ដែលជា​ប់​ពាក់​ព័ន្ធ​នឹង​អំពើ​ឃុប​ឃិត​ជាមួ​យប​រទេ​ស ដើម្បី​ផ្តួល​រំលំ​រាជ​រដ្ឋា​ភិបាល​ស្រប​ច្បាប់​ ដែល​កើត​ចេញពី​ការ​បោះឆ្នោ​ត​។

  សូមបញ្ជាក់ថា ច្បាប់​ស្តីពី​វិសោធ​នកម្មមា​ត្រា ៤៥ថ្មី ​(ស្ទួន​) ​នៃ​ច្បាប់​ស្តីពី​គណបក្ស​នយោបាយ​ ដែល​ជា​ច្រក​តែមួ​យ​គត់​ក្នុង​ការ​បើក​ផ្លូវ​ឲ្យ​ អ្នក​នយោបាយជា​ប់​បម្រាម​ធ្វើន​យោបាយ​ដោយ​ការ​សម្រេច​របស់​តុលាការ ​ដើម្បី​អាច​ធ្វើ​សកម្ម​ភាព​នយោបាយ​រប​ស់ខ្លួន​ឡើ​ង​វិញ​នោះ​ ត្រូ​វបា​នព្រះ ករុណា​ ព្រះបាទ សម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃ​កម្ពុជា ចេញ​ព្រះ​រាជ​ក្រម​ ប្រកាស​ដាក់​ឲ្យ​ប្រើប្រាស់ ​កាល​ពីថ្ងៃ​ទី​០២ ​ខែម​ករា​ ឆ្នាំ​២០១៩​។ ដើម្បី​បាន​នីតិ​សម្បទា​ឡើង​វិញ​នោះ​ អ្នកន​យោបា​យដែ​លជា​ប់បម្រាម​តុលា​ការ​ក្នុងកា​រ​ធ្វើ​នយោបាយ​ ត្រូវ​ស្នើ​លិខិត​ទៅ​ក្រសួង​មហា​ផ្ទៃ ​ហើយ​បន្ទា​ប់ពី​ពិនិត្យ​ពិច័យ ក្រសួង​មហា​ផ្ទៃ​នឹង​ដាក់​ស្នើ​នាយករដ្ឋ​មន្រ្តី​ ដើម្បី​ពិចារណា​ធ្វើ​លិខិត​ទូល​ថ្វាយ​ព្រះម​ហាក្សត្រ​ ឡាយ​ព្រះហ​ស្ថ​លេខា​ផ្តល់​នីតិ​សម្បទា​ន​យោបា​យ​ឡើង​វិញ៕

បញ្ចេញមតិ
ពាក្យគន្លឹះទាក់ទង